2 Pitar 1:12 - Ȧŋlemrȧnɛ Ȧfu

¹² Tiyȧŋ i ba hɛ kəthamrɔ tə kəgbɛlɛŋ ɛmerȧ ɛ nu ta mȧtȧy ame lɔkɔ o lɔkɔ, hali ma nə tȧrȧ thɔŋ, ɔwa nə poŋ thɔŋ bȧksər ka tȧteŋ ȧtȧ nə ba ka-ake.

2 Pitar 1:12 ပူးပေါင်းရင်းမြစ်များ

Mȧyɔs ma aŋsom 16:5

Ɔwa ɛchɔch ɛ bȧr sɔthɔ afɔsɔ ka kȧlanɛ, yi kagbath ka ŋaŋ kə bȧrnɛ ȧrey o rey.

AŋFilipai 3:1

Ɔwa aŋwɔnt a mi, ba nu məbɔnɛ ka ɔMarki. Pə bȧk hɛ mi mədɛr tə kəgbalər nu mȧtȧy ame, ɔwa pə yi sɔ ɔfinɔ ta ȧtȧ nu.

AŋKɔlɔsi 1:5

asabu ŋa kagbak ȧmerȧ ȧke a bɛnɛ ta ȧtȧ nu ro riyana, ȧke nə po təl kətȧŋȧnɛ ka ȧrim ra tȧteŋ ta ȧkɛra kəfinɔ ka Kuru.

AŋKɔlɔsi 2:7

Ta a təmər nu rə kəba ɛthəŋk ɛ nu do rɔŋɔŋ, ɔwa ta nə yi sɔ ȧbȧksər ka kȧlanɛ ka nu, mɔlɔ ma a po thəksa nu rɛ mɔmɔ məgbathi.

1 Timɔthi 4:6

Bepi mə tɔri mȧtȧy ame ka aŋwɔnt-e, mə tə yi ȧbɔy ŋa Yisɔs Krayst ubɔthi lanɛ, urusəm ka ȧsim ta kȧlanɛ yi ka mathəksa ma ȧkɛra kəfinɔ ȧke mə poŋ thɔŋ wop.

2 Timɔthi 1:6

Te ba ti i ti yɔ mu mə kȧl nanɛ tə kəgboŋkthis ȧŋboya ŋa Kuru aŋa mə ba-e, aŋa mə sɔthɔ ma i reŋ mu mȧta ma mi.

AŋHibru 10:32

Kɛrɛ kala ȧmerȧ ka marey ma thəpaŋ. Rodarəŋ ka ma nə po sɔthɔ ȧŋmothȧ-e, nə po muyu kətim kəbaki mədɛr, rɛ ɛsɔmpanɛ.

AŋHibru 13:9

Te nu lafthɛ ka mȧthəksa mətel məgbanthɛ tətəp, kotȧy-e pǝ yi ɔfinɔ bepi a bȧkəs ɛmerȧ ɛ nu rɛ aboŋa-e, beta rɛ masəm ma ɛyɛt ɛdi ama te gbəli mar ŋaŋ aŋa wop ma.

1 Pitar 5:10

Kɛrɛ ɔKuru ka aboŋa bɛ, ɔwe po tela su tə kəwɔŋ ka aŋyiki ŋɔŋ athəbana-e, kətaŋ ka Krayst Yisɔsȧŋ, ma nə po nakasi ɔthan-e, kɔn kɔnɔnɛ ɔ tə gbenthis nu, ɔ tə bȧksər nu, ɔ tə lompəs nu.

1 Pitar 5:12

I somra ȧŋreka agbut aŋe ka kȧta ka Silfenɔs, ɔwɔnt su ubɔthi lanɛ, tə kəbaksər tabuth ta nu, yi tə kəseri kəpa ȧtȧ i po tɔri nu tə yi ȧŋboŋa atəteŋ ŋa Kuru. Təmȧ ri ɔbaksər.

2 Pitar 1:13

Yao i nanɛ ti ɔlompi fani mɔ Kuru ɔ yep mi ras aŋesəm-e, tə kəgbukthis nu ta ȧte, kȧmȧ nə kȧl tȧmtȧmnɛ ti.

2 Pitar 1:15

Ɔwa i ti mɛm kȧmȧ pə yi ma i po thas-e, nə gbəli botərnɛ mȧtȧy ame rə ȧmerȧ.

2 Pitar 3:1

Ȧŋreka aŋa bekȧ yɛrəŋ ŋi aŋe abɔthər, ɔwa i gbalər yɛ yɛrəŋ kȧmȧ i gbukthis nu tə kəkal tȧmtȧmnɛ.

2 Pitar 3:17

Tiyȧŋ abɔthər, ma nə po tȧrȧ mȧtȧy ame, bumnɛ nu kȧmȧ nə te sapəra ka kayɛtha ka aŋfəm aləs, yi kȧmȧ nə te fumpɔ kəwur ka matəma ma nu məfinɔ.

1 Yɔn 2:21

I gbalər hɛ nu ta ma nə te tȧrȧ tȧteŋ, kɛrɛ pəkasifɛ nə tȧrȧ ti, ɔwa nə tȧrȧ kəpa rəyem o rəyem rə wur hɛ ka tȧteŋ.

2 Yɔn 1:2

salata tȧteŋ ȧtȧ yianɛ ro rɔsu, ɔwa ȧtȧ yi yi saŋ thəbana.

Yud 1:17

Kɛrɛ ȧŋbɔthər a mi, tȧmtȧmnɛ nu tafɔf ȧtȧ aŋsom ŋa ɔMarki kȧsu Yisɔs Krayst aŋ pa thəpaŋ.

Yud 1:3

Ambɔthər a mi, ma i bot ȧŋmerȧ a mi tə kəgbalər nu ta kakisi kȧsu bɛ, ȧŋmerȧ a mi aŋ yagba mi tə kəgbalər nu yi kəmaŋ nu kȧmȧ nə bumər ɔfinɔ kȧlanɛ ȧke a po lȧnki win haŋ thəbana ka aŋfəm asəm.

Yud 1:5

Ka-ake, hali ma nə la po tȧrȧ mȧtȧy bɛ, i yema gbukthis nu kəpa, ɔMarki ma ɔ po kisis aŋfəm kəwur ka ȧŋthɔf ŋa ro Iyipt, ɔ kȧl dim ŋaŋ aŋa te lanɛ.