2 AŋKɔrenth 6:10 - Ȧŋlemrȧnɛ Ȧfu

¹⁰ mɔ mə sə saŋ ɛmɔl-e, kɛrɛ sə sel məbɔnɛ; mɔ amɔnɛ, kɛrɛ sə naŋfas afəm agbȧthi; mɔ mə sə te ba koko-e, kɛrɛ sə sɔthɔ mȧtȧy bɛ.

2 AŋKɔrenth 6:10 ပူးပေါင်းရင်းမြစ်များ

Mathiu 5:12

Sel nu mǝbɔnɛ, ta pǝ bɔnɛ nu ɔthasǝr, kotȧy-e ȧŋram a nu aŋ yi ȧbana ro riyana; ȧtesoma-e ya a sɔmpa aŋnabi aŋa yi thǝpaŋ.

Mathiu 5:4

Aruba ŋaŋ aŋa saŋ amɔl, kotȧy-e a ba kǝthɔnthɔ ŋa.

Luk 6:21

Naŋ aŋa yi ador ka-ake nə ba aruba, kotȧy-e nə ba kənamra. Naŋ aŋa kulɔ ka-ake nə ba aruba, kotȧy-e nə ba kəsel.

Yɔn 16:22

Tiyȧŋ naŋ nə ba ɔnɔsinɛ ka-ake; kɛrɛ i ti kȧl sɔ nənk nu, ɔwa ɛmerȧ ɛ nu ɛ tə yasanɛ yi məbɔnɛ, ɔwa wuni o wuni ɔ gbəli hɛ nɔy mabɔnɛ ma nu.

Mȧyɔs ma aŋsom 16:25

Kɛrɛ mɔlɔ ma kəren datɔŋ Pɔl yi Sailas aŋ ramnɛ aŋ lensir Kuru rə məleŋ, ɔwa antɛndɛbira aŋ təlȧ ŋa.

Mȧyɔs ma aŋsom 3:6

Kɛrɛ Pitaŋ ɔ pa, Akala ȧferȧ yi abɔŋɔ i ba hɛ, kɛrɛ ara i ba i ti sɔŋ mu ri. Ka ȧŋes ŋa Yisɔs Krayst ɔwe ro Nasarɛth, kɔth.

Mȧyɔs ma aŋsom 5:41

Tiyȧŋ aŋ wur rodi ka aŋSanhedrin, aŋ sel məbɔnɛ ta ma a lɔm ŋa abeki tə kəsɔthɔ məlap ta ȧŋes.

AŋRomans 11:12

Ɔwa bepi kabunɛ ka ŋaŋ kə sɔŋ rəyola ka ȧdȧru-e yi kagbənkɛ ka ŋaŋ kə yi kabarnɛ ka tȧbona təlɔm-e, pə tha gbethi kəkalɔ ka ŋaŋ kə tə ba ɔfinɔ ɔthasər.

AŋRomans 12:15

Sel nu məbɔnɛ yi ŋaŋ aŋa mə sel məbɔnɛ, ɔwa bok dɛ yi ŋaŋ aŋa mə bok.

AŋRomans 15:13

Kaŋka ɔKuru ka kəgbak ȧmerȧ ɔ lasər nu rə məbɔnɛ yi məthɔfəl salata kȧlanɛ, kȧmȧ mə gbəli la yi kəgbak ȧmerȧ ka aŋfɔsɔ ŋa ɔYina məsəm.

AŋRomans 8:32

Bepi Kuru ɔ pɛnsa hɛ tə kəsɔnd ɔWan kɔŋ ta ȧtȧ su-e, ɔ gbəli hɛ sɔ selɔ tə kəsɔŋ su mȧtȧy bɛ yi kɔn-i?

AŋRomans 9:2

kəpa i ba ɔnɔsinɛ yi ɔbaŋ ɔbana ka ȧŋmerȧ a mi lɔkɔ o lɔkɔ.

1 AŋKɔrenth 1:5

tə kəyi nə po sɔthɔ rəyola kəwur do rɔŋɔŋ rə sim yi kətara tȧy bɛ.

2 AŋKɔrenth 2:4

kotȧy-e i gbalər nu rə kəsɔmpanɛ kəbana yi asoli rə ȧmerȧ dɛ yi mantər məgbathi; pə yi hɛ tə kəyɔ nu nə nimsa-e, kɛrɛ kȧmȧ nə gbəli tȧrȧ mabɔthər məbana ama i ba ta ȧtȧ nu.

2 AŋKɔrenth 4:15

kotȧy-e mȧtȧy bɛ mə yi ta salata nu, kȧmȧ mɔ mə ȧŋboŋa aŋ bȧr gbo bek ka afəm agbȧthi-e, kamuti mɔmɔ kə tə bȧrnɛ sɔ salata aŋyiki ŋa Kuru.

2 AŋKɔrenth 4:7

Kɛrɛ sə bɛnɛ akɛŋ ake ka ɛbɔl ya ɛyɔftha ɛyɛ yi madɛr ma su, kȧmȧ aŋyiki ŋa aŋfɔsɔ abana aŋ gbəli yi ka Kuru son, aŋ wur hɛ do rɔsu hali.

