2 AŋKɔrenth 5:8 - Ȧŋlemrȧnɛ Ȧfu

⁸ I kȧl pa, sə ba kəbak kəbuth, ɔwa sə tha yema wur ka ȧŋdɛr aŋe kȧmȧ sə gbəli yi ka kȧbəprȧnɛ ka ɔMarki.

2 AŋKɔrenth 5:8 ပူးပေါင်းရင်းမြစ်များ

Mathiu 25:21

Ɔmariki kɔŋ ɔ pa ro ŋɔŋ, Mǝ yɔ ɔlompi, munɔ mun bɔy ufinɔ ubɔthi lanɛ. Mǝ po yi ubɔthi lanɛ rǝ yɛt ɛthan. I ti bot mu rokɔm ka yɛt ɛgbathi. Wɔŋ ka mabɔnɛ ma ɔmarki ka mu.

Mathiu 25:23

Ɔmariki kɔŋ ɔ pa ro ŋɔŋ, Mǝ yɔ ɔlompi, munɔ mun bɔy ufinɔ ubɔthi lanɛ; mǝ po yi ubɔthi lanɛ rǝ yɛt ɛthan, i ti bot mu rokɔm ka yɛt ɛgbathi. Wɔŋ ka mabɔnɛ ma ɔmarki ka mu.

Luk 2:29

ƆMariki, ka-ake ter ȧŋbɔy a mu ɔ kɔnɛ yi məthɔfəl Mɔ mə ȧrim ra mu rə pa-e.

Yɔn 12:26

Bepi wuni ɔ yema yi ȧbɔy a mi, ta ɔ tȧŋ mi; ɔwa ro minɛ i yi, ri sɔ ȧŋbɔy a mi ɔ tə yi: bepi wuni o wuni ɔ yɔna mi, kɔnɔ ɔKas mɔ yikis.

Yɔn 14:3

Ɔwa bepi i kɔ tə kəbɛnɛnɛ nu dɛr-e, i ti kȧl der sɔ, i ti ba nu ro mi: kȧmȧ ro minɛŋ i yi, nia sɔ nə tə yi.

Yɔn 17:24

Pa, aŋfəm aŋa mə po sɔŋ mi, i yema kȧmȧ ŋaŋ sɔ aŋ yi ro minɛŋ i yi; kȧmȧ aŋ nənk aŋyiki a mi aŋa mə po sɔŋ mi: ȧtesoma-e mə bɔthər mi yeŋka a bot ɔtəmər wa ȧdȧru.

Mȧyɔs ma aŋsom 21:13

Ka Pɔlȧŋ ɔ pa, kɔyɛŋ mə nə bok-e, ɔwa nə rantəs ȧŋmerȧ a mi-e? Min bɛnɛnɛ thɔŋ, pə yi hɛ gbo kȧmȧ a sek mi, kɛrɛ tə kəfi sɔ ro Yerusalɛm ta ȧŋes ŋa ɔMarki Yisɔs.

2 AŋKɔrenth 5:6

Tiyȧŋ sə ba kəbak kəbuth kəfinɔ lɔkɔ o lɔkɔ, ɔwa sə tȧrȧ kəpa ma sə yi ras ka ȧŋdɛr aŋe sə tha yi hɛ rɛ ɔMarki;

2 AŋKɔrenth 5:9

Tiyȧŋ sə timnɛ kȧmȧ pə yi hali sə bəpər thalɔm sə te bəpər, sə gbəli bɔnɛs kɔ.

1 Yɔn 3:2

Abɔthər, ka-ake sə yi awuth ŋa Kuru, ɔwa a tha tɔri hɛ su to sə ba kə re yi: kɛrɛ sə tȧrȧ kəpa ma Krayst ɔ kȧl der, sə tə yi mɔ kɔnɔ; pəkasifɛ sə tə nənk kɔ mɔ mɔ yi.

Kȧŋȧibinɛ 22:3

Ɔwa ȧranka o raŋka aŋ yi hɛ ri sɔ; kɛrɛ kawaŋ ka rȧbȧy ra Kuru dɛ yi ka kaLɔmɛ kəfɛth kə yi ka kȧpet, ɔwa ɛbɔy yɔŋ aŋ tə yɔna kɔ.