2 Pitar 3:7 - Ȧŋlemrȧnɛ Ȧfu

⁷ Kɛrɛ kȧriyana dɛ yi ȧdȧru ɛyɛ yi ka-ake, a bɛnɛ yi salata ȧrim rin rati tə kəthɔi yi ka ȧŋrey ŋa kathoŋkas dɛ yi kadinɛ ka ante lanɛ Kuru.

2 Pitar 3:7 ပူးပေါင်းရင်းမြစ်များ

Mathiu 10:15

Tɛntɛnɛ i kanɛ nu, pǝ tǝ yi ɔfisa ta ȧŋthɔf ŋa ro Sɔdɔm yi ro Kɔmɔra ka ȧŋrey ŋa kagbǝk ɛpa, pǝthasi ta kȧpet kati.

Mathiu 11:22

Kɛrɛ i kanɛ nu, pǝ tǝ yi ɔfisa ta ro Tair yi ro Sidon ka ȧŋrey ŋa kǝthoŋkas pǝthasi nu.

Mathiu 11:24

Kɛrɛ i kanɛ nu, pǝ tǝ yi ɔfisa ta ȧŋthɔf ŋa ro Sɔdɔm ka ȧŋrey ŋa kǝthoŋkas pǝthasi munɔ.

Mathiu 12:36

Kɛrɛ i kanɛ nu kǝpa-e, rim o rim rǝyai ara afǝm mǝ aŋ fɔf aŋ ba tǝ kǝgbaki ti ka ȧŋrey ŋa kǝthoŋkas.

Mathiu 24:35

Ȧkȧriyana yi ȧdȧru ɛ ba kǝthas, kɛrɛ ȧsim ta mi tǝ ba hɛ kǝthas.

Mathiu 25:41

Ȧŋlɔkɔ ŋati ɔ tǝ pa ro ŋaŋ aŋa yi ka kȧmɛrɔ kɔŋ, wur mi nɔ naŋ aŋa ba ȧranka, kɔnɛ nu ka anant na tǝbana ana a bɛnɛnɛ ta ɔkǝrǝfi yi aŋmȧleka ŋɔŋ.

Mark 6:11

Ɔwa dɛr ro a te malanɛ nu-e thalɔm a te təlȧ nu-e, ma nə wur ri-e, koŋkoŋ kabof ȧke yi ka ȧtȧtək ta nu ratha tə kəseri ro ŋaŋ. Tɛntɛnɛ i pa ro nu, Pə tə yi fisa ta Sɔdɔm yi Kɔmɔra ka ȧŋrey ŋa kathoŋkas pəthasi kȧpet kati.

Yɔn 12:48

Ɔwuni ɔwe mə pɛnsa mi, ɔwa ɔ malanɛ hɛ ȧsim ta mi, ɔ ba ukin ɔwe mə thonkas kɔ; ȧrim ara i po fɔf, rə mə thonkas kɔ ka ȧŋrey aləpsɔ.

AŋRomans 2:5

Kɛrɛ kətaŋ ka kabak ka mu rəfɔr yi kate thupi ka mu-e, mə bȧr gbo rəbaŋ ka ȧŋrey ŋa rəbaŋ, ma kathoŋkas kəlompi ka Kuru kə tɔrinɛ;

1 AŋKɔrenth 3:13

mapanth ma wuni o wuni mə tə tɔrinɛ, kotȧy-e ȧŋrey ŋa Krayst aŋ tə ŋaibi ma, dɛ yi anant sɔ. Ɔwa anant nə tə mɛm ko mapanth ma wuni o wuni mȧ mə yi.

AŋFilipai 1:28

Te nesa antheranɛ a nu hali; kate ka nu nesa kə y amisali ma kadinɛ ka ŋaŋ, kɛrɛ do rɔnu kə yi amisali ma kakisi ka nu ka Kuru.

2 AŋThɛsȧlonika 2:3

Te selɔ wuni o wuni ɔ tɔns nu hali; kotȧy-e ȧŋrey ŋati aŋ gbəli hɛ bek thambe kakal mədarəŋ kə mɔtha der, ɔwa ɔwuni kati ka ahakɛ, pə yi mɔ-e, ɔwan ka kədinɛ, ɔ mɔtha tɔrinɛ.