2 AŋKɔrenth 8:9

kotȧy-e nə tȧrȧ ȧŋboŋa ŋa ɔMarki kȧsu Yisɔs Kraystȧŋ, kəpa hali ma ɔ yi uyola-e, salata nu ɔ səkɛ umɔnɛ, kȧmȧ naŋ kətaŋ ka amɔnɛ mɔŋ-e, nə gbəli səkɛ ayola.

AŋƐfisɔs 3:16

kȧmȧ ɔ yɔ nu kətȧŋȧnɛ ka ɔlasər wa aŋyiki ŋɔŋ, kȧmȧ nə bȧksər rə aŋfɔsɔ ŋa ɔYina ŋɔŋ ka rafəm ra nu;

AŋƐfisɔs 3:8

Do rɔmi-e, ɔwe yi uyay thɔŋ bɛ ka aŋsəm-e, a maŋkər ȧŋboŋa aŋe kȧmȧ i kawandi ka tȧbona təlɔm rayola rəninis ra Krayst,

AŋFilipai 2:17

Yao, hali i yi sathka ta kȧlanɛ ka nu, i ba ti məbɔnɛ, ka i yasanɛ rɛ məbɔnɛ dɛ yi nia bɛ.

AŋFilipai 4:4

Ba nu məbɔnɛ ka ɔMarki lɔkɔ o lɔkɔ; ɔwa i kȧl pa yi sɔ, ba nu məbɔnɛ.

AŋKɔlɔsi 1:24

Ka-ake i ba məbɔnɛ asabu ŋa ɛsɔmpanɛ ɛ mi ta ȧtȧ nu, ka i lasər ȧŋsɔmpanɛŋ ŋa Krayst ka ȧŋdɛr a mi salata ȧŋdɛr ŋɔŋ, pə yi mɔ-e, aŋchɔch.

AŋKɔlɔsi 3:16

Yɔ nu kȧmȧ ȧrim ra Krayst rə bȧkər ka ɛmerȧ ɛ nu, mɔ rəka rəkɛŋ. Thəksanɛ nu, ɔwa maŋanɛ nu ka ȧŋSams yi məleŋ ma ro Yina məgbaskɛ gbaskɛ, ɔwa lensir nu ɔMarki rə aboŋa ka ɛmerȧ ɛ nu.

1 AŋThɛsȧlonika 1:6

Ɔwa nə təp kəsanɛ su dɛ yi ɔMarki, ma nə po malanɛ ȧrim ra ȧkɛra rə asɔmpanɛ ȧbana, rɛ mabɔnɛ ma ɔYina məsəm;

1 AŋThɛsȧlonika 5:16

Ba nu məbɔnɛ lɔkɔ o lɔkɔ.

1 Timɔthi 4:8

kotȧy-e kȧthanthəsnɛ ka mədɛr kə naŋfas ɔthan gbo, kɛrɛ marusəmnɛ ame ka Kuru Məsaba-e mə mar rə tȧy o tȧy, ma pə yi mə ba alahiri ŋa aŋesəm ŋa ka-ake, dɛ yi ŋa aŋa mə der.

1 Timɔthi 6:18

Maŋ ŋa kȧmȧ aŋ yɔ təfinɔ, dɛ yi kȧmȧ aŋ yi ayola ka mȧyɔs məfinɔ dɛ yi tɛmp tɛmp tə kəsɔŋ ɛboya.

AŋHibru 10:34

Ȧtesoma-e nə ba ȧney ka atɛndɛbira, ɔwa nə kȧl selɔ rə məbɔnɛ ma a luk ɛyɛt ɛ nu, kȧbi nə tȧrȧ kəpa nə ba kɛŋ kəfisa ȧke ba kətia thȧnkȧŋ.

Yeməs 2:5

Su aləns aŋwɔnt a mi abɔthər, ŋaŋ aŋa ȧdȧru rə bont amɔnɛ-e, Kuru ɔ thith hɛ ŋa tə kəyi ayola ka kȧlanɛ-i, yi tə kəsɔthɔ rȧbȧy ara ɔ po lahiri ŋaŋ aŋa bɔthər kɔ-i?

1 Pitar 4:13

Kɛrɛ ba ti məbɔnɛ ma nə ba ȧgbȧp ka ȧŋnȧkȧsi ŋa Krayst, kȧmȧ ma aŋyiki ŋɔŋ aŋ ŋaibinɛ-e, nə tə yasanɛ yi məbɔnɛ məbana.

Kȧŋȧibinɛ 2:9

I tȧrȧ ansɔmpanɛ yi ȧŋmɔnɛ ma mu, (kɛrɛ mun yola). I tȧrȧ sɔ kafɔf kələs ka ŋaŋ aŋa pa hɔ aŋ yi aYuda, kɛrɛ aŋ yi hɛ, aŋ yi gbo ka ȧŋseth agbanɛ ŋa Sethani.

Kȧŋȧibinɛ 21:7

Ɔwe tham ɔ tə sɔthɔ mȧtȧy ame bɛ kəŋ. Ɔwa minɛŋ i ti yi ɔKuru kɔŋ-e, ɔwa kɔnɔ ɔ tə yi ɔwan kȧmi.