2 AŋKɔrenth 6:16 - Ȧŋlemrȧnɛ Ȧfu

¹⁶ Ta a pa ras ko asekəranɛ ȧŋseth ŋa Kuru aŋ ba yi ɛyɛt ɛrɔŋ-e? Kotȧy-e saŋ sə yi ȧŋseth ŋa ɔKuru ukəli, mɔ mə Kuru ɔ pa, I ti yirȧ kətɔŋ ka ŋaŋ, ɔwa i ti kɔth kətɔŋ ka ŋaŋ; ɔwa i ti yi ɔKuru ka ŋaŋ, dɛ yi ŋaŋ aŋ tə yi aŋfəm a mi.

2 AŋKɔrenth 6:16 ပူးပေါင်းရင်းမြစ်များ

Mathiu 16:16

Ka Saymɔn Pitarȧŋ ɔ lasi, ɔ pa, Munɔ yi ɔKrayst, ɔWan ka ɔKuru ukǝli.

Mathiu 6:24

Wuni o wuni ɔ gbǝli hɛ bȧtho amarki ŋarǝŋ, kotȧy-e ɔ tǝ gbɛŋa ɔkin ɔwa ɔ tǝ bɔthǝr ɔlɔm; thalɔm ɔ tǝ gbapsa ɔkin, ɔwa ɔ tǝ sai ɔlɔm. Nǝ gbǝli hɛ bȧtho Kuru dɛ yi mǝbɔŋɔ.

Luk 5:36

Ɔwa ɔ tɔri ŋa sɔ alomɔ, kɔ pa, Wuni ɔ gbari hɛ ka ruma rəfu tə kəgbȧp arombo ka ruma rəkur; bepi ɔ yɔ yi-e, ɔ gbari gbo rafu, ɔwa arombo afu aŋ mar hɛ aruma rəkur.

Yɔn 14:23

Yisɔsȧŋ ɔ pa ro ŋɔŋ, Bepi wuni ɔ bɔthər mi-e, ɔ tə wop ȧrim ra mi: ɔwa ɔKas kȧmi ɔ tə bɔthər kɔ, ɔwa sə tə der ro ŋɔŋ, sə tə yianɛ ro ŋɔŋ.

Yɔn 6:56

Ɔwe mə di aŋdɛr a mi, ɔwa ɔwe mə mun mȧtir ma mi, ɔ tiyȧ rokor kȧmi, ɔwa minɛŋ i ti tiyȧ rokor kɔŋ.

AŋRomans 8:11

Bepi ɔYina ka kɔn ɔwe yokas Yisɔs kətɔŋ ka aŋfi ɔ yi rokor ka nu-e, kɔn ɔwe yɔ Yisɔsȧŋ ɔ kȧl yokanɛ ka rəfi ɔ tə sɔŋ aŋesəm ka madɛr ma nu salata ɔYina kɔŋ ɔwe yi rokor ka nu.

AŋRomans 8:9

Kɛrɛ naŋ, nə yi hɛ ka madɛr-e, nə yi ka ɔYina məsəm, bepi pə yi ɔYina məsəm ka Kuru a yi nu rokor. Ɔwa bepi wuni o wuni ɔ ba hɛ ɔYina ka Kraystȧŋ ɔ yi hɛ ukɔŋ.

AŋRomans 9:26

Ɔwa ka ɔdɛr ro a la pa ro rɔŋaŋ, Nə yi hɛ aŋfəm a mi, Ri gbeŋ a tə bont ŋa aŋwuth ŋa ɔKuru ukəli.

1 AŋKɔrenth 10:21

Nə gbəli hɛ mun ka ampɔthi ŋa ɔMarki yi ka ampɔthi ŋa akərəfi aləs; nə gbəli hɛ di ka ȧŋthebul ŋa ɔMarki, dɛ yi ka ȧŋthebul ŋa akərəfi yawin-əŋ.

1 AŋKɔrenth 6:19

Naŋ nə tɛ hɛ kəpa madɛr ma nu mə yi ȧŋseth ŋa ɔYina məsəm ɔwe yi nu rokor, ɔwe Kuru ɔ sɔŋ nu-i? Ɔwa naŋ tha banɛ-e,

AŋƐfisɔs 2:20

Ka a təmər nu rokɔm ka ɔtəmər wa aŋsom dɛ yi Aŋnȧbi, ɔwa Yisɔs Krayst kɔn kɔnɔnɛ ɔ yi aŋsar ȧtɔtɔkɔ ŋa ȧŋkoŋ;

AŋƐfisɔs 2:22

Kətȧŋ do rɔŋɔŋ naŋ sɔ a kȧl seth nu dɛr ɔkin kȧmȧ nə yi dɛr ɔyiya wa ȧŋyina ŋa Kuru.

