2 Pitar 2:1 - Ȧŋlemrȧnɛ Ȧfu

¹ Kɛrɛ mɔ mə anȧbi ayem aŋ la yi kətɔŋ ka aŋfəm, ya mə pə re yi sɔ-e, akarmɔkɔ ayem aŋ tə der kətɔŋ ka nu, ɔwa rə məsɔth aŋ tə tɔri nu kəthəksȧ kəyaŋfa, haŋ kəpɛnsanɛ ɔMarki ɔwe bani ŋa; ɔwa lɛmp aŋ tə karanɛ kəkasara.

2 Pitar 2:1 ပူးပေါင်းရင်းမြစ်များ

Mathiu 10:33

Kɛrɛ wuni o wuni ɔwe mǝ pɛnsanɛ mi rodi ka aŋfǝm-e, minɛ sɔ i ti pɛnsanɛ kɔ rodi ka ɔKas kȧmi ɔwe yi ro riyana.

Mathiu 24:11

Ɔwa anȧbi ayem agbȧthi aŋ tǝ yokanɛ, aŋ tǝ yɛthǝs agbȧthi.

Mathiu 24:24

kotȧy-e aKrayst ayem yi anȧbi ayem aŋ tǝ yokanɛ, aŋ tǝ tɔri ɛmisali ɛbana yi mətȧy mǝkabanɛ, kȧmȧ a yɛthǝs aŋthith ŋa Kuru bepi pǝ fɔi tȧy.

Mathiu 24:5

kotȧy-e agbȧthi aŋ tǝ der ka ȧŋes a mi, aŋ tǝ pa, Minɛ yi ɔKrayst, ɔwa aŋ tǝ yɛthǝs agbȧthi.

Mathiu 7:15

Botnɛ nu rǝ ȧmerȧ ta aŋnabi ayem aŋa mǝ der ro nu rǝ ɛlopra ya tǝlɔmɛ, kɛrɛ rokor aŋ yi tǝthɔlu alukǝs.

Mark 13:22

kotȧy-e aKrayst ayem yi anȧbi ayem aŋ tə yokanɛ, aŋ tə yɔ ɛmisali yi tȧy təkabanɛ, kȧmȧ bepi pə gbəli yi-e, aŋ tə yɛthəs aŋthith.

Luk 12:9

kɛrɛ ɔwe mə pɛnsa mi rodi ka aŋfəm, a tə pɛnsa kɔ rodi ka aŋmȧleka ŋa Kuru.

Luk 21:8

kɔ pa ro ŋaŋ, Bot ȧmerȧ kȧmȧ a te nu yɛthəs, kotȧy-e agbȧthi aŋ tə der ka ȧŋes a mi, aŋ tə pa, Minɛ yi kɔnɔ, ɔwa ȧŋlɔkɔ aŋ bek; te nu tȧŋ ŋa.

Luk 6:26

Mɔnɛ ro nu ma afəm bɛ aŋ fɔf nu ɔfinɔ, kotȧy-e ya aŋkas a ŋaŋ aŋ yɔ aŋnabi ayem.

AŋRomans 16:18

Ȧtesoma-e afəm awunɔŋ aŋ yi hɛ ɛbɔy ya ɔMarki Krayst, aŋ yi gbo antar ŋa ɛmilɛ yaŋ. Ɔwa aŋ tə pəŋis ɛmerȧ ya ante tȧrȧ tȧy kətȧŋȧnɛ ka kafɔf ka ŋaŋ kəfinɔ, kəbɔthi təl.

1 AŋKɔrenth 11:19

kotȧy-e təgbanth tə ba tə kəyi kətɔŋ ka nu, kȧmȧ a tȧrȧ ŋa gbəraŋ aŋa a po mɛmər kətɔŋ ka nu.

1 AŋKɔrenth 6:20

kotȧy-e a po wai nu mɔlɔ məbaki. Tiyȧŋ yikis Kuru ka madɛr ma nu.

1 AŋKɔrenth 7:23

A po way nu mɔlɔ məbaki, te nu səkɛ antar ŋa afəm a kəpet.

