2 AŋKɔrenth 5:9 - Ȧŋlemrȧnɛ Ȧfu

⁹ Tiyȧŋ sə timnɛ kȧmȧ pə yi hali sə bəpər thalɔm sə te bəpər, sə gbəli bɔnɛs kɔ.

2 AŋKɔrenth 5:9 ပူးပေါင်းရင်းမြစ်များ

Yɔn 6:27

Te thɔrɔ ta adarədi ara mə dinɛ, kɛrɛ thɔrɔ ta ȧdarədi ara mə tiyȧ haŋ ka aŋesəm thəbana, ara ɔWan ka wuni ɔ tə sɔŋ nu: kotȧy-e kɔnɔ Kuru ɔKas ɔ po mathlɛ.

Mȧyɔs ma aŋsom 10:35

kɛrɛ rə abona o bona aŋa mə nesa kɔ, ɔwa aŋa mə yɔ ɔlompi, ɔ tə malanɛ ŋa.

AŋRomans 14:18

Pəkasifɛ kɔn ɔwe mə bȧtho Krayst yaŋ-e, ɔ thesis ȧŋmerȧ ŋa Kuru, dɛ yi afəm sɔ.

AŋRomans 14:8

kotȧy-e bepi sə yi sa akəli-e, sə yi sa akəli ta ɔMarki; ɔwa bepi sə fi-e, sə fi ta ɔMarki. Tiyȧŋ pə yi sɔ kəli-o, pə yi sə fi-o, ɔMarki kɔnɔ ba su.

AŋRomans 15:20

Yao i ba afela abaŋ tə kətaməs mapa məfinɔ, pə yi hɛ ro a poŋ thɔŋ bont ȧŋes ŋa Kraystȧŋ, kȧmȧ pə te yi rokɔm ka ɔtəmər wa wuni lɔm;

1 AŋKɔrenth 15:58

Tiyȧŋ, aŋwɔnt a mi abɔthər, təmȧ nu ɔbaksər, te kala kəmuth, bȧsər ka mapanth ma ɔMarki lɔkɔ bɛ, pəkasifɛ sə tȧrȧ kəpa mapanth ma nu mə yi hɛ kətiŋ ka ɔMarki.

2 AŋKɔrenth 5:6

Tiyȧŋ sə ba kəbak kəbuth kəfinɔ lɔkɔ o lɔkɔ, ɔwa sə tȧrȧ kəpa ma sə yi ras ka ȧŋdɛr aŋe sə tha yi hɛ rɛ ɔMarki;

2 AŋKɔrenth 5:8

I kȧl pa, sə ba kəbak kəbuth, ɔwa sə tha yema wur ka ȧŋdɛr aŋe kȧmȧ sə gbəli yi ka kȧbəprȧnɛ ka ɔMarki.

AŋƐfisɔs 1:6

ka kȧthɔkəs ka aŋyiki ŋa ȧŋboŋa ŋɔŋ aŋa ɔ po sɔŋ su kəyaŋkaŋ kətȧŋȧnɛ ka ɔwe ɔ bɔthər.

AŋKɔlɔsi 1:10

Kama nə kɔth ɔbeki ka ɔMarki yi kəbɔnɛs tȧy bɛ, dɛ yi kȧmȧ nə wurɔ məkomi rə məyɔs o məyɔs məfinɔ, kȧmȧ nə bȧrnɛ sɔ-e ka kȧtȧrȧ ka Kuru.

AŋKɔlɔsi 1:29

Ka ɔthalnɛ wati i wopər sɔ mapanth, ka i tǝlnɛ sɔbɛ kətaŋ ka mapanth məninis ama kɔnɔ mɔ yɔ rokor kȧmi.

1 AŋThɛsȧlonika 4:1

Ka kaləpsɔ sə nɛmthɛnɛ nu awɔnt, ɔwa sə maŋ nu ka ɔMarki Yisɔs, kəpa mɔ mə sə po tɔri nu to nə yi tə kəkɔth dɛ yi tə kəbɔnɛs Kuru-e, mɔlɔ min mɔ mə nə kɔth thɔŋ ka-ake, ɔwa bȧsər nu kɔ kədi.

1 AŋThɛsȧlonika 4:11

Ta nə thɛns məthɔfəl, ɔwa wuni o wuni ɔ yi tə kəkəlianɛ aŋgbɛthɛŋ ŋɔŋ gbeŋ rə kəyɔ məpanth yi mȧta mɔŋ mɔ mə sə yamari nu,

1 Timɔthi 4:10

Ȧtesoma-e ta ȧte sə bȧsər bulɔ, sə bȧsər sulnɛ, pəkasifɛ sə poŋ gbak ɛmerȧ ɛ su ka ɔKuru ukəli, ɔwe yi ɔKisis ka afəm bɛ, pə tha gbethi ka ŋaŋ aŋa yi ka kȧlanɛ.

AŋHibru 12:28

Tiyȧŋ ma sə sɔthɔ rȧbȧy ara mə a te gbəli yinktha-e, maŋ sɔŋ nu mɔmɔ kȧmȧ sə yɔna Kuru məpanth məbeki rə kəbȧtho dɛ yi rənes.

AŋHibru 4:11

Tiyȧŋ maŋ bȧsər nu kəwɔŋ ka ɔfothanɛ wati, kȧmȧ wuni o wuni ɔ te fumpɔ salata kate sanɛ kin kati.

2 Pitar 3:14

Tiyȧŋ abɔthər, ma pə yi nə kəlianɛ ta mȧtȧy ame-e, bȧsər nu kȧmȧ ɔ bəp nu ka məthɔfəl kəte ba apora thalɔm məthɛkɛ.