AŋƐfisɔs 3:17

kȧmȧ Krayst ɔ gbəli yirȧ ka ɛmerȧ ɛ nu ka kəlanɛ; kȧmȧ pə yi ma nə ba ɛthəŋk yi ɔtəmər ka məbɔthər-e,

1 Timɔthi 3:15

Kɛrɛ bepi tȧy o tȧy tə kali kali mi-e, i yema kȧmȧ mə gbəli tȧrȧ to mə ba naŋ tə kəkɔth kətɔŋ ka kabɔr ka Kuru, pə yi mɔ-e, aŋchɔch ŋa ɔKuru ukəli aŋa yi mȧkər yi ɔtəmər wa tȧteŋ.

2 Timɔthi 1:14

Bɛnɛ arəka rəfinɔ ara a maŋkər mu ka ɔYina məsəm, ɔwe yirȧ ka ɛmerȧ ɛ su.

AŋHibru 3:6

kɛrɛ Krayst ɔ yi ubɔthi lanɛ ka ȧŋseth ŋa Kuru mɔ uwan. Ɔwa saŋ sə yi ȧŋseth ŋɔŋ, bepi sə wop kapələnɛ dɛ yi mabɔnɛ ma kagbak ȧmerȧ kȧsu ɔbaksər haŋ ka ɔləpsɔ.

AŋHibru 8:10

Kɛrɛ aŋlemranɛ ŋi aŋe aŋa mɛ re sek yi rȧkomra ra Isrɛl, Kədarəŋ ka marey mati, ɔMarki ɔ pa. I ti bot ɛthɔ ɛ mi ka ɛnanɛ yaŋ, I ti gbal yi ka ɛmerȧ yaŋ. Ɔwa i ti yi ɔKuru ka ŋaŋ, ɔwa ŋaŋ aŋ tə yi aŋfəm a mi.

Yeməs 4:5

Nə nanɛ kəpa mȧgbal məsəm mə pa kətiŋ-i, ƆYina məsəm ɔwe yi su rokor ɔ kəlianɛ su dɛ yi kətut kəbaŋ-i?

1 Pitar 2:5

Ɔwa naŋ gbeŋ mɔ məsar məkəli, a kianɛ nu tə kəseth aseth ŋa ɔYina, tə kəyi rəfode rəsəm, kȧmȧ nə wurɔ sathka təsəm ȧtȧ Kuru mɔ malanɛ kətaŋ ka Yisɔs Kraystȧŋ.

1 Yɔn 4:12

Wuni o wuni ɔ tha nənk hɛ Kuru hali. Bepi sə bɔthərȧnɛ, Kuru ɔ tiyȧ ro su, yi mabɔthər mɔŋ mə gbenthis ro su.

1 Yɔn 4:15

Wuni o wuni ɔwe mə gbithanɛ kəpa Yisɔs ɔ yi ɔWan ka Kuru, Kuru ɔ tiyȧ ro ŋɔŋ, ɔwa kɔn ɔ tiyȧ ka Kuru.

Kȧŋȧibinɛ 2:1

Gbal ka ɔkəlianɛ ka aŋchɔch ŋa ro Ɛfisɔs kəpa ye, Kɔn ɔwe wop atɔs tȧmthədɛrəŋ ka kȧta kɔŋ kədiyɔ, ɔwe kɔth kətɔŋ ka tamulɛ ta məbɔŋɔ tamthədɛrəŋ-e, ɔ pa hɔ,

Kȧŋȧibinɛ 21:3

Ka i təlȧ sɔ rim rəbana ara wur ka kawaŋ ka rȧbȧy, rə pa, Kəla, ɔyirȧ wa Kuru ɔ yi rɛ afəm a kəpet, ɔwa ɔ tə yirȧ kətɔŋ ka ŋaŋ-e, ɔwa aŋ tə yi aŋfəm ŋɔŋ, ka Kuru kɔn kɔnɔnɛ ɔ tə yi rɛ ŋaŋ, ɔwa ɔ tə yi ɔKuru ka ŋaŋ gbeŋ.

Kȧŋȧibinɛ 21:7

Ɔwe tham ɔ tə sɔthɔ mȧtȧy ame bɛ kəŋ. Ɔwa minɛŋ i ti yi ɔKuru kɔŋ-e, ɔwa kɔnɔ ɔ tə yi ɔwan kȧmi.