2 AŋKɔrenth 6:3 - Ȧŋlemrȧnɛ Ȧfu

³ Sə yɔ hɛ tȧy o tȧy ȧtȧ mə yɔ wuni ɔ pənthbəla, kȧmȧ a te thɛkɛ kayɔna kȧsu;

2 AŋKɔrenth 6:3 ပူးပေါင်းရင်းမြစ်များ

Mathiu 17:27

Kɛrɛ kȧmȧ sǝ te yɔ ŋa aŋ pǝnthbǝla-e, kɔnɛ ro baŋ mǝ fitha anǝmp, liŋ kalop ɔwe mɔtha der. Ma mǝ po kanthi kasǝŋ kɔŋ-e mǝ tǝ fir ri akala. Gbasi ŋi ɔwa sɔŋ ŋa ta ȧtȧ mi yi ta ȧtȧ mu.

Mathiu 18:6

Kɛrɛ bepi wuni o wuni ɔ yɔ ukin ka aŋlɔl aŋe aŋa lanɛ mi ɔ pǝnthbǝla-e, pǝ tǝ yi kɔ fisa bepi a gbak kɔ ȧsar ȧgbɔlȧ ȧbana ka kalim kɔŋ, a mɔtas kɔ ka ɔbɔlɔŋ wa kȧbȧŋ.

Mȧyɔs ma aŋsom 19:27

Tiyȧŋ pə yi hɛ gbo mapanth ma su son ama wɔŋ məlap, kɛrɛ a tə səki ȧŋseth ŋa ɔkuru ubɛra ubana Dayanaŋ, ȧyay ɔwa pə won hɛ a tə thora kɔ ka aŋyiki ŋɔŋ, kɔnɔ ɔwe ŋa bɛ ro Asia yi ȧdȧru məaŋ bȧtho.

AŋRomans 14:13

Tiyȧŋ maŋ te nu thoŋkasanɛ, kɛrɛ maŋ botnɛ ti rə ȧmerȧ kȧmȧ wuni o wuni ɔ te bot da rəpəth ka aroŋ da ɔwɔnt kɔŋ thalɔm tȧy ȧtȧ mə yɔ ɔ pənthbəla.

1 AŋKɔrenth 9:12

Bepi akarmɔkɔ alɔm aŋ ba mamari ame rokɔm ka nu-e, saŋ sə thas hɛ ŋa-i? Kɛrɛ sə kianɛ hɛ mamari mati. Sə muyu mȧtȧy bɛ kȧmȧ sə te bɛnt mapa məfinɔ ma Krayst.

1 AŋKɔrenth 9:22

Ka aŋyay i səkɛ uyay kȧmȧ i sɔthɔ aŋyay. I po səkɛ mȧtȧy bɛ salata afəm bɛ kȧmȧ rə roŋ o roŋ i gbəli kisis alɔm.

2 AŋKɔrenth 1:12

Kakolonɛ kȧsu ki ake, pə yi mɔ-e, aseri ŋa ɛmerȧ ɛ su-e, kəpa rə məsəm yi tȧteŋ rodi ka Kuru, pə yi hɛ rə kȧtemp ka rawuni kəpet kɛrɛ ka ȧŋboŋa ŋa Kuru, sə po kɔth ka ȧdȧru, ɔwa pə tha gbethi ro rɔnu.

2 AŋKɔrenth 8:20

Ɔwa sə thaŋka ȧte, kȧmȧ wuni o wuni ɔ tə thɛkɛ su ka ȧŋpa ŋa ȧŋboya abana aŋe aŋa sə kɔ sɔŋ;