2 Pitar 1:3 - Ȧŋlemrȧnɛ Ȧfu

³ Mɔlɔ ma aŋfɔsɔ ŋɔŋ asəm aŋ po sɔŋ su tȧy o tȧy ȧtȧ sə yema ta aŋesəm yi ta kakɔth ka aroŋ da Kuru, kətȧŋȧnɛ ka kȧtȧrȧ ka ɔwe po tela su ta aŋyiki dɛ yi mafinɔ mɔŋ məthɔth.

2 Pitar 1:3 ပူးပေါင်းရင်းမြစ်များ

Mathiu 28:18

Ka Yisɔsȧŋ ɔ der ɔ fɔfȧnɛ ŋa, ɔ pa, A po sɔŋ mi afɔsɔ bɛ ro riyana yi ka ȧdȧru.

AŋRomans 8:32

Bepi Kuru ɔ pɛnsa hɛ tə kəsɔnd ɔWan kɔŋ ta ȧtȧ su-e, ɔ gbəli hɛ sɔ selɔ tə kəsɔŋ su mȧtȧy bɛ yi kɔn-i?

AŋRomans 9:24

hali saŋ aŋa ɔ po tela kəwur ka aŋYuda son thahɔ, kɛrɛ ka tȧbona təlɔm sɔ.

1 AŋKɔrenth 1:9

Kuru ɔ yi ubɔthi lanɛ ɔwe po muti nu ka mamanɛ ma ɔWan kɔŋ Yisɔs Krayst ɔMarki kȧsu.

2 AŋKɔrenth 12:9

Kɛrɛ ɔ pa ro rɔmi, ȧŋboŋa a mi aŋ yi abeki mu, kotȧy-e aŋfɔsɔ a mi aŋ yi agbenthis ka mȧrȧnt. Tiyȧŋ pə bɔnɛ mi tə kəkolonɛ ka mȧrȧnt ma mi, kȧmȧ aŋfɔsɔ ŋa Kraystȧŋ aŋ rensa mi.

AŋƐfisɔs 4:1

Tiyȧŋ minɛŋ, ɔkɛndɛbira ka ɔMarki, i nɛmthɛnɛ nu kȧmȧ nə kɔth mɔ mə nə yi tə kəkɔth ka katela ȧke a poŋ tela nu,

AŋƐfisɔs 4:4

Adɛr ŋin aŋ yi, dɛ yi ɔYina ukin, ya pə yi sɔ a tela nu ka kəgbak ȧmerȧ kin ka kamuti ka nu.

AŋFilipai 3:8

Ya pə yi, i dim koko bɛ salata ɔfinɔ ɔbaki mɔlɔ wa kətara Yisɔs Krayst ɔMarki kȧmi; ɔwa ta atɔŋ i poŋ dim mȧtȧy bɛ, ka i nənk ma mɔ ɛka ya amuruŋ kȧmȧ i gbəli sɔthɔ Krayst,

AŋFilipai 4:8

Ka kaləpsɔ, awɔnt, koko ara yi təteŋ, ara yi rə alambe, ara yi rəlompi, ara yi rəgbəraŋ, ara yi rəbɔthi kəli dɛ yi ara yi rəbɔthi təl; bepi ɔfinɔ ɔ yi, ɔwa sɔ-e, kəthɔkəs tȧy kə yi, botnɛ nu mȧtȧy ame rə ȧmerȧ.

AŋKɔlɔsi 1:16

kotȧy-e, ka aŋyɛthɛ ŋɔŋ ɔ təpi ɛyɛt bɛ, ɛyɛt ya ro riyana, yi nɔru, ɛyɛ mȧ sə nəŋka rəfɔr dɛ yi ɛyɛ mȧ sə te nənk, pə yi təbȧy-o, təthɔf-o, ɛbomp-o, thalɔm agbəka-o; a təpi ɛyɛt bɛ do rɔŋɔŋ dɛ yi kətȧŋȧnɛ kɔŋ.

1 AŋThɛsȧlonika 2:12

Kama pə re yi nə gbəli kɔth mɔ pə bekȧnɛ ka Kuru, ɔwe po tela nu ka rȧbȧy rɔŋ ra ayiki.

1 AŋThɛsȧlonika 4:7

kotȧy-e Kuru ɔ tela hɛ su salata mənɔkɔ, kɛrɛ ta rəsəm.

2 AŋThɛsȧlonika 2:14

Tȧsom Kuru ɔ poŋ tela nu ka ȧkɛra kəfinɔ kȧsu, kȧmȧ nə sɔthɔ aŋyiki ŋa ɔMarki kȧsu Yisɔs Krayst.

1 Timɔthi 4:8

kotȧy-e kȧthanthəsnɛ ka mədɛr kə naŋfas ɔthan gbo, kɛrɛ marusəmnɛ ame ka Kuru Məsaba-e mə mar rə tȧy o tȧy, ma pə yi mə ba alahiri ŋa aŋesəm ŋa ka-ake, dɛ yi ŋa aŋa mə der.