AŋKȧletia 2:4

I yɔ ti salata awɔnt ayem aŋa po wɔŋ sɔy, kȧmȧ aŋ de dəkər ta rȧwankom ra su ara sə ba ka Krayst Yisɔs, kȧmȧ a wɔŋȧ su rə kɛndɛbira,

AŋKȧletia 3:13

Krayst ɔ po bani su ka ȧŋranka ŋa ȧŋthɔ, ma ɔ po səkɛ uranka ta ȧtȧ su; kotȧy-e a po gbal kəpa, Wuni o wuni ɔwe a gbak ka ŋənt-e, uraŋka wɔŋ;

AŋKȧletia 4:17

Afəm aŋe aŋ thɛns nu, kɛrɛ ta ɔfinɔ thahɔ; aŋ fela tə kəwura nu kȧmȧ nə kȧl tȧŋ ŋa son.

AŋKȧletia 5:20

kȧramnɛ ɛyɛt ɛbumərnɛ, rȧmɛn, mȧgbɛŋanɛ, ɛputhanɛ, kȧtut, mȧbaŋ, kȧgbal, ɛpeskɛnɛ, mȧthəksa mȧ rȧyem,

AŋƐfisɔs 1:7

Ɔwa, do rɔŋɔŋ, a bani su kətaŋ ka mȧtir mɔŋ, pə yi mɔ-e, kȧterɔ ka ɛhakɛ kətȧŋȧnɛ ka rayola ra ȧŋboŋa ŋɔŋ,

AŋƐfisɔs 4:14

Kama sə te sɔ yi afɛth aŋa aŋfef ŋa kəthəksa o thəksa mə aŋ falir-e, pə yi mɔ ayaŋfa ŋa afəm ka masɔth maŋ rə kȧyɔ kȧrȧfu kȧrȧfu.

AŋFilipai 3:19

Ɔthalnɛ ka ŋaŋ kɔnɔ yi kədinɛ-e, ɔkuru ka ŋaŋ kɔnɔ yi akor-e, ɔwa aŋ kori korinɛ ka mȧlap ma ŋaŋ, kotȧy-e aŋ tȧmtȧmnɛ gbo ka matanstans ma ȧdȧru are.

AŋKɔlɔsi 2:18

Te selɔ wuni o wuni ɔ keyr nu ȧŋrȧm a nu rə kəyɔ nu nə ba kəthoranɛ kəyɔr, thalɔm rə kəbatho amaleka; pə yi wuni ɔwe mə kori korinɛ ka manəŋk ama ɔ po nənk, kɔ ŋatanɛ rə ȧmerȧ afoth kətȧŋȧnɛ ka mafela ma madɛr.

AŋKɔlɔsi 2:8

Bumnɛ nu kȧmȧ wuni o wuni ɔ te ləsər nu rə mətamtamnɛ yi ayaŋfa ayay yay, kətaŋ ka ɛnanɛ ya afəm a kəpet dɛ yi ka mayi ma ȧdȧru are-e, pə yi hɛ kətaŋ ka Krayst.

1 Timɔthi 5:8

Kɛrɛ bepi wuni ɔ thɛn hɛ ta aŋfəm ŋɔŋ aŋa kəlianɛ kɔ, pə tha gbethi ȧŋbɔnshɔ ŋɔŋ gbeŋ-e ɔ po pɛnsa kȧlanɛ ɔwa ɔ yi uləs pəthasi ŋaŋ aŋa te lanɛ.

2 Timɔthi 4:3

ȧtesoma-e ȧŋlɔkɔ aŋ tə bek maŋ te sɔ gbəli muyu kəthəksa ka tȧteŋ, kɛrɛ aŋ tə yema gbo təl ȧtȧ yi təbɔthi təl, ɔwa aŋ tə fir akarmɔkɔ agbȧthi aŋa yi abeki ŋa.

Taytɔs 1:11

Mə yi tə kəyɔ ŋa aŋ tȧŋk, pəkasifɛ aŋ ləsər kȧlanɛ ka təkomra təlay, kaŋ thəksa ȧtȧ aŋ yi hɛ naŋ tə kəthəksa, salata akala.

Taytɔs 3:10

Maŋ ɔwuni thayoŋ mȧrəŋ gbo; kədarəŋ kati, pɛnsa kɔ.

AŋHibru 10:29

Kɛrɛ kɔn ɔwe mə nas nas ɔWan ka Kuru-e, dɛ yi ɔwe nənk ɔyai mȧtir ma aŋlemranɛ aŋa po səməs kɔ-e, ɔwa ɔwe say sɔ ɔYina ka aboŋa-e, nə nanɛ hɛ kəpa kɔnɔ yi ubeki tə kəsɔthɔ athalər athasər-i?

