2 Pitar 1:8 - Ȧŋlemrȧnɛ Ȧfu

⁸ kotȧy-e bepi mȧtȧy ame mə yi nu, ɔwa mə bȧrnɛ sɔ-e, mə tə yɔ nu nə tȧrȧ ɔMarki kȧsu Yisɔs Kraystȧŋ kəte yi na ayay thalɔm na akoŋfereŋ ka kȧtȧrȧ kati.

2 Pitar 1:8 ပူးပေါင်းရင်းမြစ်များ

Mathiu 13:22

Ɔwa kɔnɔ ɔwe a sak ka tabaŋk ratɔŋ-e, kɔnɔ yi ɔwe mǝ tǝl ȧrim, kɛrɛ aŋsoli ŋa ȧdȧru yi matɔns ma rȧyola mǝ tɔkǝr ȧrim, ɔwa ɔ kom hɛ sɔ mǝkomi.

Mathiu 20:3

Ma ɔ wur ka aŋhawa aŋa bekȧ mǝsas-e, ɔ nənk alɔm aŋ tǝma ka ɔdɛr ɔthila kǝte ba mǝpanth.

Mathiu 20:6

Ka aŋhawa aŋa bekȧ tɔfɔt ŋin, ɔ wur sɔ-e, kɔ bǝp alɔm aŋ tǝma tǝma gbo, ɔ pa ro ŋaŋ, kɔyɛŋ mǝ nǝ tǝma nɔ pali nǝ te yɔ mǝpanth-e?

Mathiu 25:26

Kɛrɛ ɔmarki kɔŋ ɔ pa, Munɔ mun bɔy ulǝs dɛ yi uyai. Mǝ tȧrȧ kǝpa i rɔk ro i te sak, i thoŋkla ro i te sakthi.

Yɔn 15:2

Ara o ra ro mi aŋa mə te wur məkomi ɔ gbək ŋi; ɔwa ara o ra aŋa mə wur məkomi, ɔ wasər ŋi, kȧmȧ aŋ bȧr wur məkomi.

Yɔn 17:3

Ɔwa aŋesəm thəbana ŋi aŋe kȧmȧ aŋ tȧrȧ mu ɔKuru utəteŋ son, yi Yisɔs Krayst ɔwe mə po som.

Yɔn 5:42

Kɛrɛ i tȧrȧ nu, kəpa nə ba hɛ mabɔthər ma Kuru ka ɛmerȧ ɛ nu.

AŋRomans 12:11

Te yi ayay ka mapanth, kɛrɛ ba nu ɛmerȧ ɛfey fey rə kəyɔna ɔMarki.

1 AŋKɔrenth 15:58

Tiyȧŋ, aŋwɔnt a mi abɔthər, təmȧ nu ɔbaksər, te kala kəmuth, bȧsər ka mapanth ma ɔMarki lɔkɔ bɛ, pəkasifɛ sə tȧrȧ kəpa mapanth ma nu mə yi hɛ kətiŋ ka ɔMarki.

2 AŋKɔrenth 13:5

Gbɛŋgbɛnɛ nu kȧmȧ nə tȧrȧ bepi nə yi ka kȧlanɛ tə tɛntɛnɛ; thektheknɛ nu. Niaŋ nə tɛ hɛ kəpa Yisɔs Kraystȧŋ ɔ yi nu rokor-i? Thambe pə yi hɔ nə yi afəm athȧyoŋ.

2 AŋKɔrenth 8:2

tə kəyi, hali kətɔŋ ka kəmɛmər ka kəsɔmpanɛ kəbana-e, kəwur ka ɔlasər wa mabɔnɛ dɛ yi amɔnɛ ma ŋaŋ məbana-e, aŋ sɔŋ ɛboya ɛfonsiri.

2 AŋKɔrenth 8:7

Tiyȧŋ, ma pə yi nə ba tȧy o tȧy ɔgbenthis-e, pə yi mɔ-e kəlanɛ-o, kəgbəli fɔf-o, kətara tai-o, yi məyasyas bɛ-o, dɛ yi mabɔthər ma nu ta ȧtȧ su, botər ti nu ȧmerȧ kȧmȧ nə fui ka ȧŋboŋa aŋe sɔ.

2 AŋKɔrenth 9:14

Ɔwa ŋaŋ gbeŋ sɔ maŋ ramnɛ ta ȧtȧ nu, aŋ bosinɛ sɔ ta ȧtȧ nu salata ȧŋboŋa abana ŋa Kuru aŋa yi nu.

AŋFilipai 1:9

Ta ȧte sɔ-e i ramnɛ kȧmȧ mabɔthər ma nu mə gbəli bȧrnɛ haŋ ka kətara dɛ yi kətemp bɛ.

