2 Pitar 2:9 - Ȧŋlemrȧnɛ Ȧfu

⁹ Bepi ȧte bɛ tə yi-e, ɔMarki ɔ tȧrȧ tə kərɔkri aŋfəm alompi ka agbɔnsanɛ, ɔwa ɔ tȧrȧ tə kəbɛnɛ aŋfəm aləs ta ȧŋrey ŋa karɔk ɛpa tə kəthalər ŋa.

2 Pitar 2:9 ပူးပေါင်းရင်းမြစ်များ

Mathiu 10:15

Tɛntɛnɛ i kanɛ nu, pǝ tǝ yi ɔfisa ta ȧŋthɔf ŋa ro Sɔdɔm yi ro Kɔmɔra ka ȧŋrey ŋa kagbǝk ɛpa, pǝthasi ta kȧpet kati.

Mathiu 6:13

Te su wɔŋȧ rǝ tȧy tǝgbɔns kɛrɛ wurɔ su ka mətȧy mǝlǝs; ȧtesoma-e munɔ ba rȧbȧy yi aŋfɔsɔ yi aŋyiki thȧnkȧŋ thǝbana, Amina.

AŋRomans 2:5

Kɛrɛ kətaŋ ka kabak ka mu rəfɔr yi kate thupi ka mu-e, mə bȧr gbo rəbaŋ ka ȧŋrey ŋa rəbaŋ, ma kathoŋkas kəlompi ka Kuru kə tɔrinɛ;

1 AŋKɔrenth 10:13

Agbɔns o gbɔns aŋ gbəli hɛ derər nu thambe ara mə der ka wuni o wuni kəpet; kɛrɛ Kuru ɔ yi ubɔthi lanɛ, ɔwa ɔ ba hɛ kəselɔ a gbɔns nu pəthas ȧtȧ nə gbəli, kɛrɛ ma aŋgbɔns aŋ bek-e, ɔ tə kanthi roŋ dəgbukɛ kȧmȧ nə gbəli muyu.

2 Timɔthi 3:12

Ya pə yi, wuni o wuni ɔwe mə tȧŋ Krayst Yisɔs ka ɔlompi, ɔ tə ba asɔmpanɛ.

Taytɔs 2:14

Ɔwe sɔndnɛ ta ȧtȧ su kȧmȧ ɔ gbəli bani su kəwur ka mȧkənȧ bɛ-e, dɛ yi tə kəfethər aŋfəm ŋɔŋ gbeŋ aŋa yi ayasyas tə kəyɔ məyɔs məfinɔ.

2 Pitar 2:4

kotȧy-e bepi Kuru ɔ ter hɛ aŋmȧleka maŋ po yɔ ahakɛ-e, kɛrɛ ɔ fitha ŋa ro yahanama, tə kətand ŋa ka tɔrɛntha ka asum, kȧmȧ a bɛnɛ ŋa haŋ ka ȧŋlɔkɔ ŋa karɔk ɛpa.

2 Pitar 3:7

Kɛrɛ kȧriyana dɛ yi ȧdȧru ɛyɛ yi ka-ake, a bɛnɛ yi salata ȧrim rin rati tə kəthɔi yi ka ȧŋrey ŋa kathoŋkas dɛ yi kadinɛ ka ante lanɛ Kuru.

Yud 1:6

Ɔwa aŋmȧleka aŋa te bɛnɛ mayi maŋ thəpaŋ, kɛrɛ aŋ tey mayira maŋ məlompi, ɔ bɛnɛ ŋa rə tɔrɛntha ka ȧŋsum abana haŋ ka kathoŋkas ka ȧŋrey abana.

Kȧŋȧibinɛ 3:10

Kȧbi munɔ mə po bɛnɛ ȧrim ra mi-e, tȧsom minɛ sɔ i ti bɛnɛ mu ka ȧŋlɔkɔ ŋa kamɛmər aŋa mə der ka ȧdȧru bɛ tə kəmɛm aŋfəm nɔru.