2 AŋKɔrenth 7:11 - Ȧŋlemrȧnɛ Ȧfu

¹¹ Kotȧy-e kəli atȧy gbeŋ ȧtesom a yɔ nu nə saŋ ȧmɔl mɔ pə thesanɛ Kuru, ko ȧsoli abana ŋaŋ aŋ yi rokor ka nu-e, əŋko, ko agbȧkȧnɛ ŋaŋ-e, əŋko, ko məbaŋ maŋ-e, əŋko, ko kənesa kaŋ-e, əŋko, ko kəbosinɛ kaŋ-e, əŋko, ko kəyenkəs kaŋ-e, əŋko, ko akalɔ ŋaŋ-e.

2 AŋKɔrenth 7:11 ပူးပေါင်းရင်းမြစ်များ

Mark 3:5

Pə yi kɔ ɔnɔsinɛ ma ɔ nənk aŋ gbolŋas tabuth taŋ, kɔ kəli ŋa yi məbaŋ, kɔ pa ka ɔlaŋgba, Thanthi kȧta ka mu. Kɔ thanthi ki ka kȧta kɔŋ kə yeŋk.

Yɔn 2:17

Aŋkarande ŋɔŋ aŋ kala ȧmerȧ ta ȧtȧ a po gbal kəpa, Aŋfela ŋa ȧŋseth a mu aŋ tə bȧk mi.

Mȧyɔs ma aŋsom 17:16

Ɔwa ma Pɔlȧŋ ɔ kar ŋa ro Athɛns-e, ȧŋmerȧ ŋɔŋ aŋ sɔmpa kɔ ma ɔ nənk kȧpet kə la yɛt ɛpathəs.

AŋRomans 11:20

Tɛntɛnɛ, kɛrɛ a sim ŋa pəkasifɛ aŋ lanɛ hɛ, ɔwa munɔ mə təmȧ gbo salata kȧlanɛ ka mu. Te ŋatanɛ rə amera-e, kɛrɛ nesa;

AŋRomans 14:18

Pəkasifɛ kɔn ɔwe mə bȧtho Krayst yaŋ-e, ɔ thesis ȧŋmerȧ ŋa Kuru, dɛ yi afəm sɔ.

AŋRomans 3:5

Kɛrɛ bepi makənə ma su mə yɔ mȧlompi ma Kuru tə kəbar tɔri gbəraŋ-e, to mə sə gbəli pa-e? Sə gbəli pa Kuru ɔ yi hɛ ulompi ma ɔ thalər wuni-i? (I fɔf mɔ wuni kəpet).

1 AŋKɔrenth 12:25

kȧmȧ kəpɛnsanɛ kə te yi ka ȧŋdɛr, dɛ yi kȧmȧ ɔkin ɔ ba ananɛ ta ulɔm.

1 AŋKɔrenth 5:13

Kuru kɔnɔ mə rɔk ɛpa ya ante lanɛ. Tiyȧŋ wurɔ nu ɔwuni ləs kati kətɔŋ ka nu.

1 AŋKɔrenth 5:2

Halisa nə ŋata ɛmerȧ ɛ nu, be ta nə bok, kȧmȧ nə wurɔ ɔwe po yɔ ȧtȧy ȧte kətɔŋ kȧnu.

2 AŋKɔrenth 13:7

Ka sə ramnɛ Kuru kȧmȧ nə te yɔ tȧy o tȧy tələs; pə yi hɛ tə kətɔri hɔ sə yi afəm aŋa yi təteŋ, kɛrɛ kȧmȧ naŋ nə yɔ ȧtȧ yi təlompi, hali pə re bȧlȧnɛ mɔ saŋ sə yi hɛ təteŋ.

2 AŋKɔrenth 2:6

Ta ɔwuni wunɔŋ-e, kathalər ȧke agbȧthi aŋ sɔŋ kɔ-e, ta kə bek kɔ.

2 AŋKɔrenth 6:4

kɛrɛ ka mɔtai bɛ mɔ ɛbɔy ya Kuru sə mɛm tə kəkolonɛ ka kəmuyu kəbɔli, ka ɛsɔmpanɛ, ka amɔnɛ, ka kəkɛthanɛ,

2 AŋKɔrenth 7:1

Tiyȧŋ abɔthər, ma sə po ba ɛlahiri ɛye-e, maŋ gbəransnɛ nu kəwur ka məpulkɛ bɛ ma madɛr dɛ yi aŋyina, ɔwa sə gbenthis rəsəm ka ranes ra Kuru.

2 AŋKɔrenth 7:7

Pə yi hɛ ka kȧder kɔŋ son-e, pə yi sɔ ka kȧbɛfəth ȧke nə sɔŋ kɔ, ma ɔ tɔri su kabosinɛ ka nu, kȧbok ka nu, yi ɛmerȧ ɛ nu ɛyasyas ta ȧtȧ mi. Tiyȧŋ i bȧr sɔthɔ məbɔnɛ.