AŋFilipai 2:5

Ta ȧŋmerȧ ŋa Krayst aŋ yi do rɔnu sɔ;

AŋFilipai 3:8

Ya pə yi, i dim koko bɛ salata ɔfinɔ ɔbaki mɔlɔ wa kətara Yisɔs Krayst ɔMarki kȧmi; ɔwa ta atɔŋ i poŋ dim mȧtȧy bɛ, ka i nənk ma mɔ ɛka ya amuruŋ kȧmȧ i gbəli sɔthɔ Krayst,

AŋKɔlɔsi 1:10

Kama nə kɔth ɔbeki ka ɔMarki yi kəbɔnɛs tȧy bɛ, dɛ yi kȧmȧ nə wurɔ məkomi rə məyɔs o məyɔs məfinɔ, kȧmȧ nə bȧrnɛ sɔ-e ka kȧtȧrȧ ka Kuru.

AŋKɔlɔsi 2:7

Ta a təmər nu rə kəba ɛthəŋk ɛ nu do rɔŋɔŋ, ɔwa ta nə yi sɔ ȧbȧksər ka kȧlanɛ ka nu, mɔlɔ ma a po thəksa nu rɛ mɔmɔ məgbathi.

AŋKɔlɔsi 3:16

Yɔ nu kȧmȧ ȧrim ra Krayst rə bȧkər ka ɛmerȧ ɛ nu, mɔ rəka rəkɛŋ. Thəksanɛ nu, ɔwa maŋanɛ nu ka ȧŋSams yi məleŋ ma ro Yina məgbaskɛ gbaskɛ, ɔwa lensir nu ɔMarki rə aboŋa ka ɛmerȧ ɛ nu.

1 AŋThɛsȧlonika 3:12

Kaŋka ɔMarki ɔ yɔ mabɔthər ma nu mə bȧrnɛ dɛ yi mə thɛrmɛ ɔkin ka ulɔm, kəkɔ ka afəm bɛ, hali mɔ mə saŋ sə bɔthər nu.

1 AŋThɛsȧlonika 4:1

Ka kaləpsɔ sə nɛmthɛnɛ nu awɔnt, ɔwa sə maŋ nu ka ɔMarki Yisɔs, kəpa mɔ mə sə po tɔri nu to nə yi tə kəkɔth dɛ yi tə kəbɔnɛs Kuru-e, mɔlɔ min mɔ mə nə kɔth thɔŋ ka-ake, ɔwa bȧsər nu kɔ kədi.

2 AŋThɛsȧlonika 1:3

Sə yi tə kəmɔmɔ Kuru lɔkɔ o lɔkɔ ta ȧtȧ nu awɔnt, pəkasifɛ kȧlanɛ ka nu kə bȧrnɛ gbo ɔthasər, ɔwa mabɔthər ama nə ba ɔkin ta ulɔm bɛ mə yi məbana;

1 Timɔthi 5:13

Ka pə re yi aŋ thəkəs tə kəyi ayay, maŋ kɔth kɔth rə seth o seth; aŋ yi hɛ gbo ayay, kɛrɛ aŋ tə səkɛ amunafaki yi akɔtha ɛfɔf ɛyɛ aŋ te yi tə kəfɔf.

Taytɔs 3:14

Ɔwa yɔ kȧmȧ aŋfəm a su aŋ thəkəs tə kəyɔ məpanth məfinɔ ta ɛgbɛthɛŋ yaŋ kȧmȧ aŋ te yi akoŋfereŋ.

Faylimɔn 1:6

Kaŋka kayeranɛ ka aŋlanɛ a mu kə gbəli yɔ kȧmȧ alɔm aŋ tȧrȧ ta tȧy o tȧy ta su təfinɔ ȧtȧ yi rokor ka Yisɔs Kraystȧŋ.

AŋHibru 6:12

Kama nə te yi ayay, kɛrɛ nə tansanɛ ŋaŋ aŋa sɔthɔ ɛlahiri asabu ŋa kȧlanɛ dɛ yi kamuyu ka ŋaŋ.

2 Pitar 1:2

Ta pə yi aboŋa yi məthɔfəl ɛ bȧrȧnɛ nu kətȧŋ ka kȧtȧrȧ ka Kuru, yi ka Yisɔs ɔMarki kȧsu.

2 Pitar 1:3

Mɔlɔ ma aŋfɔsɔ ŋɔŋ asəm aŋ po sɔŋ su tȧy o tȧy ȧtȧ sə yema ta aŋesəm yi ta kakɔth ka aroŋ da Kuru, kətȧŋȧnɛ ka kȧtȧrȧ ka ɔwe po tela su ta aŋyiki dɛ yi mafinɔ mɔŋ məthɔth.

2 Pitar 2:20

Ȧtesoma-e kədarəŋ ka maŋ po wur ka mȧkɔsɔ ma ȧdȧru ta salata kȧtȧrȧ ka ɔMarki ɔKisis Yisɔs Kraystȧŋ, bepi aŋ kȧl sɔ rəfthanɛ ri-e, mȧtəmȧ maŋ mələpsɔ mə tə yi mələs pəthasi mȧtɔtɔkɔ.

2 Pitar 3:18

Kɛrɛ bȧk nu ka ȧŋboŋa yi ka kȧtȧrȧ ka ɔMarki kȧsu yi ɔKisis Yisɔs Krayst. Ta kɔnɔ yi aŋyiki kətəp ka ka-ake haŋ thȧnkȧŋ thəbana. Amina.