2 Pitar 2:19 - Ȧŋlemrȧnɛ Ȧfu

¹⁹ Hali maŋ po lahiri ŋa rəwaŋkom-e, ŋaŋ gbeŋ aŋ yi atar ŋa mənɔkɔ; kotȧy-e ɔwuni ɔ yi utar ka ȧtȧ po tham kɔ.

2 Pitar 2:19 ပူးပေါင်းရင်းမြစ်များ

Yɔn 8:34

Yisɔsȧŋ ɔ pa ro ŋaŋ, I kanɛ nu tɛntɛnɛ, wuni o wuni ɔwe mə yɔ ahakɛ ɔ yi utar ka ahakɛ.

Mȧyɔs ma aŋsom 19:16

Ka ɔlaŋgba ɔwe ba ɔkərəfi uləs ɔ fumpər ŋa, kɔ tim ŋa, kɔ tham ŋa haŋ aŋ wur ka ȧŋseth ŋati, ŋa atiŋ dɛ yi kəba təsam.

AŋKȧletia 5:1

Təmȧ nu kəŋkəŋ ka rȧwankom rəfinɔ ara Krayst ɔ sɔŋ su; te sɔ sɔndnɛ ka kȧronke ka rȧtar.

AŋKȧletia 5:13

Ȧtesoma-e, awɔnt, a po tela nu rə rəwaŋkom, kɛrɛ te gbo kianɛ rȧwankom ra nu mɔ afɛrɛ tə kəlasər mafela ma madɛr, kɛrɛ kətȧŋȧnɛ ka məbɔthər-e, yɔnanɛ ukin dɛ yi ulɔm.

2 Timɔthi 2:26

kȧmȧ aŋ gbəli fisə kəwur ka magbət ma Sethani, rodarəŋ kaŋ la sap tə kəyɔ mȧselɔ mɔŋ.

Taytɔs 3:3

kotȧy-e alɔkɔ alɔm saŋ sɔ sə sa yi apənk, ȧthȧnthonɛ, atɔns, atar ŋa məfela o məfela mələs-e; sə sa yirȧ gbo ka mȧbaŋ dɛ yi kȧtut. Sə gbɛŋa afəm, ɔwa sə kȧl gbɛŋanɛ.

1 Pitar 2:16

mɔ afəm a kəyaŋkaŋ; kɛrɛ te nu yɔ rȧwankom ra nu rə səkɛ mɔ kibari tə kəyɔ məkənə, kɛrɛ yɔ nu mɔ ɛbɔy ya Kuru Məsaba.

2 Pitar 1:4

Ta ȧte ɔ po sɔŋ su ɛlahiri yɔŋ ɛbana ɛkɛŋ, kȧmȧ pə yi di kati nə gbəli ba ani ka mayi ma Kuru, ma nə po fisɔsnɛ kəwur ka mȧnɔkɔ ma ȧdȧru salata ɛmilɛ ɛləs.

2 Pitar 2:20

Ȧtesoma-e kədarəŋ ka maŋ po wur ka mȧkɔsɔ ma ȧdȧru ta salata kȧtȧrȧ ka ɔMarki ɔKisis Yisɔs Kraystȧŋ, bepi aŋ kȧl sɔ rəfthanɛ ri-e, mȧtəmȧ maŋ mələpsɔ mə tə yi mələs pəthasi mȧtɔtɔkɔ.