Mȧyɔs ma aŋsom 11:23 - Ȧŋlemrȧnɛ Ȧfu

²³ Ɔwa kɔnɔ ma ɔ bek-e, ɔwa ɔ nənk ȧŋboŋa ŋa Kuru-e, pə bɔnɛ kɔ. Kɔ maŋ ŋa bɛ tə kəgbȧpsȧ ɔMarki rə məbotəs ma ȧmerȧ.

Mȧyɔs ma aŋsom 11:23 ပူးပေါင်းရင်းမြစ်များ

Mathiu 16:24

Ka Yisɔsȧŋ ɔ pa ka aŋkarande ŋɔŋ, Bepi wuni ɔ wuni ɔ yema tȧŋ mi-e, ta ɔ pɛnsanɛ, ɔ gbasi akǝnt kɔŋ kǝpǝŋkinɛ, ɔ tȧŋ mi.

Mark 2:5

Ma Yisɔsȧŋ ɔ nənk kȧlanɛ ka ŋaŋ-e, ɔ pa ka ɔwe ba mathanthaŋ, Wan, a po tera ɛhakɛ ɛ mu.

Yɔn 15:4

Tia nu rokor kȧmi ɔwa minɛŋ rokor ka nu. Mɔ mə aŋra aŋ ba hɛ afɔsɔ tə kəwur məkomi, thambe aŋ tiyȧ ka ralek; ya pə yi sɔ naŋ nə gbəli hɛ, thambe nə tiyȧ ro mi.

Mȧyɔs ma aŋsom 13:43

Ɔwa ma aŋgbanɛ aŋ sakanɛ-e, aŋYuda agbȧthi yi ŋaŋ aŋa po lafthɛ ka kȧlanɛ aŋ tȧŋ Pɔlȧŋ yi Banabasȧŋ, kaŋ fɔfȧnɛ ŋa kȧmȧ aŋ bȧsər ka ȧŋboŋa ŋa Kuru.

Mȧyɔs ma aŋsom 14:22

kaŋ bȧksər ɛmerȧ ya aŋkarande, aŋ maŋ ŋa tə kəbasər ka kȧlanɛ, ɔwa aŋ kanɛ ŋa sɔ kəpa, ka ɛsɔmpanɛ ɛgbathi sə tə wɔŋ ka rȧbȧy ra Kuru.

Mȧyɔs ma aŋsom 14:26

kaŋ bȧkȧ ri rə abil, aŋ kɔnɛ ro Antiɔk ro a po maŋkər ŋa ka ȧŋboŋa ŋa Kuru ta mapanth ama aŋ po gbenthis.

Mȧyɔs ma aŋsom 15:40

Kɛrɛ Pɔlȧŋ ɔ thith Sailas-əŋ, kaŋ kɔnɛ, kərarəŋ ka aŋwɔnt aŋ maŋkər ŋa ka ȧŋboŋa ŋa ɔMarki.

Mȧyɔs ma aŋsom 20:24

Kɛrɛ mȧtȧy ame mə yɔ hɛ i borȧnɛ, ɔwa i gbasi hɛ aŋesəm a mi mɔ rəka rəbaki mɔlɔ ta ȧtȧ mi, kaŋka gbo i gbəli gbanthi ȧŋbara a mi yi məbɔnɛ, dɛ yi mapanth ama ɔMarki Yisɔs ɔ sɔŋ mi, tə kəseri ȧkɛra kəfinɔ ka ȧŋboŋa ŋa Kuru.

Mȧyɔs ma aŋsom 20:32

Ɔwa ka-ake i lȧnki nu ka Kuru yi ka ȧrim ra ȧŋboŋa ŋɔŋ, ara ba afɔsɔ tə kəbaksər nu, dɛ yi tə kəsɔŋ nu ani kətɔŋ ka ŋaŋ aŋa a po səməs.

