2 AŋKɔrenth 7:4 - Ȧŋlemrȧnɛ Ȧfu

⁴ I fɔfȧnɛ nu rə kəmintha kəbana, i kolonɛ ɔgbȧthi salata nu; i la rə kəbɛfəth kətɔŋ ka ɛsɔmpanɛ ɛ su bɛ, ɔwa i yasanɛ rɛ yi məbɔnɛ.

2 AŋKɔrenth 7:4 ပူးပေါင်းရင်းမြစ်များ

Mȧyɔs ma aŋsom 5:41

Tiyȧŋ aŋ wur rodi ka aŋSanhedrin, aŋ sel məbɔnɛ ta ma a lɔm ŋa abeki tə kəsɔthɔ məlap ta ȧŋes.

AŋRomans 5:3

Ɔwa pə yi hɛ gbo yaŋ, kɛrɛ sə sel məbɔnɛ ka ɛsɔmpanɛ ɛ su sɔ, ma sə tȧrȧ kəpa kȧsɔmpanɛ kə tə kom kȧmuyu;

1 AŋKɔrenth 1:4

I muti ɔKuru kȧmi mɔmɔ lɔkɔ o lɔkɔ ta ȧtȧ nu, asabu ŋa ȧŋboŋa ŋa Kuru aŋa a sɔŋ nu rokor ka Yisɔs Krayst;

2 AŋKɔrenth 1:14

mɔ mȧ nə po sɔthnɛ ti ɔthan kəpa nə gbəli kolonɛ do rɔsu mɔ mȧ saŋ sɔ sə gbəli kolonɛ do rɔnu ka ȧŋrey ŋa ɔMarki kȧsu Yisɔs.

2 AŋKɔrenth 1:4

ɔwe mə bɛfəth su ka ɛsɔmpanɛ ɛ su bɛ, kȧmȧ saŋ sɔ sə gbəli bɛfəth ŋaŋ aŋa yi rə asɔmpanɛ o sɔmpanɛ, kətȧŋȧnɛ ka kȧbɛfəth gbeŋ ȧke Kuru mɔ bɛfəth su.

2 AŋKɔrenth 10:8

kotȧy-e, hali i ti bȧr gbək ɛyonka salata aŋfɔsɔ aŋa ɔMarki ɔ po sɔŋ su-e, (tə kətəmsər nu, pə yi hɛ tə kəfak nu), i ba hɛ kəlapəs ti mən.

2 AŋKɔrenth 11:21

I fɔf rə məlap kəpa, ka rayay ra mi i la hɛ yɔ mȧtȧy məwunɔŋ. Halisa ta tȧy o tȧy ȧtȧ wuni mɔ minthasnɛ, (i fɔf gbo mɔ upəŋk) minɛ sɔ i ti minthasnɛ.

2 AŋKɔrenth 2:14

Kɛrɛ i muti Kuru mɔmɔ, ɔwe mə kera su lɔkɔ o lɔkɔ rə katham ka Kraist-e, dɛ yi ɔwe mə sakthi ȧŋbɔnt abɔthi ŋa kȧtȧrȧ kɔŋ dɛr o dɛr ka kȧta kȧsu.

2 AŋKɔrenth 3:12

Tiyȧŋ ma sə ba kagbak ȧmerȧ awunɔŋ-e, sə gbəli fɔf rə kəmintha.

2 AŋKɔrenth 7:14

kotȧy-e bepi i gbək ɛyonka ta salata nu do rɔŋɔŋ-e, i ba hɛ ti məlap; kȧbi ma mə sə po fɔf tȧy o tȧy ro rɔnu ka tȧteŋ, yaŋ sɔ a fir kagbək kȧsu ɛyonka rodi ka Taytɔs kə yi tȧteŋ.

2 AŋKɔrenth 8:24

Tiyȧŋ tɔri ŋa nu ro der kədi ka ɛgbanɛ ya Yisɔs, maseri ma mabɔthər ma nu, dɛ yi maseri ma kagbak kȧsu ɛyonka ta ȧtȧ nu.

AŋFilipai 1:14

Ɔwa sɔ-e, awɔnt agbȧthi ŋa ɔMarki aŋ bȧr lanɛ salata ȧŋsɔmpanɛŋ a mi, kaŋ bȧsər fɔf mapa məfinɔ ma Kuru rə kəmintha.

AŋFilipai 1:20

kətȧŋȧnɛ ka ȧŋmerȧ ȧpələnɛ dɛ yi kagbak ȧmerȧ kȧmi; kȧmȧ i te lap rə tȧy o tȧy, kɛrɛ rə kəmintha bɛ, Krayst ɔ tə sɔthɔ ayiki ka ȧŋdɛr a mi ka-ake, dɛ yi alɔkɔ bɛ, pə yi ka ŋesəm-o, thalɔm ka rəfi.

AŋFilipai 1:26

kȧmȧ mabɔnɛ ma nu mə bȧrnɛ ka Yisɔs Krayst do rɔmi salata kȧbəprȧnɛ kȧmi kətɔŋ ka nu.

AŋFilipai 2:17

Yao, hali i yi sathka ta kȧlanɛ ka nu, i ba ti məbɔnɛ, ka i yasanɛ rɛ məbɔnɛ dɛ yi nia bɛ.

AŋKɔlɔsi 1:24

Ka-ake i ba məbɔnɛ asabu ŋa ɛsɔmpanɛ ɛ mi ta ȧtȧ nu, ka i lasər ȧŋsɔmpanɛŋ ŋa Krayst ka ȧŋdɛr a mi salata ȧŋdɛr ŋɔŋ, pə yi mɔ-e, aŋchɔch.

1 AŋThɛsȧlonika 2:19

kotȧy-e ko yi kagbak kȧsu ȧmerȧ thalɔm mȧbɔnɛ-e, thalɔm ko yi ȧŋniyɔ ŋa kagbək kȧsu ɛyonka-e? Naŋ thahɔ-i, rodi ka ɔMarki Yisɔs Krayst ka kȧder kɔŋ-i?

1 AŋThɛsȧlonika 2:2

kɛrɛ kədarəŋ ka ma a po sɔmpar dɛ yi a sambos su ro Filipay-e, nə tȧrȧ kəpa halisa sə bȧk kəbuth ka ɔKuru kȧsu tə kətɔri nu ȧkɛra kəfinɔ ka Kuru kətɔŋ ka kəpɛnsa kəbana.

2 AŋThɛsȧlonika 1:4

haŋ saŋ gbeŋ sə kori kori nu kətɔŋ ka ɛchɔch bɛ asabu ŋa kamuyu yi kȧlanɛ ka nu ka ɛsɔmpanɛ yi ɛthɔrɔnɛ bɛ ɛyɛ nə muyusnɛ.

Faylimɔn 1:7

kotȧy-e sə ba məbɔnɛ məbana dɛ yi kəbɛfəth asabu ŋa mabɔthər ma mu, pəkasifɛ mə po bȧkəs tabuth ta aŋfəm ŋa Yisɔs, ɔwɔnt mi.

Yeməs 1:2

Aŋwɔnt a mi, ba ti nu məbɔnɛ bepi ɛmɛm ɛgbanthɛ tətəp ɛ bəp nu,