3 Yɔn 1:11 - Ȧŋlemrȧnɛ Ȧfu

¹¹ Ɔbɔthər kȧmi, te tansanɛ mələs, kɛrɛ tansanɛ məfinɔ. Ɔwe mə yɔ ɔfinɔ ɔ yi ka Kuru: kɛrɛ ɔwe mə yɔ ɔləs ɔ tha nənk hɛ Kuru.

3 Yɔn 1:11 ပူးပေါင်းရင်းမြစ်များ

Yɔn 10:27

Talɔmɛ ta mi aŋ təl ȧrim ra mi, ɔwa aŋ tȧŋ mi, ɔwa i tȧrȧ ŋa:

Yɔn 12:26

Bepi wuni ɔ yema yi ȧbɔy a mi, ta ɔ tȧŋ mi; ɔwa ro minɛ i yi, ri sɔ ȧŋbɔy a mi ɔ tə yi: bepi wuni o wuni ɔ yɔna mi, kɔnɔ ɔKas mɔ yikis.

Yɔn 3:20

kotȧy-e wuni o wuni ɔwe mə yɔ ɔləs ɔ gbɛŋa ȧŋmothȧ, ɔwa ɔ de hɛ ka ȧŋmothȧ ta thani mələs mɔŋ mə ŋaibɛ.

1 AŋKɔrenth 11:1

Ɔwa yi nu ȧtȧnsȧnɛ mi mɔ mə minɛ mə i tansanɛ Kraystȧŋ.

1 AŋKɔrenth 4:16

Tiyȧŋ ɔmari nu, yi na ȧtȧnsȧnɛ mi.

AŋƐfisɔs 5:1

Te ba ti, tansanɛ Kuru mɔ afɛth abɔthər.

AŋFilipai 3:17

Awɔnt, yi nu ȧtȧnsȧnɛ mi, ɔwa lomar ŋaŋ aŋa kɔth kətȧŋȧnɛ ka ȧŋmɔl aŋa sə sɔŋ nu.

1 AŋThɛsȧlonika 1:6

Ɔwa nə təp kəsanɛ su dɛ yi ɔMarki, ma nə po malanɛ ȧrim ra ȧkɛra rə asɔmpanɛ ȧbana, rɛ mabɔnɛ ma ɔYina məsəm;

1 AŋThɛsȧlonika 2:14

kotȧy-e awɔnt, nə tansanɛ ɛchɔch ya Kuru aŋa yi ka Krayst Yisɔs ro Yuda; pəkasifɛ nə po sɔmpanɛ ka mȧta ma aŋfəm a nu, mɔlɔ min mɔ ŋaŋ aŋa po sɔmpanɛ ka aŋYuda;

2 Timɔthi 3:10

Kɛrɛ munɔ mə po tȧrȧ finɔ mathəksa ma mi dɛ yi mayi, yi mabotəs, yi kȧlanɛ, yi kamuyu, yi mabɔthər, yi katəma kȧmi kəŋkəŋ,

AŋHibru 6:12

Kama nə te yi ayay, kɛrɛ nə tansanɛ ŋaŋ aŋa sɔthɔ ɛlahiri asabu ŋa kȧlanɛ dɛ yi kamuyu ka ŋaŋ.

1 Pitar 3:11

Ta ɔ pɛnsa tələs, ta ɔ yɔ təfinɔ; Ta ɔ thɛns məthɔfəl kȧmȧ ɔ bȧkərȧ ma.

1 Pitar 3:13

Ɔwa kanɛ mə gbəli yɔ nu tələs bepi nə tȧŋ ȧtȧ yi təlompi-e?

1 Yɔn 2:29

Bepi nə tȧrȧ kəpa ɔ yi ulompi, tȧrȧ nu sɔ kəpa wuni o wuni ɔwe mə yɔ ɔlompi kɔnɔ kom kɔ.

1 Yɔn 3:10

Ka ȧte sə gbəli tȧrȧ awuth ŋa Kuru, yi awuth ŋa Sethani: wuni o wuni ɔwe te yɔ ɔlompi ɔ yi hɛ ka Kuru, thalɔm ɔwe te bɔthər ɔwɔnt kɔŋ.

1 Yɔn 4:1

Abɔthər, te nu lanɛ ɛyina bɛ, kɛrɛ mɛm yi bepi ɛ yi ka Kuru: pəkasifɛ anȧbi ayem agbȧthi aŋ yi ka ȧdȧru.