2 Pitar 3:2 - Ȧŋlemrȧnɛ Ȧfu

² Dɛ yi kȧmȧ nə kala ȧmerȧ ta ȧsim ȧtȧ Aŋnȧbi asəm aŋ poŋ seri thəpaŋ, yi ta aŋyamari ŋa ɔMarki kȧsu, ɔKisis, aŋa saŋ, aŋsom, sə po tɔri nu.

2 Pitar 3:2 ပူးပေါင်းရင်းမြစ်များ

Luk 1:70

Mɔ mɔ fɔf ka tasəŋ ta aŋnabi ŋɔŋ asəm, kȧbi ka thəpaŋ.

Luk 24:27

Ɔwa, kətəp ka Mosis yi aŋnabi bɛ, ɔ sɔkəs ɛmerȧ yaŋ ka mȧgbal bɛ ama a gbal ta atɔŋ.

Luk 24:44

kɔ pa ro rɔŋaŋ, Ȧsim ta mi ti ȧte, ȧte i la kanɛ nu ka ȧŋlɔkɔ aŋa i yi ras yi naŋȧŋ kəpa mȧtȧy bɛ mə ba tə kəlasər ama a gbal ta ȧtȧ mi ka aŋthɔ ŋa Mosis, yi ka aŋnabi, yi ka ȧŋSams.

Mȧyɔs ma aŋsom 10:43

Aŋnȧbi bɛ aŋ seri ta atɔŋ, kəpa wuni o wuni ɔwe mə lanɛ kɔ ɔ tə sɔthɔ katerɔ ka ɛhakɛ yɔŋ salata ȧŋes ŋɔŋ.

Mȧyɔs ma aŋsom 28:23

Ɔwa maŋ po botȧ kɔ arey-e, agbȧthi aŋ der ro ŋɔŋ kaŋ yiya ŋɔŋ. Kɔ yɛrkia ŋa ȧŋpa, ma ɔ seri ta rȧbȧy ra Kuru, kɔ thɔnthɔ ŋa ta Yisɔs ka ȧŋthɔ ŋa Mosis yi ka mȧgbal ma Aŋnȧbi, kətəp ka bəth haŋ rəfɔy.

Mȧyɔs ma aŋsom 3:18

Kɛrɛ mȧtȧy ama Kuru ɔ tɔri ka tasəŋ ta Aŋnȧbi kəpa ɔKrayst ɔ ba kənȧkȧsi-e, ya ɔ lasər ma yaŋ.

Mȧyɔs ma aŋsom 3:21

pə yi mɔ kɔnɔ ɔwe ȧŋriyana aŋ ba kəwop haŋ ka ɛlɔkɔ ya kakala mȧtȧy bɛ, ama Kuru ɔ po fɔf ka tasəŋ ta Aŋnȧbi bi ŋɔŋ asəm bɛ aŋa yi kȧbi ka ɔwoni.

AŋKȧletia 6:2

Marsanɛ nu kəsara ɛtothe kȧmȧ nə lasər ȧŋthɔ ŋa Krayst.

AŋƐfisɔs 2:20

Ka a təmər nu rokɔm ka ɔtəmər wa aŋsom dɛ yi Aŋnȧbi, ɔwa Yisɔs Krayst kɔn kɔnɔnɛ ɔ yi aŋsar ȧtɔtɔkɔ ŋa ȧŋkoŋ;

AŋƐfisɔs 3:5

A la hɛ tɔri ŋi ka aŋwuth ŋa afəm thəpaŋ, mɔ mȧ a poŋ thɔŋ ŋaybi ŋi ka-ake ka aŋsom ŋɔŋ asəm dɛ yi Aŋnȧbi kətȧŋȧnɛ ka ɔYina məsəm;

1 Timɔthi 6:14

Ɔwa bɛnɛ aŋyamari aŋe finɔ, kəte ba apora thalɔm məthɛkɛ, haŋ ɔMarki kȧsu Yisɔs Krayst ɔ kȧl der.

2 Pitar 2:21

kotȧy-e pə tə yi naŋ fisa bepi aŋ la hɛ tȧrȧ aroŋ da məlompi pəthas ma mə aŋ po tȧrȧ ri-e, a kȧl kala kamuth ka aŋyamari asəm aŋa a po sɔŋ ŋa.

2 Pitar 3:15

Ɔwa tȧrȧ nu kəpa kamuyu kəwoni ka ɔMarki kə yi kəkisi; hali mɔ mə Pɔlȧŋ, ɔwɔnt ubɔthər ɔ po gbalər nu ka kȧtemp ȧke a po sɔŋ kɔ.

2 Pitar 3:16

Ya ɔ pa ka mȧgbal mɔŋ bɛ, ma ɔ fɔf ta mȧtȧy ame. Di kati mȧtȧy məlɔm mə yi mətui sɔthnɛ, ama afəm aŋa te tȧrȧ, yi aŋa ba ɛmerȧ ɛsakanɛ aŋ lafthɛ lafthɛ ma mɔ mə aŋ lafthɛ mȧgbal məsəm məlɔm haŋ aŋ kȧrȧ kədinɛ ka ɛyɛthɛ yaŋ.

1 Yɔn 4:6

Saŋ sə yi ta Kuru: ɔwe tȧrȧ kɔ ɔ təlȧ su; kɛrɛ kɔn ɔwe te yi ta Kuru ɔ təlȧ hɛ su. Ka ȧte sə tȧrȧ ɔgbaskɛ wa aŋyina ka təteŋ, yi aŋyina ŋa rəyem.

Yud 1:17

Kɛrɛ ȧŋbɔthər a mi, tȧmtȧmnɛ nu tafɔf ȧtȧ aŋsom ŋa ɔMarki kȧsu Yisɔs Krayst aŋ pa thəpaŋ.

Kȧŋȧibinɛ 19:10

Ka i sanɛ ka ȧtatək tɔŋ tə kəbatho kɔ, kɛrɛ ɔ pa, Te yɔ yi, minɛŋ sɔ i yi ukos mu ȧbɔy, dɛ yi ukos ka aŋwɔnt mu aŋa ba maseri ma Yisɔs. Bȧtho Kuru, kotȧy-e maseri ma Yisɔs mə yi aŋyina ŋa kanabi.