2 Pitar 2:4 - Ȧŋlemrȧnɛ Ȧfu

⁴ kotȧy-e bepi Kuru ɔ ter hɛ aŋmȧleka maŋ po yɔ ahakɛ-e, kɛrɛ ɔ fitha ŋa ro yahanama, tə kətand ŋa ka tɔrɛntha ka asum, kȧmȧ a bɛnɛ ŋa haŋ ka ȧŋlɔkɔ ŋa karɔk ɛpa.

2 Pitar 2:4 ပူးပေါင်းရင်းမြစ်များ

Mathiu 25:41

Ȧŋlɔkɔ ŋati ɔ tǝ pa ro ŋaŋ aŋa yi ka kȧmɛrɔ kɔŋ, wur mi nɔ naŋ aŋa ba ȧranka, kɔnɛ nu ka anant na tǝbana ana a bɛnɛnɛ ta ɔkǝrǝfi yi aŋmȧleka ŋɔŋ.

Mathiu 8:29

kaŋ sel ɛrɔŋ, aŋ pa, Ko tȧy tȧŋ saŋ sǝ ba yi munɔȧŋ-e, munɔ Yisɔs ɔWan ka Kuru-e? Mǝ po der nɔ tǝ kǝsɔmpa su yeŋka ȧŋlɔkɔ aŋ bek-i?

Mark 5:7

kɔ sɔŋkɔ yi rim rəbɔli rəkɔm, ɔ pa, Ko tȧy tȧŋ i ba yi munɔ-e, Yisɔs munɔ ɔWan ka Kuru ɔBɔlirəkɔm bɛ-e? Ka ȧŋes ŋa Kuru, i nɛmthɛnɛ mu kȧmȧ mə te sɔmpa mi.

Luk 10:18

kɔ pa ro ŋaŋ, I nənk Sethani ɔ fumpɔ mɔ ɔnakthinɛ kəwur ka ȧkuru.

Luk 8:31

kaŋ nɛmthɛnɛ kɔ kȧmȧ ɔ te yamari ŋa tə kəkɔ ka ȧŋbi aŋa te ba ɔthȧlnɛ.

Yɔn 8:44

Nia nə yi ka ɔkas ka nu Sethani, ɔwa ɛfela ya ɔkas ka nu yɛ nə yema yɔ. Ɔ yi udif kȧbi ka katəp, ɔ təmȧ hɛ ka tȧteŋ, pəkasifɛ tȧteŋ tə yi hɛ ro ŋɔŋ. Ma ɔ fɔf rəyem-e, ɔ fɔf ta atɔŋ: ȧtesoma-e uyem wɔŋ, yi ɔkas kati.

AŋRomans 11:21

kotȧy-e bepi Kuru ɔ kisis hɛ naŋ mara məkomanɛ-e, yɔ kəthɛgbɛ ta thani munɔ sɔ mə kisi hɛ.

AŋRomans 8:32

Bepi Kuru ɔ pɛnsa hɛ tə kəsɔnd ɔWan kɔŋ ta ȧtȧ su-e, ɔ gbəli hɛ sɔ selɔ tə kəsɔŋ su mȧtȧy bɛ yi kɔn-i?

2 Pitar 2:11

Kɛrɛ hali aŋmȧleka aŋa ba afɔsɔ yi mətəma pəthasi ŋa, aŋ mintha hɛ nal ŋa maŋ gbanthir ŋa rodi ka ɔMarki.

2 Pitar 2:5

kɔ ter hɛ ȧdȧru thəpaŋ, kɛrɛ ɔ kisis Nowa, ɔkawandi ka məlompi, yi afəm alɔm tȧmthədɛrəŋ ma ɔ kȧrȧ mȧnt məgbonthoni rokɔm ka ante lanɛ.

2 Pitar 2:9

Bepi ȧte bɛ tə yi-e, ɔMarki ɔ tȧrȧ tə kərɔkri aŋfəm alompi ka agbɔnsanɛ, ɔwa ɔ tȧrȧ tə kəbɛnɛ aŋfəm aləs ta ȧŋrey ŋa karɔk ɛpa tə kəthalər ŋa.

1 Yɔn 3:8

Ɔwe mə yɔ ahakɛ ɔ yi ka Sethani; kotȧy-e Sethani ɔ po yɔ ahakɛ kȧbi ka ɔtəpɛr. Ɔwa ta ȧte tə ɔWan ka Kuru ɔ der, kȧmȧ ɔ dim mapanth ma Sethani.

Yud 1:13

Aŋ yi mɔ ɛmunkəl ɛbaŋ ya ro baŋ, ɛ wurɔ kafoth ka mȧlap maŋ: aŋ yi mɔ atɔs təkɔthnɛ, ta aŋa a bɛnɛ rabi ra ȧŋsum thȧnkȧŋ thəbana.

Yud 1:6

Ɔwa aŋmȧleka aŋa te bɛnɛ mayi maŋ thəpaŋ, kɛrɛ aŋ tey mayira maŋ məlompi, ɔ bɛnɛ ŋa rə tɔrɛntha ka ȧŋsum abana haŋ ka kathoŋkas ka ȧŋrey abana.

Kȧŋȧibinɛ 20:10

Ka a fitha Sethani ɔwe yɛthas ŋa-e ka ȧŋbonka ŋa nȧnt dɛ yi ȧsɔlfɔ, ro ɔsɛm utuy tȧy dɛ yi ɔnȧbi uyem aŋ yi; ɔwa a tə gbaŋar ŋa ri pali gbɛs-əŋ haŋ thȧnkȧŋ thəbana.