Mȧyɔs ma aŋsom 1:8 - Ȧŋlemrȧnɛ Ȧfu

⁸ Kɛrɛ nə tə sɔthɔ afɔsɔ ma ɔYina məsəm ɔ derər nu; ɔwa nə tə yi maseri ma mi ro Yerusalɛm-o, ro Yudia bɛ-o, ro Samaria-o, ɔwa haŋ ka ɔthalnɛ wa ȧdȧru.

Mȧyɔs ma aŋsom 1:8 ပူးပေါင်းရင်းမြစ်များ

Mathiu 24:14

Ɔwa ȧkɛra kǝfinɔ ka rȧbȧy ake-e, a ba kǝtamǝs ki ka ȧdȧru bɛ ta mǝseri ka tǝbona bɛ. Kǝdarǝŋ kati ɔthalnɛ ɔ der tɛnɛ.

Mathiu 28:19

Tiyȧŋ kɔnɛ nu ka tǝbona bɛ-e, nǝ sǝki ŋa akarande, nǝ baftays ŋa ka ȧŋes ŋa ɔKas, yi aŋa ɔWan, yi aŋa ɔYina mǝsǝm;

Mark 16:15

kɔ pa ro ŋaŋ, Kɔnɛ nu ka ȧdȧru bɛ, ɔwa taməs nu ȧkɛra kəfinɔ ka Kuru ka wuni o wuni.

Luk 1:35

Ka ɔmaleka ɔ pa ro ŋɔŋ, ɔYina məsəm ɔ tə thorər mu, aŋfɔsɔ ŋa ɔBɔli rəkɔm aŋ tə gbəpər mu. Tiyȧŋ arəka rəsəm ara mə tə re kom-e, a tə bont kɔ, ɔWan ka Kuru.

Luk 10:19

Ɔwa i po sɔŋ nu afɔsɔ tə kənas ɛbok yi atulis, dɛ yi kətham rokɔm ka aŋfɔsɔ bɛ ŋa ɔtheranɛ; ɔwa koko bɛ rə gbəli hɛ yɔ nu ɔbaŋ.

Luk 24:29

kɛrɛ aŋ thɔnthɔ kɔ, aŋ pa, Yirȧ ras ro rɔsu, ȧtesoma-e ȧŋsum aŋ yema wɔŋ, ɔwa ȧŋrey aŋ bora kəpoŋ. Kɔ wɔŋ tə kəyianɛ yi ŋaŋ.

Yɔn 15:27

ɔwa naŋ sɔ nə tə gbaki; pəkasifɛ nə po yi ro mi kȧbi ka katəp.

Mȧyɔs ma aŋsom 1:22

kətəp ka ȧŋbaftisəm ŋa Yɔn, haŋ kəkɔ ka ȧŋrey aŋa a gbasir su kɔ-e, ɔwa a ŋata kɔ ro riyana, kətɔŋ ka aŋe-e, ukin ɔ yi tə kəsəkɛ məseri yi saŋ ta kȧyokanɛ kɔŋ.

Mȧyɔs ma aŋsom 1:5

Tə tɛntɛnɛ Yɔnȧŋ ɔ po baftays yi mȧnt, kɛrɛ yeŋka mərey məgbathi mə thas-e, a tə baftays nu yi ɔYina məsəm.

Mȧyɔs ma aŋsom 13:31

kɔ tɔrinɛ mərey məlai ka ŋaŋ aŋa der yi kɔnɔ ro Yerusalɛm kəwur ro Kalili, aŋa yi thɔŋ maseri mɔŋ ka aŋfəm.

Mȧyɔs ma aŋsom 2:32

Yisɔs ɔwe-əŋ, kɔnɔ Kuru ɔ yokas, ɔwa saŋ bɛ sə yi ti məseri.

Mȧyɔs ma aŋsom 22:15

kotȧy-e mə ba kəyi aseri ta atɔŋ ka aŋfəm bɛ-e, ta ȧtȧ mə po nənk yi ȧtȧ mə po təl.

Mȧyɔs ma aŋsom 3:15

Ka nə dif ɔTəpi wa aŋesəm, ɔwe Kuru ɔ po yokas kətɔŋ ka aŋfi, ta ȧtȧ sə yi məseri.

Mȧyɔs ma aŋsom 4:33

Aŋsom aŋ seri ta kȧyokanɛ ka ɔMarki Yisɔs rə afɔsɔ abana; ɔwa aboŋa abana aŋ yi rokɔm ka ŋaŋ.

Mȧyɔs ma aŋsom 5:32

Ɔwa saŋ sə yi mȧseri ta mȧtȧy ame; yi ɔYina məsəm sɔ ɔwe Kuru ɔ po sɔŋ ka ŋaŋ aŋa mə wop ȧrim rɔŋ.

Mȧyɔs ma aŋsom 6:8

Ka Stifɛnȧŋ ɔ la aboŋa yi afɔsɔ, ɔ yɔ mȧtȧy məkabanɛ yi ɛmisali kətɔŋ ka aŋfəm.

Mȧyɔs ma aŋsom 8:1

Ka Sɔl-əŋ ɔ ba dim din yi ŋaŋ ta kadif kɔ. Ɔwa ka ȧŋlɔkɔ ŋati athalər abana aŋ təp ro Yerusalɛm ka aŋchɔch. Ka ŋa bɛ aŋ sakanɛ ro Yudia yi ro Samaria, thambe aŋsom.

AŋRomans 10:18

Ɔwa i yif, aŋ tha la hɛ təl ras-i? Yao, tɛntɛnɛ kotȧy-e, Tafɔf ta aŋsom tə po gbanthɛnɛ ka ȧdȧru bɛ, Yi ȧsim taŋ haŋ ka ɔgbanthir wa ȧdȧru.

AŋRomans 15:19

rə kəmisali dɛ yi mȧtȧy məkabanɛ asabu ŋa aŋfɔsɔ ŋa ɔYina məsəm; kȧmȧ kətəp ro Yerusalɛm yi tapet ta rayɛr haŋ kəkɔ ro Ilirikɔm, i po taməs ɔgbenthis mapa məfinɔ ma Krayst.

AŋKɔlɔsi 1:23

Bepi pə yi gbo-e nə bȧkər asɔbɛ ka kȧlanɛ, ɔwa nə təmȧ kəŋkəŋ abȧki gbaŋ, nə gbapɛ hɛ kagbak ȧmerȧ ka nu ka ȧkɛra kəfinɔ ȧke nə po təl, dɛ yi ȧke a po kawandi ka wuni o wuni nɔru. Ɔwa minɛŋ, Pɔl, a səki mi ukɔtha ka ȧkɛra kati.