2 AŋKɔrenth 8:9 - Ȧŋlemrȧnɛ Ȧfu

⁹ kotȧy-e nə tȧrȧ ȧŋboŋa ŋa ɔMarki kȧsu Yisɔs Kraystȧŋ, kəpa hali ma ɔ yi uyola-e, salata nu ɔ səkɛ umɔnɛ, kȧmȧ naŋ kətaŋ ka amɔnɛ mɔŋ-e, nə gbəli səkɛ ayola.

2 AŋKɔrenth 8:9 ပူးပေါင်းရင်းမြစ်များ

Mathiu 17:27

Kɛrɛ kȧmȧ sǝ te yɔ ŋa aŋ pǝnthbǝla-e, kɔnɛ ro baŋ mǝ fitha anǝmp, liŋ kalop ɔwe mɔtha der. Ma mǝ po kanthi kasǝŋ kɔŋ-e mǝ tǝ fir ri akala. Gbasi ŋi ɔwa sɔŋ ŋa ta ȧtȧ mi yi ta ȧtȧ mu.

Mathiu 20:28

mɔ mǝ ɔWan ka wuni ɔ te der kȧmȧ a yɔna kɔ, kɛrɛ tǝ kǝyɔna afǝm, dɛ yi tǝ kǝsɔnd aŋesǝm ŋɔŋ tǝ kǝbani afǝm alai.

Mathiu 8:20

Ka Yisɔsȧŋ ɔ pa ro rɔŋɔŋ hɔ, Ɛgbogboro aŋ ba tǝyaŋka-e, ɛbȧmp ya aŋfena aŋ ba ɛseth. Kɛrɛ ɔWan ka wuni ɔ ba hɛ dɛr ro mǝ ɔ bot rȧbomp rɔŋ.

Mark 6:3

Ɔkamdɛr thahɔ ɔwe-i? Ɔwan uruni ka Meri, ɔwɔnt uruni ka Yeməs, Yoses, Yuda yi Saymɔnȧŋ-i? Ɔwa aŋwɔnt ŋɔŋ abɛra aŋ yi hɛ sɔ nɔ yi saŋ-i? kaŋ ba məbaŋ ta atɔŋ

Luk 16:11

Tiyȧŋ bepi nə yi hɛ abɔthi lanɛ ka rəyola rəkansoŋ-e, kanɛ gbəli lanɛ nu ka ȧte yi tateŋ-e?

Luk 2:7

Ɔwa ɔ kom ɔwan kɔŋ utɔtɔkɔ uruni, kɔ rapər kɔ totha təbɔli, ɔ bot kɔ dɛr ro mə a bot ɛdi ya ɛsɛm, ma aseth ayiyanɛ alɔm aŋ te sɔ yi ta ȧtȧ ŋaŋ-e.

Luk 8:3

Yoana ɔrani ka Kusa, ȧŋbɔy ŋa Hɛrɔd, yi Susana, yi agbȧthi alɔm sɔ, aŋa mar kɔ yi ɛyɛt yaŋ.

Luk 9:58

Yisɔsȧŋ ɔ pa ro ŋɔŋ, Ɛgbogboro aŋ ba təyaŋka, ɛbȧmp ya aŋfena aŋ ba ɛseth, kɛrɛ ɔWan ka wuni ɔ ba hɛ dɛr ro mɔ bot rȧbomp rɔŋ.

Yɔn 1:10

Ɔ yi ka ȧdȧru, ɔwa kɔnɔ bɛmpa ȧdȧru, kɛrɛ ȧdȧru rə tɛ hɛ kɔ.

Yɔn 1:14

Ka Ȧrim rə səkɛ wuni, kɔ yirȧ kətɔŋ kȧsu, ɔwa sə kəli aŋyiki ŋɔŋ, aŋ yi mɔ aŋyiki ŋa ɔWan son ka ɔKas, ɔ la aboŋa yi tȧteŋ.

Yɔn 1:17

Ȧtesoma-e Mosisȧŋ kɔnɔ sɔŋ ȧŋthɔ; kɛrɛ ȧŋboŋa yi tȧteŋ ɛ der ka kȧta ka Yisɔs Krayst.

Yɔn 12:30

Kɛrɛ Yisɔsȧŋ ɔ pa, Ȧrim are rə de hɛ ta ȧtȧ mi, kɛrɛ ta ȧtȧ nu.

Yɔn 16:15

Mȧtȧy bɛ ama ɔKas ɔ ba-e, minɛ ba ma: tiyȧŋ i pa, ɔ tə gbasi ma ro mi, ɔwa ɔ tə tɔri ma ro nu.

Yɔn 17:19

Ɔwa ta ȧtȧŋ tə mə i səməsnɛ, kȧmȧ a səməs ŋa ka tȧteŋ.

AŋRomans 11:12

Ɔwa bepi kabunɛ ka ŋaŋ kə sɔŋ rəyola ka ȧdȧru-e yi kagbənkɛ ka ŋaŋ kə yi kabarnɛ ka tȧbona təlɔm-e, pə tha gbethi kəkalɔ ka ŋaŋ kə tə ba ɔfinɔ ɔthasər.

AŋRomans 15:3

kotȧy-e hali Kraystȧŋ ɔ thesisnɛ hɛ, kɛrɛ mɔ a gbal kəpa, Tanal ta ŋaŋ aŋa nal mu tə fumpər mi.

