2 Pitar 3:15 - Ȧŋlemrȧnɛ Ȧfu

¹⁵ Ɔwa tȧrȧ nu kəpa kamuyu kəwoni ka ɔMarki kə yi kəkisi; hali mɔ mə Pɔlȧŋ, ɔwɔnt ubɔthər ɔ po gbalər nu ka kȧtemp ȧke a po sɔŋ kɔ.

2 Pitar 3:15 ပူးပေါင်းရင်းမြစ်များ

Luk 21:15

ȧtesoma-e i ti sɔŋ nu kəsəŋ yi kətemp ȧke aŋtheranɛ a nu bɛ aŋ te gbəli pɛnsa ɔwa aŋ te gbəli wosa.

Mȧyɔs ma aŋsom 15:25

Sə nənk ti ɔfinɔ, sə po sɔthɔ ȧmerȧ ŋin tə kəthithəs afəm tə kəsom ŋa ro rɔnu yi Barnabas dɛ yi Pɔl aŋa su abɔthər,

Mȧyɔs ma aŋsom 7:10

kɔ tafi kɔ kəwur ka masibo mɔŋ bɛ, kɔ sɔŋ kɔ kəmar tȧy yi kətemp rodi ka Fero ɔbȧy ka ro Iyipt; ɔwe səki kɔ ugbəka ka ro Iyipt yi ȧŋseth ŋɔŋ bɛ.

Mȧyɔs ma aŋsom 9:17

Ka Ananayas ɔ kɔnɛ, ɔ wɔŋ ka ȧŋseth, kɔ reŋ kɔ mȧta mɔŋ, ɔ pa, Wɔnt mi Sɔl, ɔMarki, pə yi mɔ Yisɔsȧŋ ɔwe mə nənk ro roŋ ka kȧder ka mu, ɔ som mi kȧmȧ mə sɔthɔ kakəli ka mu, yi kȧmȧ a lasər mu ɔYina məsəm.

AŋRomans 2:4

Thalɔm mə sai rayola ra mathɔth mɔŋ yi ȧŋney dɛ yi kamuyu kɔŋ kəlele-i? Mə tɛ hɛ kəpa mathɔth ma Kuru mȧ mə yɔ mu mə thupi-i?

1 AŋKɔrenth 12:8

Ka ukin ɔYina məsəm mɔ sɔŋ ȧrim ra kȧtemp; ka ulɔm ȧrim ra kȧtara tȧy kəwur ka ɔYina ɔkin kati;

1 AŋKɔrenth 2:13

Ta mȧtȧy ame gbeŋ tə mə sə fɔf, pə yi hɛ rə ȧsim ȧte kȧtemp ka rəwuni kəpet mə tə thəksa-e, kɛrɛ rə ȧsim ȧte ɔYina məsəm ɔ thəksa, kȧmȧ sə yɛksi mȧtȧy ma ɔYina ka aŋa mə ba ɔYina məsəm.

1 AŋKɔrenth 3:10

Kətaŋanɛ ka ȧŋboŋa ŋa Kuru aŋa a sɔŋ mi-e, mɔ wuni tȧrȧ seth, i po bot ɔtəmər, ka ulɔm ɔ seth rokɔm kati. Kɛrɛ tha wuni o wuni ɔ botər ȧmerȧ mɔ mə ɔ sal ri.

AŋƐfisɔs 3:3

tə kəyi a ŋaybi ti do rɔmi kȧmȧ i sɔthnɛ aŋgbundu, mɔ mə i po thɔŋ gbal rə sim təthan,

1 Timɔthi 1:16

Kɛrɛ a nəŋka mi ȧney, minɛ ɔwe tha yi uləs bɛ, kȧmȧ Yisɔs Krayst ɔ gbəli tɔri kamuyu kɔŋ kəwoni, mɔ amɔl ta ȧtȧ ŋaŋ aŋa ba kəlanɛ kɔ kədarəŋ kati, salata aŋesəm thəbana.

Yeməs 1:5

Kɛrɛ bepi ukin ka nu ɔ ba hɛ kətemp ka rəbaki-e, ta ɔ tholir Kuru ɔwe yi ufonsiri, ɔwe mə yer rə məthɛkɛ tha, ɔwa a tə sɔŋ kɔ ki.

Yeməs 3:17

Kɛrɛ kȧtemp ka rəbaki ȧke wur rokɔm kətɔtɔkɔ bɛ kə yi kəfera, kədarəŋ kati kə yi kəthɔfəl, kərusəma finɔ, kətuy hɛ nɛmthɛnɛ, kəla ȧney, kəba məkomi məfinɔ, kəte ba agbȧy, kəte ba ayaŋfa.

1 Pitar 3:20

aŋa te wop ȧrim thəpaŋ, ma kamuyu kəlele ka Kuru kə kar ka aŋyamana ŋa Noa, ma ɔ bɛmpa abil, ro afəm athȧn, aŋ yi tamthərɛsas gbo, aŋ kisi ka ȧmȧnt məgbonthoni.

2 Pitar 3:2

Dɛ yi kȧmȧ nə kala ȧmerȧ ta ȧsim ȧtȧ Aŋnȧbi asəm aŋ poŋ seri thəpaŋ, yi ta aŋyamari ŋa ɔMarki kȧsu, ɔKisis, aŋa saŋ, aŋsom, sə po tɔri nu.

2 Pitar 3:9

ƆMariki ɔ yi hɛ uyai tə kəbɛnɛ aŋlahiri ŋɔŋ mɔ afəm alɔm mə aŋ pa rəyai, kɛrɛ ɔ ba kəmuyu kəwoni ta ȧtȧ su, ma pə yi ɔ yema hɛ wuni o wuni ɔ dinɛ kɛrɛ kȧmȧ ŋa bɛ aŋ re thupi.