1 Pitar 1:8

Hali ma nə te tha nənk kɔ-e, nə bɔthər kɔ, ɔwa hali ma nə te tha gbɛnthas kɔ-e, nə lanɛ yi məbɔnɛ ama nə gbəli hɛ lɔm, yi ayiki alasər,

2 Pitar 2:3

Ɔwa kətȧŋȧnɛ ka radir ra ŋaŋ aŋ tə pəŋis nu yi təyem salata akala: kɛrɛ kȧbi ka thəpaŋ kathoŋkas ka ŋaŋ kə linsa hɛ, mba, ȧŋranka ŋaŋ aŋ dirȧ dirȧ hɛ.

1 Yɔn 2:26

I gbalər nu mȧtȧy ame ta ŋaŋ aŋa yema yɛthas nu.

1 Yɔn 4:1

Abɔthər, te nu lanɛ ɛyina bɛ, kɛrɛ mɛm yi bepi ɛ yi ka Kuru: pəkasifɛ anȧbi ayem agbȧthi aŋ yi ka ȧdȧru.

Yud 1:18

Maŋ po tɔri nu kəpa ka ȧŋlɔkɔ aləpsɔ afəm asel tȧy aŋ tə der, aŋa mə kɔth ka mafela mələs ma ɛmerȧ yaŋ.

Yud 1:4

kotȧy-e afəm alɔm aŋ po wɔŋ sɔy, aŋfəm aŋa a po gbəka matheri maŋ ɔwoni thɔŋ, afəm aŋa te tȧrȧ Kuru aŋa lȧfthi ȧŋboŋa ŋa ɔKuru kȧsu ka mafela maŋ maləs, ɔwa aŋ pɛnsanɛ Yisɔs Krayst ɔMarki kȧsu gbo son.

Kȧŋȧibinɛ 13:14

kɔ pəŋis aŋfəm ka ȧdȧru kətȧŋȧnɛ ka mȧtȧy məkabanɛ ama ɔ ba afɔsɔ tə kəyɔ ka kȧbəprȧnɛ ka ɔsɛm; kɔ kanɛ aŋfəm ka ȧdȧru tə kəbɛmpa arɔŋ ka mȧbȧlȧnɛ ma ɔsɛm utuy tȧy ɔwe a la yɔ ɔbaŋ rɛ aŋgbathɔ, kɛrɛ ɔ yi ukəli halisa.

Kȧŋȧibinɛ 2:13

I tȧrȧ ro mə yirȧ, hali ro kawaŋ ka rȧbȧy ra Sethani kə yi. Ɔwa mə wop ȧŋes a mi gbaŋ-e, mə pɛnsa hɛ kȧlanɛ ka mu do rɔmi, hali ka marey ma Antipas, ɔseri kȧmi ubɔthi lanɛ, ɔwe aŋ dif kətɔŋ ka mu, ro Sethani ɔ yirȧ.

Kȧŋȧibinɛ 2:9

I tȧrȧ ansɔmpanɛ yi ȧŋmɔnɛ ma mu, (kɛrɛ mun yola). I tȧrȧ sɔ kafɔf kələs ka ŋaŋ aŋa pa hɔ aŋ yi aYuda, kɛrɛ aŋ yi hɛ, aŋ yi gbo ka ȧŋseth agbanɛ ŋa Sethani.

Kȧŋȧibinɛ 3:8

I tȧrȧ mȧyɔs ma mu. Kəla i po təmər kədare kəkanthɛ rodi ka mu, ȧke wuni o wuni ɔ gbəli hɛ kantha; kotȧy-e mə ba afɔsɔ athȧn, ɔwa mə po thɔŋ wop ȧrim ra mi, mə pɛnsa hɛ ȧŋes a mi.

Kȧŋȧibinɛ 5:9

kaŋ leŋ aleŋ afu, kəpa, Munɔ mə yi ubeki tə kəgbasi ȧkȧfȧ, yi tə kəsim ɛmȧthlɛ; kotȧy-e a po fai mu sathka, ɔwa mə po bani afəm ka Kuru kətȧŋȧnɛ ka mȧtir ma mu, pə yi mɔ-e afəm kəwur kətɔŋ ka təkomra, yi tənt, yi afəm, yi təbona bɛ.

Kȧŋȧibinɛ 6:10

kaŋ gbelegbele aŋ pa, ƆMariki usəm, dɛ yi utəteŋ, to pə ba tə kəwon sɔ-e yeŋka mə thonkas tə kəkala mȧtir ma su ka ŋaŋ aŋa yi ka ȧdȧru-e?