2 Pitar 2:3 - Ȧŋlemrȧnɛ Ȧfu

³ Ɔwa kətȧŋȧnɛ ka radir ra ŋaŋ aŋ tə pəŋis nu yi təyem salata akala: kɛrɛ kȧbi ka thəpaŋ kathoŋkas ka ŋaŋ kə linsa hɛ, mba, ȧŋranka ŋaŋ aŋ dirȧ dirȧ hɛ.

2 Pitar 2:3 ပူးပေါင်းရင်းမြစ်များ

Mathiu 23:14

Mɔnɛ ro nu naŋ akarmɔkɔ yi aFaresi, amunafaki! Ȧtesoma-e nǝ lǝsǝr ɛseth ya ȧŋbora, ɔwa rǝ kǝkɔnthɔsnɛ nǝ ramnɛ kǝramnɛ kǝbɔli. Tiyȧŋ na mǝ tha sɔthɔ mǝtheri mǝlel.

Luk 18:8

I kanɛ nu ɔ tə thonkas ŋa lɛmp. Kɛrɛ ma ɔWan ka wuni ɔ der-e, ɔ tə bəp kəlanɛ ka raru-i?

Luk 20:20

kaŋ səth kɔ, ɔwa aŋ som atombəla aŋa yɔ mɔ afəm alompi kȧmȧ aŋ gbəli gbip tapa tɔŋ, kȧmȧ aŋ lȧnki kɔ ka aŋfɔsɔ ŋa ɔgbəka.

Luk 22:47

Mɔ mɔ fɔf ras-e, kəla, runiya rə der, ɔwa, ɔwe a bont Yudasȧŋ, ukin ka aŋtɔfɔt ŋarəŋ ɔ təmȧ ŋa kədi, kɔ fatər Yisɔsȧŋ tə kəmuməl kɔ.

Yɔn 2:16

ɔwa ka ŋaŋ aŋa thila tapərəm ɔ pa, Wurɔ ɛyɛt ɛye nɔ: te nu səki ȧŋseth ŋa ɔKas kȧmi aseth ŋa kəthila.

AŋRomans 16:18

Ȧtesoma-e afəm awunɔŋ aŋ yi hɛ ɛbɔy ya ɔMarki Krayst, aŋ yi gbo antar ŋa ɛmilɛ yaŋ. Ɔwa aŋ tə pəŋis ɛmerȧ ya ante tȧrȧ tȧy kətȧŋȧnɛ ka kafɔf ka ŋaŋ kəfinɔ, kəbɔthi təl.

2 AŋKɔrenth 2:17

kotȧy-e sə yi hɛ mɔ agbȧthi aŋa mə ləsər ȧrim ra Kuru, kɛrɛ sə fɔf ta Krayst rɛ ȧmerȧ ȧferȧ mɔ anthith ŋa Kuru ka kȧbəprȧnɛ kɔŋ.

1 AŋThɛsȧlonika 2:5

Naŋ nə tȧrȧ kəpa sə la hɛ ba təsəŋ təbɔthi, thalɔm ɛfɔr ɛmara; Kuru ɔ yi aŋseri a su.

1 AŋThɛsȧlonika 5:3

kotȧy-e maŋ pa, Məthɔfəl dɛ yi kəpantay; ka ɔlɛmp wati kədinɛ kəsembu kə tə bəp ŋa, mɔ ɔbaŋ wa kəkom, kaŋ ba hɛ roŋ o roŋ tə kəkisi kəwur ka masibo mati.

1 Timɔthi 3:3

Ta ɔ te yi wuni mun məber, thalɔm wuni sɔŋkɔ sɔŋkɔ, ta ɔ te ba rədir ta akala-e; kɛrɛ ta ɔ yi umuyu, uthɔfəl, ɔwe te fela rəka ra wuni lɔm;

1 Timɔthi 3:8

Akeliya sɔ aŋ yi tə kəyi atempi, aŋ yi hɛ tə kəba təmer tərəŋ, aŋ yi hɛ tə kəmun məber məgbathi, ɔwa aŋ yi hɛ tə kəba rədir ta akala ȧferȧ,

1 Timɔthi 6:5

kapɛnsanɛ ka afəm aŋa ba ɛnanɛ ɛləs, aŋa te tȧrȧ tȧteŋ, ɔwa aŋ nanɛ kəpa kəfatər Kuru kə yi aroŋ da kəsɔthɔ.

