2 Pitar 1:5 - Ȧŋlemrȧnɛ Ȧfu

⁵ Ɔwa ma pə thas ȧte bɛ-e, bȧsər nu kȧmȧ nə bȧr ka kȧlanɛ ka nu, kəthɔth; dɛ yi ka kəthɔth-e, kətara tȧy;

2 Pitar 1:5 ပူးပေါင်းရင်းမြစ်များ

Luk 16:26

Pəthas ȧte, kətɔŋ ka mu yi saŋ a po bot akaŋ abana kȧmȧ ŋaŋ aŋa yema wur nɔ tə kəfəsi ro nu aŋ gbəli hɛ; ɔwa kȧmȧ ŋaŋ ri aŋ te gbəli fəsi ro rɔsu.

Luk 24:21

Kɛrɛ saŋ sə gbak ȧmerȧ naŋ kəpa kɔnɔ yi ɔwe mə bani Isrɛl, ɔwa ma pə thas ri-e, aŋe ŋə yi ȧŋrey aŋa bekȧ məsas kȧbi ma mȧtȧy ame mə po yɔnɛ.

Yɔn 6:27

Te thɔrɔ ta adarədi ara mə dinɛ, kɛrɛ thɔrɔ ta ȧdarədi ara mə tiyȧ haŋ ka aŋesəm thəbana, ara ɔWan ka wuni ɔ tə sɔŋ nu: kotȧy-e kɔnɔ Kuru ɔKas ɔ po mathlɛ.

1 AŋKɔrenth 14:20

Awɔnt, te nu yi afɛth rə ȧmerȧ, kɛrɛ rə məgbɛŋanɛ yi nu təlɛnth; ɔwa ka kəsɔthnɛ yi nu mɔ afəm abȧki.

AŋƐfisɔs 5:17

Ɔwa te nu yi mɔ afəm aŋa te tȧrȧ, kɛrɛ sɔthnɛ ko mȧselɔ ma ɔMarki mə yi.

AŋFilipai 1:9

Ta ȧte sɔ-e i ramnɛ kȧmȧ mabɔthər ma nu mə gbəli bȧrnɛ haŋ ka kətara dɛ yi kətemp bɛ.

AŋFilipai 2:12

Tiyȧŋ, ambɔthər a mi, mɔ mȧ nə poŋ thɔŋ sanɛ ȧrim lɔkɔ o lɔkɔ, pə yi hɛ gbo ma i yi kətɔŋ ka nu, kɛrɛ pə tha gbethi ka kate kȧmi bəpər, bȧsər kȧmȧ nə yɔ kakisi ka nu kə yi kəpons, rə rənes dɛ yi kəyɛr yɛr.

AŋFilipai 4:8

Ka kaləpsɔ, awɔnt, koko ara yi təteŋ, ara yi rə alambe, ara yi rəlompi, ara yi rəgbəraŋ, ara yi rəbɔthi kəli dɛ yi ara yi rəbɔthi təl; bepi ɔfinɔ ɔ yi, ɔwa sɔ-e, kəthɔkəs tȧy kə yi, botnɛ nu mȧtȧy ame rə ȧmerȧ.

AŋKɔlɔsi 1:9

Ȧtesoma-e saŋ sɔ, kȧbi ka ȧŋrey aŋa sə po təl ti-e, sə tey hɛ bɛ tə kəramnɛ dɛ yi kənɛmthɛnɛ ta ȧtȧ nu, kaŋka nə la yi kȧtȧrȧ ka mȧselɔ mɔŋ, rə kətemp dɛ yi kətara tȧy bɛ rə ɔYina.

AŋKɔlɔsi 2:3

ma pə yi a maŋk do rɔŋɔŋ atɛŋ ta kȧtemp dɛ yi kȧtara tȧy bɛ.

AŋHibru 11:6

Kɛrɛ rə kəte ba kəlanɛ sə gbəli hɛ bɔnɛs Kuru, kotȧy-e ɔwuni ɔwe fatər Kuru-e, thambe ɔ lanɛ kəpa Kuru ɔ yi-e, ɔwa sɔ-e, ɔ tə kȧl rȧm ŋaŋ aŋa thɛns kɔ tə tɛntɛnɛ.

AŋHibru 12:15

Kəli nu finɔ kȧmȧ wuni o wuni ɔ te bun ȧŋboŋa ŋa Kuru; ta thani rəka rəroŋkəth rə te lɔkɔ kətɔŋ ka nu-e, tə kəkɛthas nu, haŋ agbȧthi aŋ nɔkɔsnɛ.

AŋHibru 6:11

Sə fela kȧmȧ ukin o kin ka nu ɔ bȧsər tɔri kayasyas kin kati kəkɔ ka ɔlasər wa kagbak ȧmerȧ haŋ ka ɔthalnɛ.

1 Pitar 3:7

Ɔwa naŋ awos, ka ȧŋgbȧp a nu, yiranɛ yi aŋrani a nu rə kətaranɛ kəfinɔ, mɔ ŋa yi arȧnt athasi nu. Ɔwa sɔŋ ŋa ayiki ma nə yi akos ka kəsɔthɔ ȧŋboŋa ŋa aŋesəm. Yɔ nu ȧte kȧmȧ a te bɛnt taramnɛ ta nu.

2 Pitar 1:10

Tiyȧŋ, awɔnt, bȧsər nu tə kəyɔ kȧmȧ katela yi kathith ka nu kə yi tə tɛntɛnɛ. Kotȧy-e bepi nə yɔ mȧtȧy ame nə ba hɛ kəfumpɔ thȧnkȧŋ.

2 Pitar 1:11

Ɔwa nə tə sɔthɔ kədare kəgbenthis ka rȧbȧy rəthəbana ra ɔMarki ɔKisis kȧsu Yisɔs Kraystȧŋ.

2 Pitar 3:14

Tiyȧŋ abɔthər, ma pə yi nə kəlianɛ ta mȧtȧy ame-e, bȧsər nu kȧmȧ ɔ bəp nu ka məthɔfəl kəte ba apora thalɔm məthɛkɛ.

2 Pitar 3:18

Kɛrɛ bȧk nu ka ȧŋboŋa yi ka kȧtȧrȧ ka ɔMarki kȧsu yi ɔKisis Yisɔs Krayst. Ta kɔnɔ yi aŋyiki kətəp ka ka-ake haŋ thȧnkȧŋ thəbana. Amina.