2 AŋKɔrenth 7:9

Ka-ake i ba məbɔnɛ, pə yi hɛ ma nə saŋ amɔl gbo-e, kɛrɛ pəkasifɛ nə saŋ amɔl kəkɔ ka kəthupi; ȧtesoma-e nə sɔŋ amɔl rə ɔnɔsinɛ wa antaŋ Kuru kəte ba ɔbaŋ dəbuth gbo kəwur do rɔsu rə tȧy o tȧy.

2 AŋKɔrenth 9:2

ȧtesoma-e i tȧrȧ kabɛnɛnɛ ka nu, ɔwa di kati i kolonɛ ta ȧtȧ nu ka aŋfəm ŋa ro Masidonia, kəpa ŋa ro Akaya aŋ yi thɔŋ abɛnɛnɛ kȧbi ka dendis. Ɔwa mayasyas ma nu mə poŋ gboŋkthis afəm agbȧthi.

AŋƐfisɔs 4:26

Bepi nə bansȧ-e, bumnɛ nu kȧmȧ nə te yɔ ahakɛ. Te nu selɔ aret rə wɔŋ ka rabaŋ da nu.

AŋƐfisɔs 5:11

Ɔwa te ba məmanɛ yi mȧyɔs ma ȧŋsum məkoŋfereŋ, kɛrɛ beta ti, ŋal ma nu.

AŋFilipai 2:12

Tiyȧŋ, ambɔthər a mi, mɔ mȧ nə poŋ thɔŋ sanɛ ȧrim lɔkɔ o lɔkɔ, pə yi hɛ gbo ma i yi kətɔŋ ka nu, kɛrɛ pə tha gbethi ka kate kȧmi bəpər, bȧsər kȧmȧ nə yɔ kakisi ka nu kə yi kəpons, rə rənes dɛ yi kəyɛr yɛr.

1 AŋThɛsȧlonika 4:6

Kama wuni o wuni ɔ te yɔ ɔwɔnt kɔŋ ɔləs rə tȧy o tȧy, pəkasifɛ ɔMarki ɔ yi ukala ka mȧtȧy ame bɛ, mɔ ma sə po maŋ nu rə kəbɔthi lanɛ.

1 Timɔthi 5:20

Ŋal ŋaŋ aŋa mə yɔ ɛhakɛ ka kȧbəprȧnɛ ka aŋfəm, kȧmȧ aŋlɔm aŋ nesa.

2 Timɔthi 2:15

Thəkəs tə kəthesis Kuru mɔ ȧbɔy ɔwe te ba kəlap, ɔwe mə gbay ȧsim ta təteŋ ɔlompi.

Taytɔs 3:8

Ȧrim are rə yi tȧteŋ, ɔwa i yema kȧmȧ mə thiŋkər mȧtȧy ame katkat kȧmȧ ŋaŋ aŋa po lanɛ Kuru-e aŋ gbəli yi afəm asɔbɛ tə kəyɔ məyɔs məfinɔ. Mȧtȧy ame mə yi məfinɔ, ɔwa mə mar sɔ afəm bɛ.

AŋHibru 4:1

Tiyȧŋ, ma sə ba ras aŋlahiri ŋa kəwɔŋ ka ɔfothanɛ wɔŋ-e, maŋ nesa nu ta thani ukin ka nu ɔ thȧpi kəsɔthɔ ri.

Yeməs 3:17

Kɛrɛ kȧtemp ka rəbaki ȧke wur rokɔm kətɔtɔkɔ bɛ kə yi kəfera, kədarəŋ kati kə yi kəthɔfəl, kərusəma finɔ, kətuy hɛ nɛmthɛnɛ, kəla ȧney, kəba məkomi məfinɔ, kəte ba agbȧy, kəte ba ayaŋfa.

1 Pitar 1:17

Ɔwa bepi nə tela ka ɔKas ɔwe thonkas mȧyɔs ma wuni o wuni kəte ba agbȧy-e, kɔth nu ȧŋbiyas a nu nɔru yi rənes.

1 Pitar 2:2

mɔ təlɛnth, fela nu ȧmȧsȧ mətəteŋ ma ȧrim ra Kuru, kȧmȧ ri kati-e, nə tɛŋa.

Yud 1:23

aŋlɔm nə kisis, nə tafi ŋa ka anant; ba ȧney ka aŋlɔm yi rənes, hali ma nə gbɛŋa ȧsuma tȧŋ ta ɛpɔra ȧtȧ ȧŋdɛr aŋ po nɔkɔs.

Kȧŋȧibinɛ 3:19

I ŋal ŋa bɛ aŋa i bɔthər, ɔwa i sirans ŋa sɔ; tiyȧŋ ta mə yi uyasyas, ɔwa thupi thɔŋ.