2 AŋKɔrenth 6:1 - Ȧŋlemrȧnɛ Ȧfu

¹ Ɔwa ma sə pantnɛ yi kɔn ka mȧpanth-e, sə nɛmthɛnɛ nu kȧmȧ nə te sɔthɔ ȧŋboŋa ŋa Kuru kətiŋ.

2 AŋKɔrenth 6:1 ပူးပေါင်းရင်းမြစ်များ

Mathiu 23:37

O Yerusalɛm, Yerusalɛm, munɔ mǝ difǝth aŋnabi, ɔwa mǝ lǝmǝs ŋa mǝsar aŋa a som ro mu, amɔlɔ ɛlɔkɔ naŋ i fela tǝ kǝthoŋkla aŋwuth a mu dɛr rɔkin, mɔ kȧbɛt mɔ thonkla aŋwuth ŋɔŋ ka ɛkufna yɔŋ ratha, kɛrɛ mǝ selɔ hɛ.

Mȧyɔs ma aŋsom 11:23

Ɔwa kɔnɔ ma ɔ bek-e, ɔwa ɔ nənk ȧŋboŋa ŋa Kuru-e, pə bɔnɛ kɔ. Kɔ maŋ ŋa bɛ tə kəgbȧpsȧ ɔMarki rə məbotəs ma ȧmerȧ.

Mȧyɔs ma aŋsom 14:3

Tiyȧŋ Pɔlȧŋ yi Banabasȧŋ aŋ wɔŋ ri, aŋ fɔf yi kəmintha ta ɔMarki ɔwe sɔŋ məseri ta ȧrim ra ȧŋboŋa ŋɔŋ, ɔ yɔ ɛmisali yi mȧtȧy məkabanɛ mə yɔnɛ ka mȧta maŋ.

AŋRomans 12:1

Tiyȧŋ i nɛmthɛnɛ nu, aŋwɔnt mi, ka ȧŋney ŋa Kuru kȧmȧ nə sɔnd madɛr ma nu mɔ sathka təkəli, təsəm dɛ yi təbeki ta Kurɔŋ; tə yi kabȧtho ka nu kəlompi.

1 AŋKɔrenth 3:9

kotȧy-e, saŋ sə yi ayɔ məpanth rɔkin yi Kuru. Naŋ nə yi akɔr ka Kuru, nə yi ȧŋseth ŋa Kuru.

2 AŋKɔrenth 10:1

Ɔwa minɛ Pɔl, i nɛmthɛnɛ nu ka kathoranɛ yi mathɔfəl ma Krayst, minɛ ɔwe yi uthoranɛ ka kȧbəprȧnɛ ka nu, kɛrɛ ma i te bəpər i fɔfȧnɛ nu rə kəmintha.

AŋKȧletia 2:21

I yɔ hɛ kȧmȧ ȧŋboŋa ŋa Kuru aŋ yi kətiŋ, kotȧy-e bepi mȧlompi ma yi ka anthɔ-e, Krayst ɔ po fi fu fa fu.

AŋKȧletia 3:4

Nə po sɔmpanɛ mȧtȧy məgbȧthi kətiŋ gbo-i, bepi pə yi kətiŋ tə tɛntɛnɛ-i?

1 AŋThɛsȧlonika 3:5

Te ba ti sɔ-e, ma i te sɔ gbəli muyu-e, i som kȧmȧ i gbəli tȧrȧ ta kȧlanɛ ka nu, ta thani rə roŋ o roŋ ɔgbɔns ɔ gbɔns nu haŋ pə yi mapanth ma su mə tiyȧ fu.

Taytɔs 2:11

kotȧy-e ȧŋboŋa ŋa Kuru aŋ ŋaibinɛ salata kakisi ka afəm bɛ,

AŋHibru 12:15

Kəli nu finɔ kȧmȧ wuni o wuni ɔ te bun ȧŋboŋa ŋa Kuru; ta thani rəka rəroŋkəth rə te lɔkɔ kətɔŋ ka nu-e, tə kəkɛthas nu, haŋ agbȧthi aŋ nɔkɔsnɛ.

AŋHibru 12:25

Bumnɛ nu kȧmȧ nə te pɛnsa ɔwe mə fɔf. Kotȧy-e bepi aŋbȧki a su aŋ pamp hɛ kəwur ka anthalər maŋ pɛnsa kɔn ɔwe fɔf nɔru-e, to saŋ mə sə gbəli kisi bepi sə su hɛ kɔ ɛləns ɔwe fɔf kəwur ro riyana-e?

AŋHibru 4:1

Tiyȧŋ, ma sə ba ras aŋlahiri ŋa kəwɔŋ ka ɔfothanɛ wɔŋ-e, maŋ nesa nu ta thani ukin ka nu ɔ thȧpi kəsɔthɔ ri.

1 Pitar 4:10

mɔ mə wuni o wuni ɔ po sɔthɔ ȧŋboya, ya nə yi tə kəkiyanɛ ŋi rə kəmar ukin dɛ yi ulɔm mɔ ȧbɔy ufinɔ ŋa ȧŋboŋa ŋa Kuru.