2 Timɔthi 1:9

ɔwe po kisis su, ɔwa ɔ po tela su yi kətela kəsəm, pə yi hɛ mɔlɔ ma mapanth ma su mə yi, kɛrɛ salata mȧselɔ yi ȧŋboŋa ŋɔŋ, aŋa ɔ po sɔŋ su ka Yisɔs Kraystȧŋ yeŋka ȧdȧru rə təpɛ,

AŋHibru 1:3

ɔWan ɔwe kɔnɔ yi ɔgbɛntha wa aŋyiki ŋa Kuru-e, dɛ yi mȧbȧlȧnɛ gbeŋ ma rawuni ra Kuru rɔŋ, ɔwa kɔnɔ mə bȧksər tȧy o tȧy ka ȧrim ra aŋfɔsɔ ŋɔŋ. ƆWan ɔwe, ma ɔ po fethər su kəwur ka ɛhakɛ ɛ su-e, ɔ yirȧ ka kȧta kədiɔ ka aŋyiki ŋa Kuru rokɔm.

1 Pitar 1:15

Kɛrɛ mɔ kɔn ɔwe tela nu ɔ yi usəm-e, naŋ sɔ nə yi tə kəyi asəm ka mayi ma nu bɛ;

1 Pitar 1:5

aŋa a po bɛnɛ ka aŋfɔsɔ ŋa Kuru asabu ŋa kəlanɛ kəkɔ ka kakisi ȧke a yi tə kəŋaibi ka marey mələpsɔ.

1 Pitar 2:21

Ȧtesoma-e ta ȧte tə a po nu tela, kotȧy-e Kraystȧŋ ɔ sɔmpanɛ ta ȧtȧ su, kətia su amɔl kȧmȧ nə tȧŋ ka mani mɔŋ.

1 Pitar 2:9

Kɛrɛ naŋ nə yi ȧbɔnshɔ ȧthith, rəfode ra rȧbȧy, abona asəm, afəm agbaskɛ; kȧmȧ nə taməs akori kori ŋa ɔKuru ɔwe po tela nu tə kəwur ka ȧŋsum kəkɔ ka kawalɛ kɔŋ kəkabanɛ.

1 Pitar 3:9

Te nu kala ɔləs ta ɔləs, thalɔm kənal ta kənal; kɛrɛ kala aruba, pəkasifɛ nə tȧrȧ kəpa a po muti nu tə kəsɔthɔ aruba.

1 Pitar 5:10

Kɛrɛ ɔKuru ka aboŋa bɛ, ɔwe po tela su tə kəwɔŋ ka aŋyiki ŋɔŋ athəbana-e, kətaŋ ka Krayst Yisɔsȧŋ, ma nə po nakasi ɔthan-e, kɔn kɔnɔnɛ ɔ tə gbenthis nu, ɔ tə bȧksər nu, ɔ tə lompəs nu.

2 Pitar 1:10

Tiyȧŋ, awɔnt, bȧsər nu tə kəyɔ kȧmȧ katela yi kathith ka nu kə yi tə tɛntɛnɛ. Kotȧy-e bepi nə yɔ mȧtȧy ame nə ba hɛ kəfumpɔ thȧnkȧŋ.

2 Pitar 1:2

Ta pə yi aboŋa yi məthɔfəl ɛ bȧrȧnɛ nu kətȧŋ ka kȧtȧrȧ ka Kuru, yi ka Yisɔs ɔMarki kȧsu.

2 Pitar 1:5

Ɔwa ma pə thas ȧte bɛ-e, bȧsər nu kȧmȧ nə bȧr ka kȧlanɛ ka nu, kəthɔth; dɛ yi ka kəthɔth-e, kətara tȧy;

2 Pitar 1:6

yi ka kətara tai-e, kəyi gbɛt; dɛ yi ka kəyi gbɛt-e, kəmuyu; dɛ yi ka kəmuyu-e, kənesa Kuru;

2 Pitar 1:8

kotȧy-e bepi mȧtȧy ame mə yi nu, ɔwa mə bȧrnɛ sɔ-e, mə tə yɔ nu nə tȧrȧ ɔMarki kȧsu Yisɔs Kraystȧŋ kəte yi na ayay thalɔm na akoŋfereŋ ka kȧtȧrȧ kati.

2 Pitar 2:20

Ȧtesoma-e kədarəŋ ka maŋ po wur ka mȧkɔsɔ ma ȧdȧru ta salata kȧtȧrȧ ka ɔMarki ɔKisis Yisɔs Kraystȧŋ, bepi aŋ kȧl sɔ rəfthanɛ ri-e, mȧtəmȧ maŋ mələpsɔ mə tə yi mələs pəthasi mȧtɔtɔkɔ.

2 Pitar 3:18

Kɛrɛ bȧk nu ka ȧŋboŋa yi ka kȧtȧrȧ ka ɔMarki kȧsu yi ɔKisis Yisɔs Krayst. Ta kɔnɔ yi aŋyiki kətəp ka ka-ake haŋ thȧnkȧŋ thəbana. Amina.