Mȧyɔs ma aŋsom 4:36

Ɔwa Yosɛfȧŋ ɔwe aŋsom aŋ sɔŋ ȧŋes ŋa Barnabas, (bepi a tepa ŋi ŋə yi Wan ka kȧBɛfəth), uLifay wɔŋ, wuni ka ro Siprɔs,

AŋRomans 12:8

dɛ yi ɔwe mə maŋ afəm-e, ka kȧmȧŋ kɔŋ; ɔwe mə boya-e, ta ɔ yɔ ti rə ȧmerȧ aselɔ; ɔwe mə gbəka-e ta ɔ yɔ ti rə kəbotnɛ ȧmerȧ; ɔwe mə tɔri ȧney-e, ta ɔ yɔ ti rə məbɔnɛ.

1 AŋKɔrenth 15:58

Tiyȧŋ, aŋwɔnt a mi abɔthər, təmȧ nu ɔbaksər, te kala kəmuth, bȧsər ka mapanth ma ɔMarki lɔkɔ bɛ, pəkasifɛ sə tȧrȧ kəpa mapanth ma nu mə yi hɛ kətiŋ ka ɔMarki.

2 AŋKɔrenth 1:17

Ma i la botəs yaŋ-e, pə yi kəpa i ba ȧmerȧ afəlɛ fəlɛ-i? Thalɔm mȧtȧy ama i botəs-e, pə yi kəpa i nanɛ ma mɔ wuni kəpet mɔ nanɛ ɔwe yi ubɛnɛnɛ tə kəpa, Yao, Yao, dɛ yi, Sako, Sako, yawin-i?

2 AŋKɔrenth 6:1

Ɔwa ma sə pantnɛ yi kɔn ka mȧpanth-e, sə nɛmthɛnɛ nu kȧmȧ nə te sɔthɔ ȧŋboŋa ŋa Kuru kətiŋ.

AŋKɔlɔsi 1:6

Ȧrim rati rə bek do rɔnu mɔ mȧ rə po yɔ ka ȧdȧru rəlolok bɛ. Ɔwa rə kȧl wurɔ ŋani mɔ mə rə yɔ do rɔnu kȧbi ka ȧŋrey ma nə mɔtha təl, ɔwa nə mɔtha tȧrȧ ȧŋboŋa ŋa Kuru təteŋ;

2 Timɔthi 3:10

Kɛrɛ munɔ mə po tȧrȧ finɔ mathəksa ma mi dɛ yi mayi, yi mabotəs, yi kȧlanɛ, yi kamuyu, yi mabɔthər, yi katəma kȧmi kəŋkəŋ,

1 Pitar 5:12

I somra ȧŋreka agbut aŋe ka kȧta ka Silfenɔs, ɔwɔnt su ubɔthi lanɛ, tə kəbaksər tabuth ta nu, yi tə kəseri kəpa ȧtȧ i po tɔri nu tə yi ȧŋboŋa atəteŋ ŋa Kuru. Təmȧ ri ɔbaksər.

1 Yɔn 2:28

Ɔwa, awuth alɔl tiyȧ nu ro ŋɔŋ: kȧmȧ ma ɔ tɔrinɛ, sə tə ba kəmintha, kȧmȧ sə te lap tə kəbəp kɔ ma ɔ der-e.

3 Yɔn 1:4

I ba hɛ məbɔnɛ ama mə thas ame tə kətəl kəpa aŋwuth a mi aŋ kɔth ka tȧteŋ.

Yud 1:4

kotȧy-e afəm alɔm aŋ po wɔŋ sɔy, aŋfəm aŋa a po gbəka matheri maŋ ɔwoni thɔŋ, afəm aŋa te tȧrȧ Kuru aŋa lȧfthi ȧŋboŋa ŋa ɔKuru kȧsu ka mafela maŋ maləs, ɔwa aŋ pɛnsanɛ Yisɔs Krayst ɔMarki kȧsu gbo son.