2 AŋKɔrenth 7:1 - Ȧŋlemrȧnɛ Ȧfu

¹ Tiyȧŋ abɔthər, ma sə po ba ɛlahiri ɛye-e, maŋ gbəransnɛ nu kəwur ka məpulkɛ bɛ ma madɛr dɛ yi aŋyina, ɔwa sə gbenthis rəsəm ka ranes ra Kuru.

2 AŋKɔrenth 7:1 ပူးပေါင်းရင်းမြစ်များ

Mathiu 12:33

Yɔ hɔ kȧmȧ aŋǝnt aŋ thesa, yi mȧkomi mati mǝ thesa, thalɔm yɔ aŋǝnt aŋ lǝsǝ yi mȧkomi mati mǝ lǝsǝ; kotȧy-e a tȧrȧ aŋǝnt ka mȧkomi mati.

Mathiu 5:48

Tiyȧŋ yi nu agbenthis mɔ mǝ ɔKas ka nu ɔwe yi ro riyana ɔ yi ugbenthis.

Mathiu 5:8

Aruba ŋaŋ aŋa ba ɛmerȧ ɛfera, kotȧy-e aŋ ba kǝnǝŋk Kuru.

Mȧyɔs ma aŋsom 9:31

Ka aŋchɔch ro Yudia, ro Kalili yi ro Samaria aŋ ba məthɔfəl, ɔwa aŋ sɔthɔ kəbaksər. Ɔwa maŋ kɔth ka ranes ra ɔMarki yi ka kȧbɛfəth ka ɔYina məsəm-e, aŋ bȧrnɛ.

AŋRomans 5:20

A wɔŋ ȧŋthɔ kȧmȧ ahakɛ aŋ bȧrnɛ. Kɛrɛ ro ahakɛ aŋ bȧrnɛ, aboŋa aŋ bȧr gbo bȧrnɛ;

1 AŋKɔrenth 6:20

kotȧy-e a po wai nu mɔlɔ məbaki. Tiyȧŋ yikis Kuru ka madɛr ma nu.

2 AŋKɔrenth 1:20

kotȧy-e ɛlahiri ya Kuru bɛ ɛ yi Yao do rɔŋɔŋ, dɛ yi Amina do rɔŋɔŋ, kəkɔ ka aŋyiki ŋa Kuru kətȧŋȧnɛ kȧsu.

AŋƐfisɔs 2:3

Saŋ sɔ sə la yirȧ kətɔŋ ka ŋaŋ ka maləs ma madɛr ma su, rə kətaŋ gbo mafela ma madɛr dɛ yi ɛnanɛ yati; pəkasifɛ kətȧŋȧnɛ ka kakom kȧsu sə yi saŋ aŋwuth ŋa rəbaŋ, mɔ afəm alɔm bɛ.

1 AŋThɛsȧlonika 3:13

Kama ɔ bȧksər ɛmerȧ ɛ nu kəte ba məthɛkɛ ka rȧsəm rodi ka Kuru ɔKas kȧsu, ka kȧder ka ɔMarki kȧsu Yisɔs Krayst dɛ yi aŋfəm ŋɔŋ asəm bɛ.

1 AŋThɛsȧlonika 4:7

kotȧy-e Kuru ɔ tela hɛ su salata mənɔkɔ, kɛrɛ ta rəsəm.

1 AŋThɛsȧlonika 5:23

Kaŋka ɔKuru ka məthɔfəl gbeŋ ɔ səməs nu ɔlolok; aŋko, ɔ bɛnɛ ɛyina, yi ɛŋesəm, dɛ yi madɛr ma nu ɛgbenthis, kəte ba məthɛkɛ haŋ kȧder ka ɔMarki kȧsu Yisɔs Krayst.