1 Timɔthi 6:9

Kɛrɛ afəm aŋa fela rəyola aŋ tə fumpɔ ka agbɔns yi məgbət, yi ka ɛfela ɛləs ɛgbathi ɛyɛ mə kera afəm ka kadinɛ.

AŋHibru 12:29

kotȧy-e ɔKuru kȧsu ɔ yi mɔ nȧnt nəthɔy.

2 Pitar 2:9

Bepi ȧte bɛ tə yi-e, ɔMarki ɔ tȧrȧ tə kərɔkri aŋfəm alompi ka agbɔnsanɛ, ɔwa ɔ tȧrȧ tə kəbɛnɛ aŋfəm aləs ta ȧŋrey ŋa karɔk ɛpa tə kəthalər ŋa.

2 Pitar 3:10

Kɛrɛ ȧŋrey ŋa ɔMarki aŋ tə der mɔ ukei ka tȧtȧk. Ɔwa ka ȧŋrey ŋati tȧriyana tə tə thas yi ɛsɔnkɔ ɛbana, yi mayɛt bɛ mə tɔ thaŋkɛ yi ɔfey ɔninis, ka ȧdȧru dɛ yi mȧpanth ma afəm a kəpet bɛ mə tə fey mər.

2 Pitar 3:12

Ma pə yi ti-e, nə kəli, ka nə bosinɛ ta kȧder ka ȧŋrey ŋa Kuru, ma tȧriyana tə tə poŋ tɛf ka nȧnt nəmara-e, ɔwa mayɛt sɛŋk mə tə thaŋkɛ ka ɔfei ɔninis wati.

1 Yɔn 4:17

Mabɔthər ma su mə tə gbenthis ka ȧte, kȧmȧ sə ba kəmintha ka ȧŋrey ŋa kathoŋkas: pəkasifɛ mɔ kɔnɔ ɔ yi, ya saŋ sə yi sɔ ka ȧdȧru are.

Yud 1:7

Hali ro Sɔdɔm yi Kɔmɔra, yi tapet ȧtȧ fatər ri, maŋ po sɔndnɛ rə kəyɔ kərəp, yi tȧy tələs bɛ, a təmər ŋa ta amɔl, a thalər ŋa yi ansɔmpanɛ ka anant na thȧnkȧŋ thəbana.

Kȧŋȧibinɛ 17:11

Ɔsɛm ubaŋ ɔwe la yi kɛrɛ ɔ yi hɛ ka-ake, kɔnɔ beka tamthərɛsas, kɛrɛ ɔ yi ukasa ka antamthədɛrəŋ, ɔwa kɔnɔ sɔ ɔ tə kɔnɛ ka kadinɛ.

Kȧŋȧibinɛ 17:8

Ɔsɛm ubaŋ ɔwe mə po nənk ɔ la yi, kɛrɛ ɔ yi hɛ sɔ, kɛrɛ pə tiyȧ gbo ɔthan ɔ tə kȧl wur ka ȧŋbi aŋa te ba ɔthalnɛ, kəkɔnɛ ka kadinɛ; ɔwa aŋfəm ŋa ȧdȧru aŋ tə kabanɛ, ŋa bɛ aŋa te la ba ames maŋ ka ȧkȧfȧ ka aŋesəm kȧbi ka ɔtəpɛr wa ȧdȧru, maŋ nənk ɔsɛm ubaŋ ɔwe la yi, ɔwa ɔ yi hɛ sɔ, kɛrɛ ɔ yi tə kəder.

Kȧŋȧibinɛ 20:11

Rodarəŋ kati i nənk kəwaŋ ka rȧbȧy kəbana kəfera pər dɛ yi kɔn ɔwe yirȧ ri; ɔwa ȧdȧru dɛ yi kȧriyana ɛ gbukɛ kəwur ka kȧbəprȧnɛ kɔŋ. Ɔwa dɛr rə yi hɛ sɔ ta yi.

Kȧŋȧibinɛ 21:1

Ka i nənk kȧriyana kəfu dɛ yi ȧdȧru rəfu; kotȧy-e ȧkȧriyana dɛ yi ȧdȧru rətɔtɔkɔ rə po thas. Ɔwa kȧbȧŋ kəbana kə yi hɛ sɔ.