kəpa Kuru ɔ po lasər ŋi ka aŋwuth a su ma ɔ yokas Yisɔsȧŋ; mɔ mə a gbal ti sɔ ka ȧŋSam aŋa bekȧ yɛrəŋ, Munɔ mə yi ɔWan kȧmi uruni; ka ȧŋrey aŋe kə i kom mu.
Pəkasifɛ ɔ po bot ȧrey ma ɔ ba kəthoŋkas ȧdȧru rə məlompi ka kȧta ka ɔwuni ɔwe ɔ po thith. Ɔwa ɔ po sɔŋ ti məlanɛnɛ ka aŋfəm bɛ ma ɔ po yokas kɔ ka rafi.
ƆKuru ka Ebraham-əŋ, ɔka Aysakȧŋ yi ɔka Yekɔb-əŋ, ɔKuru ka aŋkas a su, kɔnɔ ɔ po yikis ȧŋbɔy ŋɔŋ Yisɔsȧŋ ɔwe naŋ nə lȧnki, ɔwa nə pɛnsa ro der kədi ka Paylet, ma ɔ nanɛ naŋ tə kəter kɔ.
ta naŋ bɛ yi aŋfəm ŋa ro Isrɛl bɛ, nə tȧrȧ kəpa, ka ȧŋes ŋa Yisɔs Krayst ɔwe ro Nasarɛth ɔwe nə tȧŋ ka akənt kəpəŋkinɛ-e, ɔwe Kuru ɔ yokas ka rəfi, ka ȧŋes ŋɔŋ gbeŋ ɔlaŋgba ɔwe ɔ təmȧ rodi ka nu uyeŋki mədɛr.
