2 Pitar 3:17 - Ȧŋlemrȧnɛ Ȧfu

¹⁷ Tiyȧŋ abɔthər, ma nə po tȧrȧ mȧtȧy ame, bumnɛ nu kȧmȧ nə te sapəra ka kayɛtha ka aŋfəm aləs, yi kȧmȧ nə te fumpɔ kəwur ka matəma ma nu məfinɔ.

2 Pitar 3:17 ပူးပေါင်းရင်းမြစ်များ

Mathiu 16:11

To som nǝ te tȧrȧ kǝpa i fɔfȧnɛ hɛ nu ta tǝbo-e? Kɛrɛ pɛndaf nu ta ɛgbith ya aŋFarisi yi aŋSadusi.

Mathiu 16:6

Ka Yisɔs ɔ pa ro ŋaŋ, Botnɛ nu, ɔwa pɛndaf nu ɛgbith ya aŋFarisi yi aŋSadusi.

Mathiu 7:15

Botnɛ nu rǝ ȧmerȧ ta aŋnabi ayem aŋa mǝ der ro nu rǝ ɛlopra ya tǝlɔmɛ, kɛrɛ rokor aŋ yi tǝthɔlu alukǝs.

Yɔn 16:4

Kɛrɛ mȧtȧy ame i po kanɛ nu kȧmȧ ma ȧŋlɔkɔ aŋ bek-e, nə tə kȧl nanɛ kəpa i la po kanɛ nu ti. I kanɛ hɛ nu mȧtȧy ame bɛ ka katəp, pəkasifɛ i yi rɛ naŋ.

Mȧyɔs ma aŋsom 2:42

kaŋ bȧsər bȧkər ka mȧtȧy məthəksa ma aŋsom, yi məmanɛ, yi ka kasiməth təbo, yi ka təramnɛ.

AŋRomans 16:18

Ȧtesoma-e afəm awunɔŋ aŋ yi hɛ ɛbɔy ya ɔMarki Krayst, aŋ yi gbo antar ŋa ɛmilɛ yaŋ. Ɔwa aŋ tə pəŋis ɛmerȧ ya ante tȧrȧ tȧy kətȧŋȧnɛ ka kafɔf ka ŋaŋ kəfinɔ, kəbɔthi təl.

1 AŋKɔrenth 10:12

Tiyȧŋ ɔwe nanɛ kəpa ɔ təmȧ, ta ɔ bumnɛ ta thani ɔ fumpɔ.

1 AŋKɔrenth 15:58

Tiyȧŋ, aŋwɔnt a mi abɔthər, təmȧ nu ɔbaksər, te kala kəmuth, bȧsər ka mapanth ma ɔMarki lɔkɔ bɛ, pəkasifɛ sə tȧrȧ kəpa mapanth ma nu mə yi hɛ kətiŋ ka ɔMarki.

2 AŋKɔrenth 11:3

Kɛrɛ i soli ta thani mɔ mə ȧŋbok ɔ tɔns Ma Hawa ka masɔth mɔŋ-e, yaŋ sɔ ɛmerȧ ɛ nu ɛ tə yɛthȧ kəwur ka ɔfɔy tȧy dɛ yi ɔfethər ɔwe yi ka Kraystȧŋ.

AŋKȧletia 5:4

Krayst ɔ yi hɛ koko do rɔnu bepi nə sɔthɔ məmari ka ȧŋthɔ; nə po fumpɔ kəwur ka aboŋa.

AŋƐfisɔs 4:14

Kama sə te sɔ yi afɛth aŋa aŋfef ŋa kəthəksa o thəksa mə aŋ falir-e, pə yi mɔ ayaŋfa ŋa afəm ka masɔth maŋ rə kȧyɔ kȧrȧfu kȧrȧfu.

AŋFilipai 3:2

Bumnɛ nu mətən, bumnɛ nu afəm aləs, dɛ yi ȧŋbirons,

AŋKɔlɔsi 2:5

kotȧy-e hali ma i te bəpər ka madɛr-e, i yi dɛ yi naŋ ka ȧŋmerȧ a mi, ka pə bɔnɛ mi ma i nənk mabotəs dɛ yi kabotərnɛ ka nu ȧmerȧ ka kȧlanɛ ka Krayst.

AŋKɔlɔsi 2:8

Bumnɛ nu kȧmȧ wuni o wuni ɔ te ləsər nu rə mətamtamnɛ yi ayaŋfa ayay yay, kətaŋ ka ɛnanɛ ya afəm a kəpet dɛ yi ka mayi ma ȧdȧru are-e, pə yi hɛ kətaŋ ka Krayst.

2 Timɔthi 4:15

Ɔwa munɔ sɔ bumnɛ kɔ, pəkasifɛ ɔ bora kətim akawandi kȧsu.

AŋHibru 3:14

kotȧy-e saŋ sə yi ayeranɛ ka Krayst, bepi sə wop ɔbaksər kapələnɛ kȧsu kətɔtɔkɔ haŋ ka ɔləpsɔ.

1 Pitar 5:9

Kasi kɔ nu ka aŋlanɛ; ɔwa tȧrȧ kəpa aŋwɔnt a nu alɔm ka ȧdȧru bɛ ŋa yi sɔ ka ȧŋpam ŋin ŋati.

2 Pitar 2:7

Ɔwa bepi Lot ɔlompi, ma mɔ sɔmpanɛ salata mȧyɔs ma aŋfəm aləs-e, ɔ tafi kɔ;

2 Pitar 3:1

Ȧŋreka aŋa bekȧ yɛrəŋ ŋi aŋe abɔthər, ɔwa i gbalər yɛ yɛrəŋ kȧmȧ i gbukthis nu tə kəkal tȧmtȧmnɛ.

Kȧŋȧibinɛ 2:5

Tiyȧŋ kala ȧmerȧ ka ɔdɛr ro mə wur, mə fumpɔ-e, ɔwa thupi, yɔ thɔŋ mɔ mə la yɔ ka ɔtɔtɔkɔ. Bepi pə yi hɛ ti-e, i ti der do rɔmu lɛmp, ɔwa i ti tɔŋa kamulɛ ka mu, thambe mə thupi.