2 AŋKɔrenth 5:15 - Ȧŋlemrȧnɛ Ȧfu

¹⁵ Ɔwa ɔ po thɔŋ fi salata ŋa bɛ kȧmȧ aŋkəli aŋ te sɔ yi ta ɛyɛthɛ yaŋ, kɛrɛ ta kɔn ɔwe po fi ta ȧtȧ ŋaŋ, ɔwe yokanɛ sɔ.

2 AŋKɔrenth 5:15 ပူးပေါင်းရင်းမြစ်များ

Luk 1:74

kəpa, Bepi ɔ po wurɔ su ka mȧta ma aŋtheranɛ a su-e, Sə tə bȧtho kɔ rə kəte ba rənes,

Yɔn 5:24

Tɛntɛnɛ i kanɛ nu, Kɔnɔ ɔwe mə təl ȧrim ra mi, ɔwa ɔ lanɛ ɔwe som mi-e, ɔ ba aŋesəm thəbana, ɔ ba hɛ tə kəsɔthɔ mətheri; kɛrɛ ɔ po thas rəfi kəkɔ ka aŋesəm.

Yɔn 6:57

Mɔ mə ɔKas ukəli ɔ som mi, ɔwa i ŋesəm salata ɔKas, ya pə yi sɔ kɔn ɔwe mə di mi, kɔnɔ sɔ ɔ tə ŋesəm salata mi.

AŋRomans 12:1

Tiyȧŋ i nɛmthɛnɛ nu, aŋwɔnt mi, ka ȧŋney ŋa Kuru kȧmȧ nə sɔnd madɛr ma nu mɔ sathka təkəli, təsəm dɛ yi təbeki ta Kurɔŋ; tə yi kabȧtho ka nu kəlompi.

AŋRomans 4:25

Ɔwe a sɔnd salata ɛhakɛ ɛ su, ɔwa a yokas kɔ kətɔŋ ka aŋfi kȧmȧ sə gbəli sɔthɔ məmari.

AŋRomans 6:2

Saki ti; saŋ aŋa po fi ta ahakɛ-e, to mə sə gbəli tiyȧ ri sɔ-e?

AŋRomans 6:6

Sə tȧrȧ kəpa ɔwuni kur kȧsu a po tȧŋ kɔ ka akənt kəpəŋkinɛ yi kɔn kȧmȧ mayi ma su ma ahakɛ mə gbəli dinɛ, ɔwa kȧmȧ sə te sɔ yi atar ŋa ahakɛ.

AŋRomans 8:10

Ɔwa bepi Krayst ɔ yi nu rokor-e, hali madɛr ma nu mə yi məfi salata ahakɛ, kɛrɛ ɛyina ɛ nu ɛ ba aŋesəm salata mȧlompi.

AŋRomans 8:2

Ȧtesoma-e ȧŋthɔ ŋa ɔYina məsəm ka aŋesəm rokor ka Yisɔs Krayst aŋ po səli mi kəwur ka ȧŋthɔ ŋa ahakɛ yi rȧfi.

AŋRomans 8:6

kotȧy-e mayi ma madɛr ma ahakɛ mə kȧrȧ rəfi; kɛrɛ mayi ma ɔYina məsəm mə yi aŋesəm yi məthɔfəl.

1 AŋKɔrenth 10:33

Mɔ mȧ minɛ i yɔ kȧmȧ pə bɔnɛ afəm bɛ ka tȧy o tȧy, ɔwa i thɛns hɛ ȧtȧ yi təbȧrnɛ ta ȧtȧ mi gboŋ-e, kɛrɛ ȧtȧ yi təbarnɛ ta agbȧthi, kȧmȧ aŋ kisi.

2 AŋKɔrenth 12:10

Tiyȧŋ i ba məbɔnɛ də rəyai-o, rə tənal-o, rə mɔnɛ-o, rə təsɔmpanɛ-o, dɛ yi rə məkɛthanɛ salata Kraystȧŋ, kotȧy-e ma i yi urant-e, ȧŋlɔkɔ ŋati i yi ubaki mədɛr.

