2 Pitar 3:11 - Ȧŋlemrȧnɛ Ȧfu

¹¹ Ma sə nənk kəpa ɛyɛt ɛye bɛ ɛ tə dinɛ-e, ko afəm ŋaŋ nə yi naŋ tə kəyi ka məyi məsəm, dɛ yi ka ranes ra Kuru-e?

2 Pitar 3:11 ပူးပေါင်းရင်းမြစ်များ

Mathiu 8:27

Ka aŋfǝm aŋ kabanɛ, aŋ pa, Ko wuni wɔŋ ɔwe-e, ɔwe pǝ yi hali aŋfef yi kȧbȧŋ aŋ tǝla kɔ-e?

AŋRomans 13:11

Ɔwa nə tȧrȧ ȧŋlɔkɔ aŋe gbeŋ, kəpa ka-ake ŋə yi ȧŋlɔkɔ tə kəthəmɛ, kotȧy-e kakisis kȧsu kə yi ɔfati thɔŋ pəthas ma sə mɔtha lanɛ.

AŋRomans 13:12

Ratatak rə yema poŋ, rasɔk rə bek. Maŋ busnɛ nu mȧyɔs ma ȧŋsum, maŋ wɔŋ ɛyɛt ɛtima ya ɔwaŋ.

2 AŋKɔrenth 1:12

Kakolonɛ kȧsu ki ake, pə yi mɔ-e, aseri ŋa ɛmerȧ ɛ su-e, kəpa rə məsəm yi tȧteŋ rodi ka Kuru, pə yi hɛ rə kȧtemp ka rawuni kəpet kɛrɛ ka ȧŋboŋa ŋa Kuru, sə po kɔth ka ȧdȧru, ɔwa pə tha gbethi ro rɔnu.

AŋFilipai 1:27

Kɛrɛ yɔ nu kȧmȧ mȧyɔs ma nu mə yi məgbɛt ta ȧkɛra kəfinɔ ka Kraystȧŋ; kȧmȧ pə yi-e, bepi i der kori nu, thalɔm i bəpər hɛ, i gbəli təl ta mȧyɔs ma nu, kəpa nə təmȧ kəŋkəŋ ka mȧyi min dɛ yi ȧmerȧ ŋin tə kətim ta kȧlanɛ ka ȧkɛra kəfinɔ ka Kuru.

AŋFilipai 3:20

Kɛrɛ radure ra su rə yi ro riyana, ka sə kəli sɔ ta ɔKisis ɔwe ba tə kəwur ri, pə yi mɔ-e ɔMarki Yisɔs Krayst,

1 AŋThɛsȧlonika 1:5

kotȧy-e ȧkɛra kəfinɔ kȧsu kə derər hɛ nu rə sim gbo, kɛrɛ ka aŋfɔsɔ sɔ-e, dɛ yi ka ɔYina məsəm, kəte ba asikɛ bɛ. Fɔtha ma sə yi dɛ yi naŋ-e, nə tȧrȧ ko afəm sə yi ka ȧŋgbȧp a nu.

1 Timɔthi 3:16

Ɔwa tɛntɛnɛ kəte ba ȧthonka, aŋgbundu abɔlɔŋ ŋa andina a su ŋe yi abana; Kuru ɔ tɔrinɛ ka ȧŋdɛr ŋa wuni kəpet, ka ɔYina məsəm ɔ sɔŋ kɔ məmari, ka amaleka aŋ nənk kɔ, ka a kawandi ȧkɛra kɔŋ ka tȧbona təlɔm, ka a lanɛ kɔ ka ȧdȧru, ka a kȧl malanɛ kɔ rokɔm rə ayiki abana.

1 Timɔthi 4:12

Te yɔ kȧmȧ afəm aŋ farki rafɛth ra mu; kɛrɛ yi amɔl ta aŋlanɛ salata kȧfɔf, yi mȧyɔs, yi mȧbɔthər, yi kȧlanɛ, yi kȧba ȧmerȧ ȧferȧ.

1 Timɔthi 6:11

Kɛrɛ munɔ, mun wuni ka Kuru-e, gbukɛ mȧtȧy ame; tȧŋ məlompi dɛ yi məsəm ama yi təteŋ rodi ka Kurɔŋ, yi kəlanɛ, yi məbɔthər, yi kəmuyu, yi kəthoranɛ.

1 Timɔthi 6:3

Bepi wuni o wuni ɔ thəksa tȧy təlɔm, ɔwa ɔ pɛnsa sim təlompi, hali ȧsim ta ɔMarki kȧsu Yisɔs Kraystȧŋ, yi mathəksa ma təteŋ salata ranes ra Kuru.

1 Timɔthi 6:6

Kɛrɛ kȧfatər Kuru yi kəwasa, kəsɔthɔ kəbana kaŋ.

AŋHibru 13:5

Yi nu kəyaŋkaŋ kǝwur ka mafela ma akala-e; ɔwa ta ara nə ba rə yi rəbeki nu; kotȧy-e Kuru kɔn kɔnɔnɛ ɔ po pa, I gbəli hɛ thȧnkȧŋ tey nu, thalɔm i gbapɛ nu.

Yeməs 1:24

kotȧy-e ɔ nənɛ gbo-e, kɔ kȧlanɛ, ɔwa ka ɔlɛmp wati ɔ pənɛ to mȧbȧlȧnɛ mɔŋ mə yi.

Yeməs 3:13

Kanɛ yi utempi yi utara tȧy kətɔŋ ka nu-e? Ta ɔ tɔri ti ka ŋesəm alompi, yi ka məyɔs mətempi rə ȧmerȧ athoranɛ.

1 Pitar 1:15

Kɛrɛ mɔ kɔn ɔwe tela nu ɔ yi usəm-e, naŋ sɔ nə yi tə kəyi asəm ka mayi ma nu bɛ;

1 Pitar 2:12

Kɔth nu ɔlompi kətɔŋ ka tȧbona təlɔm kȧmȧ pə yi, hali aŋ tɛntɛ bont nu afəm aləs-e, maŋ nənk mȧyɔs ma nu məfinɔ, ka ȧŋrey ŋa asɔmpanɛ aŋ tə yikis Kuru Məsaba.

2 Pitar 1:3

Mɔlɔ ma aŋfɔsɔ ŋɔŋ asəm aŋ po sɔŋ su tȧy o tȧy ȧtȧ sə yema ta aŋesəm yi ta kakɔth ka aroŋ da Kuru, kətȧŋȧnɛ ka kȧtȧrȧ ka ɔwe po tela su ta aŋyiki dɛ yi mafinɔ mɔŋ məthɔth.

2 Pitar 1:6

yi ka kətara tai-e, kəyi gbɛt; dɛ yi ka kəyi gbɛt-e, kəmuyu; dɛ yi ka kəmuyu-e, kənesa Kuru;

2 Pitar 3:10

Kɛrɛ ȧŋrey ŋa ɔMarki aŋ tə der mɔ ukei ka tȧtȧk. Ɔwa ka ȧŋrey ŋati tȧriyana tə tə thas yi ɛsɔnkɔ ɛbana, yi mayɛt bɛ mə tɔ thaŋkɛ yi ɔfey ɔninis, ka ȧdȧru dɛ yi mȧpanth ma afəm a kəpet bɛ mə tə fey mər.

2 Pitar 3:12

Ma pə yi ti-e, nə kəli, ka nə bosinɛ ta kȧder ka ȧŋrey ŋa Kuru, ma tȧriyana tə tə poŋ tɛf ka nȧnt nəmara-e, ɔwa mayɛt sɛŋk mə tə thaŋkɛ ka ɔfei ɔninis wati.