Taytɔs 1:11

Mə yi tə kəyɔ ŋa aŋ tȧŋk, pəkasifɛ aŋ ləsər kȧlanɛ ka təkomra təlay, kaŋ thəksa ȧtȧ aŋ yi hɛ naŋ tə kəthəksa, salata akala.

Taytɔs 1:7

kotȧy-e ugbəka ka aŋchɔch-e, ta ɔ yi upaŋi tȧy mɔ ȧŋbɔy ŋa Kuru, ɔwa ɔ yi hɛ tə kəyi ubaki rəbomp thalɔm ulɛmp rə rəbaŋ-e, ta ɔ te bɔthər məber, thalɔm kətim thalɔm məfela məbaŋ ta akala.

1 Pitar 2:8

Dɛ yi sɔ-e, Asar ŋa kəpənthbəla yi agbalaŋ ŋa kəthɛn. Ɔwa aŋ pənthbəla ka ȧrim kotȧy-e aŋ wop hɛ ri mɔ mə aŋ yi tə kəyi kȧbi ka ɔtəpɛr.

1 Pitar 5:2

Wɔnthər nu akuthi ka Kuru ȧke a po laŋklia nu, pə yi hɛ rə kəte ba məyɔ, kɛrɛ ka mȧselɔ ma nu gbeŋ; pə yi hɛ sɔ ta məkaŋya mənɔkɔ, kɛrɛ rə ȧmerȧ ŋa məbɔnɛ.

2 Pitar 1:16

kotȧy-e saŋ sə taŋanɛ hɛ mump mətempi ma sə po tɔri nu ka anfɔsɔ dɛ yi ka kȧder ka ɔMarki kȧsu Yisɔs Krayst, kɛrɛ saŋ sə seri ta aŋyiki ŋɔŋ ŋa rȧbȧy yi ɛfɔr ɛ su gbeŋ.

2 Pitar 2:1

Kɛrɛ mɔ mə anȧbi ayem aŋ la yi kətɔŋ ka aŋfəm, ya mə pə re yi sɔ-e, akarmɔkɔ ayem aŋ tə der kətɔŋ ka nu, ɔwa rə məsɔth aŋ tə tɔri nu kəthəksȧ kəyaŋfa, haŋ kəpɛnsanɛ ɔMarki ɔwe bani ŋa; ɔwa lɛmp aŋ tə karanɛ kəkasara.

2 Pitar 2:9

Bepi ȧte bɛ tə yi-e, ɔMarki ɔ tȧrȧ tə kərɔkri aŋfəm alompi ka agbɔnsanɛ, ɔwa ɔ tȧrȧ tə kəbɛnɛ aŋfəm aləs ta ȧŋrey ŋa karɔk ɛpa tə kəthalər ŋa.

Yud 1:11

Mɔnɛ ro rɔŋaŋ! kotȧy-e aŋ po tȧŋ ka aroŋ ra Ken, ɔwa ta məkanya aŋ bȧrnɛ ka maləs ma Belam kaŋ dinɛ ka kȧthȧnthonɛ ka Kɔra.

Yud 1:15

tə kəthoŋkas aŋfəm bɛ, yi tə kəŋap ŋa bɛ aŋa te nesa Kuru ta mȧyɔs maŋ ama aŋ po yɔ bɛ rə kəte nesa Kuru, yi ta ȧsim tələs ȧtȧ aŋfəm aləs aŋ po fɔf tə kəŋamnɛ kɔ.

Yud 1:16

Aŋe ŋə yi aŋfɔfəthanɛ, antompnɛ, aŋ kɔth ka mafela ma ɛmerȧ yaŋ: tasəŋ taŋ tə gbək ɛyoŋka, aŋ yikis afəm kȧmȧ aŋ ba kəsɔthɔ.

Yud 1:4

kotȧy-e afəm alɔm aŋ po wɔŋ sɔy, aŋfəm aŋa a po gbəka matheri maŋ ɔwoni thɔŋ, afəm aŋa te tȧrȧ Kuru aŋa lȧfthi ȧŋboŋa ŋa ɔKuru kȧsu ka mafela maŋ maləs, ɔwa aŋ pɛnsanɛ Yisɔs Krayst ɔMarki kȧsu gbo son.

Yud 1:7

Hali ro Sɔdɔm yi Kɔmɔra, yi tapet ȧtȧ fatər ri, maŋ po sɔndnɛ rə kəyɔ kərəp, yi tȧy tələs bɛ, a təmər ŋa ta amɔl, a thalər ŋa yi ansɔmpanɛ ka anant na thȧnkȧŋ thəbana.