2 AŋKɔrenth 3:6

kɔnɔ sɔ ɔ po yɔ su saŋ abeki tə kəyi ɛbɔy ya aŋlemranɛ afu; pə yi hɛ ka asikra, pə yi ka ɔYina; kotȧy-e asikra, ŋə mə dif, kɛrɛ ɔYina kɔnɔ mə sɔŋ ŋesəm.

2 AŋKɔrenth 5:16

Tiyȧŋ kətəp ka-ake sə tɛ hɛ sɔ wuni o wuni mɔ wuni kəpet gbo; ɔwa hali ma sə la tȧrȧ Kraystȧŋ mɔ wuni kəpet-e, ka-ake sə tȧrȧ hɛ kɔ sɔ yaŋ.

AŋKȧletia 5:25

Bepi sə yi akəli kətȧŋȧnɛ ka ɔYina-e, maŋ kɔth nu ka aŋfɔsɔ ŋa ɔYina.

AŋƐfisɔs 4:17

Ȧtesoma-e i maŋ nu, ɔwa i nɛmthɛnɛ nu ka ȧŋes ŋa ɔMarki kȧmȧ nə te sɔ kɔth mɔ tȧbona təlɔm mə aŋ kɔth, ka ɛmerȧ yaŋ ɛfoth.

AŋƐfisɔs 5:14

Tiyȧŋ ɔ pa, Thəmɛ munɔ ɔwe dirȧ-e, yokanɛ ka rafi, ɔwa Kraystȧŋ ɔ tə sɔŋ mu ȧŋmothȧ.

AŋKɔlɔsi 2:12

Ka a po maŋk nu yi kɔn ka ȧŋbaftisəm, ro pə yi ka-ake a yokas nu sɔ yi kɔn kətȧŋȧnɛ ka kȧlanɛ ka mapanth ma Kuru ɔwe po yokas kɔ ka rafi.

AŋKɔlɔsi 3:1

Tiyȧŋ bepi a po yokas nu yi Kraystȧŋ, thɛns mȧtȧy ama yi rokɔm, ro Krayst ɔ yirȧ ka kȧdiyɔ ka Kuru.

AŋKɔlɔsi 3:17

Ɔwa koko bɛ mȧ nə yɔ, pə yi rə məpa thalɔm rə məyɔs, yɔ ti nu ka ȧŋes ŋa ɔMarki Yisɔs, dɛ yi kəsɔŋ mɔmɔ ka Kuru ɔKas kətaŋ do rɔŋɔŋ.

AŋKɔlɔsi 3:23

Pə yi nə yɔ tȧy o tȧy, yɔ ti nu asɔbɛ sɔbɛ, mɔ mə nə yɔ ti salata ɔMarki, pə yi hɛ ta afəm a kəpet.

1 AŋThɛsȧlonika 5:10

ɔwe po fi ta ȧtȧ su, kȧmȧ bepi pə yi sə thəmɛ kəyi akəli-e, thalɔm sə dirȧ rə kəfi-e, sə tə ba aŋesəm dɛ yi kɔn.

Taytɔs 2:14

Ɔwe sɔndnɛ ta ȧtȧ su kȧmȧ ɔ gbəli bani su kəwur ka mȧkənȧ bɛ-e, dɛ yi tə kəfethər aŋfəm ŋɔŋ gbeŋ aŋa yi ayasyas tə kəyɔ məyɔs məfinɔ.

1 Pitar 4:6

Ȧtesoma-e a tam ȧkɛra kəfinɔ ka Kuru ka ŋaŋ aŋa po fi, tə kəyi a gbəli thonkas ŋa mɔ mə a yi tə kəthoŋkas afəm bɛ ka madɛr, kȧmȧ aŋ gbəli ba aŋesəm ka aŋyina mɔ mə Kuru ɔ yema.

1 Yɔn 4:9

Ka ȧte mabɔthər ma Kuru mə tɔrinɛ ro rɔsu, ma ɔ somra ɔWan kɔŋ ɔ kom gbo son ka ȧdȧru, kȧmȧ sə ŋesəm ro ŋɔŋ.

Kȧŋȧibinɛ 1:18

Minɛ yi ɔKəli thȧbana; i po fi, kɛrɛ kəla i kȧl po ba aŋesəm haŋ thəbana, Amina. Minɛ i ba masapɔ ma ro kərəfi dɛ yi rȧfi.