AŋHibru 12:23

dɛ yi ka aŋgbanɛ ŋa aŋchɔch, pə yi mɔ aŋwuth ȧtɔtɔkɔ ŋa Krayst aŋa ba mes məgbal ro riyana, dɛ yi ka Kuru ɔthoŋkas kȧsu bɛ, dɛ yi sɔ aŋyina ŋa aŋlompi aŋa poŋ yi agbenthis;

AŋHibru 12:28

Tiyȧŋ ma sə sɔthɔ rȧbȧy ara mə a te gbəli yinktha-e, maŋ sɔŋ nu mɔmɔ kȧmȧ sə yɔna Kuru məpanth məbeki rə kəbȧtho dɛ yi rənes.

AŋHibru 4:1

Tiyȧŋ, ma sə ba ras aŋlahiri ŋa kəwɔŋ ka ɔfothanɛ wɔŋ-e, maŋ nesa nu ta thani ukin ka nu ɔ thȧpi kəsɔthɔ ri.

AŋHibru 6:9

Kɛrɛ, abɔthər, hali ma sə fɔf yaŋ-e, sə ba ananɛ afisa ta ȧtȧ nu, pə yi mɔ ananɛ ta mȧtȧy ama mə kɔ ka kakisi ka nu.

Yeməs 4:8

Fȧtər Kuru, ɔwa ɔ tə fatər nu, gbərans mȧta ma nu naŋ afəm ŋa ahakɛ; fethər ɛmerȧ ɛ nu naŋ aŋa ba ɛmerȧ ɛfəlɛ fəlɛ.

1 Pitar 1:15

Kɛrɛ mɔ kɔn ɔwe tela nu ɔ yi usəm-e, naŋ sɔ nə yi tə kəyi asəm ka mayi ma nu bɛ;

1 Pitar 1:17

Ɔwa bepi nə tela ka ɔKas ɔwe thonkas mȧyɔs ma wuni o wuni kəte ba agbȧy-e, kɔth nu ȧŋbiyas a nu nɔru yi rənes.

1 Pitar 1:22

Ɔwa ma nə poŋ thɔŋ gbəransnɛ rə kəsanɛ ka tȧteŋ kəkɔ rə məbɔthər məgbenthis mȧ rȧwɔnt, kətȧŋ ka ɔYina məsəm, kəli nu kȧmȧ nə bɔthərȧnɛ asɔbɛ rə ȧmerȧ ȧferȧ,

1 Pitar 2:11

Na abɔthər, i nɛmthɛnɛ nu-e, mɔ atik dɛ yi mɔ afəm ŋa ȧbiyas, gbapɛ nu ɛmilɛ ya madɛr ɛyɛ mə tim kəŋamnɛ rafəm.

1 Pitar 5:10

Kɛrɛ ɔKuru ka aboŋa bɛ, ɔwe po tela su tə kəwɔŋ ka aŋyiki ŋɔŋ athəbana-e, kətaŋ ka Krayst Yisɔsȧŋ, ma nə po nakasi ɔthan-e, kɔn kɔnɔnɛ ɔ tə gbenthis nu, ɔ tə bȧksər nu, ɔ tə lompəs nu.

1 Yɔn 1:7

kɛrɛ bepi sə kɔth ka ȧŋmothȧ mɔ kɔnɔ ɔ yi ka ȧŋmothȧ sə ba məmanɛ ukin yi ulɔm, ɔwa mȧtir ma Yisɔs ɔWan kɔŋ mə gbərans su kəwur ka ɛhakɛ bɛ.

1 Yɔn 1:9

Bepi sə gbithanɛ ɛhakɛ ɛ su, ɔ yi ubɔthi lanɛ dɛ ɔ yi ulompi tə kətera ɛhakɛ ɛ su, yi tə kəfethər su kəwur ka məkənə bɛ.

1 Yɔn 3:3

Ɔwa wuni o wuni ɔwe ba kabot ȧmerȧ ake ɔ tə gbəransnɛ, mɔ mə Krayst ɔ yi ugbəraŋ.