AŋRomans 5:8

Kɛrɛ Kuru ɔ tɔri mabɔthər mɔŋ ro rɔsu, pəkasifɛ ma sə yi ras afəm ŋa ahakɛ-e, Krayst ɔ fi ta ȧtȧ su.

AŋRomans 8:32

Bepi Kuru ɔ pɛnsa hɛ tə kəsɔnd ɔWan kɔŋ ta ȧtȧ su-e, ɔ gbəli hɛ sɔ selɔ tə kəsɔŋ su mȧtȧy bɛ yi kɔn-i?

1 AŋKɔrenth 1:4

I muti ɔKuru kȧmi mɔmɔ lɔkɔ o lɔkɔ ta ȧtȧ nu, asabu ŋa ȧŋboŋa ŋa Kuru aŋa a sɔŋ nu rokor ka Yisɔs Krayst;

1 AŋKɔrenth 15:47

Ɔwuni utɔtɔkɔ ɔ wur ka ȧŋthɔf, wuni ka kəbof wɔŋ; kɛrɛ ɔwe bekȧ ŋarəŋ ɔ yi ɔMarki ɔwe wur ro riyana.

2 AŋKɔrenth 13:14

Ta ȧŋboŋa ŋa ɔMarki Yisɔs Krayst, yi mabɔthər ma Kuru yi mamanɛ ma ɔYina məsəm mə yi yi naŋ bɛ. Amina.

2 AŋKɔrenth 6:10

mɔ mə sə saŋ ɛmɔl-e, kɛrɛ sə sel məbɔnɛ; mɔ amɔnɛ, kɛrɛ sə naŋfas afəm agbȧthi; mɔ mə sə te ba koko-e, kɛrɛ sə sɔthɔ mȧtȧy bɛ.

AŋƐfisɔs 2:7

kama-e, ka ɛlɔkɔ ɛyɛ ba kəder-e, ɔ gbəli tɔri rayola ra ȧŋboŋa ŋɔŋ abana kətȧŋȧnɛ ka mathɔth mɔŋ ta ȧtȧ su rokor ka Yisɔs Kraystȧŋ.

AŋƐfisɔs 3:19

kətara mabɔthər ma Krayst ama mə thasi kətara tȧy bɛ, kȧmȧ a namsir nu yi ɔlasər wa Kuru bɛ.

AŋƐfisɔs 3:8

Do rɔmi-e, ɔwe yi uyay thɔŋ bɛ ka aŋsəm-e, a maŋkər ȧŋboŋa aŋe kȧmȧ i kawandi ka tȧbona təlɔm rayola rəninis ra Krayst,

AŋKɔlɔsi 1:24

Ka-ake i ba məbɔnɛ asabu ŋa ɛsɔmpanɛ ɛ mi ta ȧtȧ nu, ka i lasər ȧŋsɔmpanɛŋ ŋa Krayst ka ȧŋdɛr a mi salata ȧŋdɛr ŋɔŋ, pə yi mɔ-e, aŋchɔch.

1 Timɔthi 6:18

Maŋ ŋa kȧmȧ aŋ yɔ təfinɔ, dɛ yi kȧmȧ aŋ yi ayola ka mȧyɔs məfinɔ dɛ yi tɛmp tɛmp tə kəsɔŋ ɛboya.

AŋHibru 1:2

kɛrɛ ka marey mələpsɔ ame ɔ fɔfȧnɛ su ka ɔWan kɔŋ, ɔwe Kuru ɔ thith tə kəsɔthɔ mȧtȧy bɛ kɛŋ, ɔwa kətaŋ do rɔŋɔŋ sɔ ɔ la po bɛmpa ȧdȧru bɛ;

Yeməs 2:5

Su aləns aŋwɔnt a mi abɔthər, ŋaŋ aŋa ȧdȧru rə bont amɔnɛ-e, Kuru ɔ thith hɛ ŋa tə kəyi ayola ka kȧlanɛ-i, yi tə kəsɔthɔ rȧbȧy ara ɔ po lahiri ŋaŋ aŋa bɔthər kɔ-i?

Kȧŋȧibinɛ 2:9

I tȧrȧ ansɔmpanɛ yi ȧŋmɔnɛ ma mu, (kɛrɛ mun yola). I tȧrȧ sɔ kafɔf kələs ka ŋaŋ aŋa pa hɔ aŋ yi aYuda, kɛrɛ aŋ yi hɛ, aŋ yi gbo ka ȧŋseth agbanɛ ŋa Sethani.

Kȧŋȧibinɛ 21:7

Ɔwe tham ɔ tə sɔthɔ mȧtȧy ame bɛ kəŋ. Ɔwa minɛŋ i ti yi ɔKuru kɔŋ-e, ɔwa kɔnɔ ɔ tə yi ɔwan kȧmi.

Kȧŋȧibinɛ 3:18

Tiyȧŋ i maŋ mu tə kəwair mi mȧbɔŋɔ ama a po mɛm ka anant kȧmȧ mə yi uyola, dɛ yi suma təfera tə kəwɔŋ, kȧmȧ mȧlap ma ratiŋ ra mu rə te tɔrinɛ; ɔwa sop sɔ ɛfɔr ɛ mu yi atɔl asop, kȧmȧ mə gbəli nənk.