2 Pitar 1:6 - Ȧŋlemrȧnɛ Ȧfu

⁶ yi ka kətara tai-e, kəyi gbɛt; dɛ yi ka kəyi gbɛt-e, kəmuyu; dɛ yi ka kəmuyu-e, kənesa Kuru;

2 Pitar 1:6 ပူးပေါင်းရင်းမြစ်များ

Luk 21:19

Nə tə bɛnɛ ɛŋesəm ɛ nu ka kamuyu ka nu.

Luk 8:15

Kɛrɛ ama ka ȧŋthɔf afinɔ-e, mə yi ŋaŋ aŋa po təl ȧrim, ɔwa maŋ təl-e, aŋ wop ri ɔbaksər ka tȧteŋ dɛ yi ka ȧmerȧ ȧferȧ, kaŋ kom məkomi rə kəmuyu.

Mȧyɔs ma aŋsom 24:25

Ɔwa mɔ mɔ fɔf ta məlompi-e, yi kəyi ugbɛt, yi kȧder ka ȧŋrey ŋa kathoŋkas-e, Filiks-əŋ ɔ nesa ɔthasər, kɔ pa, Kɔnɛ ras, ma i ba alɔkɔ ȧfɔy tai-e, i ti tela mu.

AŋRomans 15:4

Tiyȧŋ tȧy o tȧy ȧtȧ a gbal thəpaŋ-e, a gbal ti salata kathəkəs kȧsu kȧmȧ sə gbəli ba kəgbak ȧmerȧ salata kamuyu yi kȧbɛfəth ka mȧgbal məsəm.

AŋRomans 2:7

Ka ŋaŋ aŋa bȧsər tə kəyɔ təfinɔ rə kəmuyu kȧmȧ aŋ thɛns ayiki yi alambe, yi mȧtȧy ama te ba kəpoŋ thȧnkȧŋ, ɔ tə sɔŋ aŋesəm thəbana,

AŋRomans 8:25

Kɛrɛ bepi sə gbak ȧmerȧ ta ȧtȧ sə te tha nəŋka rəfɔr-e, sə tə kar ti rə kəmuyu.

1 AŋKɔrenth 9:25

Ulaŋgba o langba ɔwe mə gbakanɛ ka ɛwol ya kasɔnka ɔ yi ugbɛt rə koko bɛ. Ɔwa ŋaŋ aŋa yɔ ti tə kəsɔthɔ ȧniyɔ ŋa ɛbɔpər məthey; kɛrɛ saŋ sə yɔ ti tə kəsɔthɔ ȧniyɔ aŋa mə te ləsər thȧnkȧŋ.

2 AŋKɔrenth 6:4

kɛrɛ ka mɔtai bɛ mɔ ɛbɔy ya Kuru sə mɛm tə kəkolonɛ ka kəmuyu kəbɔli, ka ɛsɔmpanɛ, ka amɔnɛ, ka kəkɛthanɛ,

AŋKȧletia 5:23

ȧmerȧ athoranɛ, kəyɔ gbo gbɛt; athɔ ɔ thɔ aŋ yi hɛ aŋa mə ŋamnɛ mȧtȧy ame.

AŋKɔlɔsi 1:11

Kaŋka a bȧksər nu rə afɔsɔ bɛ kətȧŋȧnɛ ka ɔninis wa aŋfɔsɔ ŋa aŋyiki ŋɔŋ, kəkɔ ka kȧmuyu kəlele rə məbɔnɛ.

1 AŋThɛsȧlonika 1:3

Sə kala ȧmerȧ alɔkɔ bɛ ta mapanth ma kȧlanɛ ka nu dɛ yi mȧyɔs ma məbɔthər-e, dɛ yi kamuyu ka kagbak ka nu ȧmerȧ ka ɔMarki kȧsu Yisɔs Krayst, rodi ka Kuru ɔKas kȧsu;

2 AŋThɛsȧlonika 1:4

haŋ saŋ gbeŋ sə kori kori nu kətɔŋ ka ɛchɔch bɛ asabu ŋa kamuyu yi kȧlanɛ ka nu ka ɛsɔmpanɛ yi ɛthɔrɔnɛ bɛ ɛyɛ nə muyusnɛ.

2 AŋThɛsȧlonika 3:5

Kaŋka ɔMarki ɔ kɔtha ɛmerȧ ɛ nu ka mabɔthər ma Kuru, dɛ yi rə kəmuyu haŋ kȧder ka Krayst.

1 Timɔthi 2:10

kɛrɛ ta aŋ yesinɛ yi məyɔs məfinɔ ama mar afəm abom aŋa nesa Kuru Məsaba.

1 Timɔthi 2:2

ta abȧy, yi ta ȧtȧ ŋaŋ bɛ aŋa ba afɔsɔ, kȧmȧ sə gbəli yirȧ rȧ məthɔfəl bɛm rə kənesa Kuru Məsaba ka tȧteŋ bɛ.

1 Timɔthi 3:16

Ɔwa tɛntɛnɛ kəte ba ȧthonka, aŋgbundu abɔlɔŋ ŋa andina a su ŋe yi abana; Kuru ɔ tɔrinɛ ka ȧŋdɛr ŋa wuni kəpet, ka ɔYina məsəm ɔ sɔŋ kɔ məmari, ka amaleka aŋ nənk kɔ, ka a kawandi ȧkɛra kɔŋ ka tȧbona təlɔm, ka a lanɛ kɔ ka ȧdȧru, ka a kȧl malanɛ kɔ rokɔm rə ayiki abana.

