2 Pitar 2:14 - Ȧŋlemrȧnɛ Ȧfu

¹⁴ Ɛfɔr yaŋ gbeŋ ɛ la kərəp, ɛyɛ te gbəli tey kəyɔ ɔləs, kaŋ pəŋis ŋaŋ aŋa ba ɛmerȧ ɛlȧfthɛ lȧfthɛ; a rusəm ɛmerȧ yaŋ ta salata ɛmilɛ. Ŋa awuth ŋa ȧranka ŋaŋ.

2 Pitar 2:14 ပူးပေါင်းရင်းမြစ်များ

Mathiu 12:34

Naŋ rǝkomra ra ɛgbɔrɔ, to mǝ nǝ gbǝli fɔf mətȧy mǝfinɔ ma nǝ yi alǝs-e? kotȧy-e kasǝŋ kǝ tǝ fɔf kǝwur ka kala ka ȧŋmerȧ.

Mathiu 23:14

Mɔnɛ ro nu naŋ akarmɔkɔ yi aFaresi, amunafaki! Ȧtesoma-e nǝ lǝsǝr ɛseth ya ȧŋbora, ɔwa rǝ kǝkɔnthɔsnɛ nǝ ramnɛ kǝramnɛ kǝbɔli. Tiyȧŋ na mǝ tha sɔthɔ mǝtheri mǝlel.

Mathiu 25:41

Ȧŋlɔkɔ ŋati ɔ tǝ pa ro ŋaŋ aŋa yi ka kȧmɛrɔ kɔŋ, wur mi nɔ naŋ aŋa ba ȧranka, kɔnɛ nu ka anant na tǝbana ana a bɛnɛnɛ ta ɔkǝrǝfi yi aŋmȧleka ŋɔŋ.

Mathiu 5:28

Kɛrɛ minɛȧŋ i pa ro rɔnu, Wuni o wuni ɔwe mǝ kǝli wuni bom tǝ kǝfela kɔ-e, ɔ po yɔ kǝrǝp ka ȧŋmerȧ ŋɔŋ.

Mark 13:22

kotȧy-e aKrayst ayem yi anȧbi ayem aŋ tə yokanɛ, aŋ tə yɔ ɛmisali yi tȧy təkabanɛ, kȧmȧ bepi pə gbəli yi-e, aŋ tə yɛthəs aŋthith.

Yɔn 5:44

To mə nə gbəli lanɛ-e, ma mə nə sɔthɔ ayiki wuni kin ka ulɔm-e, kɛrɛ nə thɛns hɛ aŋyiki aŋa wur ka Kuru son-e?

AŋRomans 16:18

Ȧtesoma-e afəm awunɔŋ aŋ yi hɛ ɛbɔy ya ɔMarki Krayst, aŋ yi gbo antar ŋa ɛmilɛ yaŋ. Ɔwa aŋ tə pəŋis ɛmerȧ ya ante tȧrȧ tȧy kətȧŋȧnɛ ka kafɔf ka ŋaŋ kəfinɔ, kəbɔthi təl.

1 AŋKɔrenth 11:19

kotȧy-e təgbanth tə ba tə kəyi kətɔŋ ka nu, kȧmȧ a tȧrȧ ŋa gbəraŋ aŋa a po mɛmər kətɔŋ ka nu.

AŋƐfisɔs 2:3

Saŋ sɔ sə la yirȧ kətɔŋ ka ŋaŋ ka maləs ma madɛr ma su, rə kətaŋ gbo mafela ma madɛr dɛ yi ɛnanɛ yati; pəkasifɛ kətȧŋȧnɛ ka kakom kȧsu sə yi saŋ aŋwuth ŋa rəbaŋ, mɔ afəm alɔm bɛ.

AŋƐfisɔs 4:14

Kama sə te sɔ yi afɛth aŋa aŋfef ŋa kəthəksa o thəksa mə aŋ falir-e, pə yi mɔ ayaŋfa ŋa afəm ka masɔth maŋ rə kȧyɔ kȧrȧfu kȧrȧfu.

AŋKɔlɔsi 2:18

Te selɔ wuni o wuni ɔ keyr nu ȧŋrȧm a nu rə kəyɔ nu nə ba kəthoranɛ kəyɔr, thalɔm rə kəbatho amaleka; pə yi wuni ɔwe mə kori korinɛ ka manəŋk ama ɔ po nənk, kɔ ŋatanɛ rə ȧmerȧ afoth kətȧŋȧnɛ ka mafela ma madɛr.

Yeməs 1:8

Ɔwuni ɔwe ba ȧmerȧ afəlɛ fəlɛ ɔ pəkpək ka mȧyɔs mɔŋ bɛ.

2 Pitar 2:18

kotȧy-e ka kafɔf kəkolonɛ ka ŋaŋ aŋ gbɔns ka mafela ma madɛr, yi ka maləs maŋ tə kəsapəranɛ ŋaŋ aŋa yema po wur ka aŋfɔsɔ ŋa afəm ayɛthȧ.

2 Pitar 2:3

Ɔwa kətȧŋȧnɛ ka radir ra ŋaŋ aŋ tə pəŋis nu yi təyem salata akala: kɛrɛ kȧbi ka thəpaŋ kathoŋkas ka ŋaŋ kə linsa hɛ, mba, ȧŋranka ŋaŋ aŋ dirȧ dirȧ hɛ.

2 Pitar 3:16

Ya ɔ pa ka mȧgbal mɔŋ bɛ, ma ɔ fɔf ta mȧtȧy ame. Di kati mȧtȧy məlɔm mə yi mətui sɔthnɛ, ama afəm aŋa te tȧrȧ, yi aŋa ba ɛmerȧ ɛsakanɛ aŋ lafthɛ lafthɛ ma mɔ mə aŋ lafthɛ mȧgbal məsəm məlɔm haŋ aŋ kȧrȧ kədinɛ ka ɛyɛthɛ yaŋ.

1 Yɔn 2:16

kotȧy-e ɛyɛt bɛ ya ȧdȧru, mafela ma mȧdɛr-o, mafela ma ɛfɔr-o, yi kabonɛ tȧy ka aŋesəm, ɛ yi hɛ ka ɔKas, kɛrɛ ɛ yi ka ȧdȧru.

Yud 1:11

Mɔnɛ ro rɔŋaŋ! kotȧy-e aŋ po tȧŋ ka aroŋ ra Ken, ɔwa ta məkanya aŋ bȧrnɛ ka maləs ma Belam kaŋ dinɛ ka kȧthȧnthonɛ ka Kɔra.

Kȧŋȧibinɛ 12:9

Ka a wurɔ ȧŋninkinanka ubana, pə yi mɔ ȧŋbok ukur ɔwe a tela ɔkərəfi dɛ yi Sethani, ɔwe tɔns ȧdȧru bɛ. Ka a fitha kɔ ka ȧdȧru dɛ yi aŋmȧleka ŋɔŋ sɔ.