3 Yɔn 1:12 - Ȧŋlemrȧnɛ Ȧfu

¹² Demetriɔs ɔ ba ȧŋes afinɔ kətɔŋ ka aŋfəm bɛ, yi ka tȧteŋ sɔ: saŋ sɔ sə seri ti; ɔwa mə tȧrȧ kəpa maseri ma su mə yi təteŋ.

3 Yɔn 1:12 ပူးပေါင်းရင်းမြစ်များ

Yɔn 19:35

Ɔwa ɔwe po nənk ti ɔ yi ti məseri, ɔwa maseri mɔŋ mə yi tȧteŋ: ɔ tȧrȧ kəpa ɔ fɔf tȧteŋ, kȧmȧ naŋ sɔ nə lanɛ.

Yɔn 21:24

Ɔkarande ɔwe kɔnɔ gbaki ta mȧtȧy ame, kɔ gbal mȧtȧy ame: ɔwa sə tȧrȧ kəpa aŋgbaki ŋɔŋ aŋ yi tȧteŋ.

Mȧyɔs ma aŋsom 10:22

kaŋ pa, Kɔrniliɔs ɔkaptin, wuni wɔŋ ɔwe nesa Kuru, ɔwe ba sɔ ŋes afinɔ kətɔŋ ka ȧŋbona ŋa aŋ Yuda bɛ, umaleka usəm ɔ maŋ kɔ tə kəsom ro rɔmu kȧmȧ mə kɔ ro seth kɔŋ, kȧmȧ ɔ təl ȧsim ȧte mə ba tə kətɔri kɔ.

Mȧyɔs ma aŋsom 22:12

Ka ulangba ɔwe ba ȧŋes ŋa Ananayas, ɔwe nesa Kuru ka makur ma ȧŋthɔ, ɔ ba ŋes afinɔ kətɔŋ ka aŋYuda bɛ aŋa yirȧ ri,

Mȧyɔs ma aŋsom 6:3

Tiyȧŋ awɔnt, thith nu kətɔŋ ka nu afəm aruni tȧmthədɛrəŋ aŋa ba mes məfinɔ, aŋa la ɔYina məsəm yi kətemp, kȧmȧ sə bot ŋa ka mapanth ame.

1 AŋThɛsȧlonika 4:12

kȧmȧ nə gbəli kɔth ɔlompi kətɔŋ ka ŋaŋ aŋa te lanɛ, kȧmȧ pə re yi nə te paŋ rəka o rəka.

1 Timɔthi 3:7

Pəthas ri, thambe ɔ ba ŋes afinɔ ka ante lanɛ; ta thani ɔ wɔŋ ka mathɛkɛ yi magbət ma Sethani.