1 Timɔthi 6:11

Kɛrɛ munɔ, mun wuni ka Kuru-e, gbukɛ mȧtȧy ame; tȧŋ məlompi dɛ yi məsəm ama yi təteŋ rodi ka Kurɔŋ, yi kəlanɛ, yi məbɔthər, yi kəmuyu, yi kəthoranɛ.

1 Timɔthi 6:3

Bepi wuni o wuni ɔ thəksa tȧy təlɔm, ɔwa ɔ pɛnsa sim təlompi, hali ȧsim ta ɔMarki kȧsu Yisɔs Kraystȧŋ, yi mathəksa ma təteŋ salata ranes ra Kuru.

1 Timɔthi 6:6

Kɛrɛ kȧfatər Kuru yi kəwasa, kəsɔthɔ kəbana kaŋ.

2 Timɔthi 3:5

Aŋ yɔr mɔ mə aŋ bɔthər Kuru-e, kɛrɛ aŋ pɛnsa aŋfɔsɔ ŋati. Mə yi tə kəbȧr aŋfəm aŋe kəmuth.

Taytɔs 1:1

Pɔl ȧbɔy ŋa Kuru, dɛ yi usom ka Yisɔs Kraystȧŋ tə kəbaksər kȧlanɛ ka anthith ŋa Kuru, dɛ yi tə kətɔri tȧteŋ ȧtȧ yi ka ranes ra Kuru.

Taytɔs 1:8

Kɛrɛ ta ɔ yi wuni fantha afəm, ta ɔ bɔthər təfinɔ, ta ɔ yi utempi, ubotnɛ rə ȧmerȧ, ulompi, usəm dɛ yi ubeki gbɛt.

Taytɔs 2:2

Yɔ kȧmȧ mȧthem aŋ yi agbɛt, atempi, akəthɛgbɛ rə ȧmerȧ, abȧki mədɛr ka kȧlanɛ yi ka mȧbɔthər dɛ yi ka kȧmuyu.

AŋHibru 10:36

kotȧy-e nə ba tə kəmuyu, kȧmȧ ma nə po yɔ mȧselɔ ma Kuru-e, nə tə sɔthɔ aŋlahiri:

AŋHibru 12:1

Tiyȧŋ ma ayama abana ŋa məseri aŋ kampər su yaŋ-e, maŋ gbapɛ nu koko ara mə bɛnt su, dɛ yi aŋhakɛ aŋa mə thiŋkər su katkat, ɔwa maŋ gbukɛ nu rə kəmuyu kȧgbȧkȧnɛ ȧke mə a bot rodi kȧsu.

AŋHibru 6:12

Kama nə te yi ayay, kɛrɛ nə tansanɛ ŋaŋ aŋa sɔthɔ ɛlahiri asabu ŋa kȧlanɛ dɛ yi kamuyu ka ŋaŋ.

AŋHibru 6:15

Ɔwa ma Ebraham ɔ po muyu haŋ-e, ɔ sɔthɔ tɛn aŋlahiri.

2 Pitar 1:3

Mɔlɔ ma aŋfɔsɔ ŋɔŋ asəm aŋ po sɔŋ su tȧy o tȧy ȧtȧ sə yema ta aŋesəm yi ta kakɔth ka aroŋ da Kuru, kətȧŋȧnɛ ka kȧtȧrȧ ka ɔwe po tela su ta aŋyiki dɛ yi mafinɔ mɔŋ məthɔth.

2 Pitar 3:11

Ma sə nənk kəpa ɛyɛt ɛye bɛ ɛ tə dinɛ-e, ko afəm ŋaŋ nə yi naŋ tə kəyi ka məyi məsəm, dɛ yi ka ranes ra Kuru-e?

Kȧŋȧibinɛ 1:9

Minɛŋ, Yɔn, ɔwɔnt yi ɔkas ka nu ka asɔmpanɛ, yi ka rȧbȧy dɛ yi kamuyu ka Yisɔs Kraystȧŋ, i yi ka aŋyel aŋa mə a bont Patmɔs salata ȧrim ra Kuru, yi ta maseri ma Yisɔs Kraystȧŋ.

Kȧŋȧibinɛ 13:10

Ɔwe yema wɔŋȧ wuni rə kɛndɛbira-e, kɔnɔ ɔ tə wɔŋ rə kɛndɛbira. Ɔwe yema dif rə aŋgbathɔ-e, a tə dif kɔ rɛ aŋgbathɔ. Ȧŋlɔkɔ ŋi aŋe ta aŋfəm ŋa Yisɔs tə kətɔri kamuyu yi kȧlanɛ ka ŋaŋ.

Kȧŋȧibinɛ 14:12

Ȧŋlɔkɔ ŋi aŋe ta aŋfəm ŋa Yisɔs tə kətɔri kamuyu ka ŋaŋ, pə yi mɔ-e, ŋaŋ aŋa wop ɛyamari ya Kuru yi kȧlanɛ ka Yisɔs.

Kȧŋȧibinɛ 2:2

I tȧrȧ mȧyɔs yi mapanth dɛ yi kamuyu ka mu. I kȧl tȧrȧ kəpa mə gbəli hɛ selɔ afəm akənȧ, dɛ yi mə po mɛm ŋaŋ aŋa pa aŋ yi asom, maŋ te yi asom, ɔwa mə po fir kəpa aŋ yi afəm ayem;