2 AŋKɔrenth 5:14 - Ȧŋlemrȧnɛ Ȧfu

¹⁴ Ȧtesoma-e, mabɔthər ma Krayst mə korakora su, pəkasifɛ sə thonkas yaŋ, kəpa bepi wuni kin ɔ fi ta afəm bɛ, pə bȧlȧnɛ mɔ ŋa bɛ aŋ po fi.

2 AŋKɔrenth 5:14 ပူးပေါင်းရင်းမြစ်များ

Mathiu 20:28

mɔ mǝ ɔWan ka wuni ɔ te der kȧmȧ a yɔna kɔ, kɛrɛ tǝ kǝyɔna afǝm, dɛ yi tǝ kǝsɔnd aŋesǝm ŋɔŋ tǝ kǝbani afǝm alai.

Luk 15:24

Ȧtesoma-e ɔwan kȧmi uruni ɔwe ɔ sa po fi, kɛrɛ ɔ kȧl yi ukəli sɔ; ɔ sa dinɛ kɛrɛ a fir kɔ. Kaŋ təp kəyasanɛ.

Luk 15:32

Pə yi ɔlompi tə kəyɔ met yi kəsel məbɔnɛ, ȧtesoma-e ɔwɔnt mu ɔwe ɔ sa po fi, kɛrɛ ɔ kȧl yi ukəli, ɔ sa dinɛ, kɛrɛ a fir kɔ.

Luk 24:29

kɛrɛ aŋ thɔnthɔ kɔ, aŋ pa, Yirȧ ras ro rɔsu, ȧtesoma-e ȧŋsum aŋ yema wɔŋ, ɔwa ȧŋrey aŋ bora kəpoŋ. Kɔ wɔŋ tə kəyianɛ yi ŋaŋ.

Yɔn 1:29

Ka ȧŋrey alɔm-e, Yɔnȧŋ ɔ nənk Yisɔsȧŋ ɔ der ro ŋɔŋ, ɔ pa, Kəli kaLɔmɛ kəfɛth ka Kuru ɔwe mə sara aŋhakɛ ŋa ȧdȧru!

Yɔn 11:25

Yisɔsȧŋ ɔ pa ro ŋɔŋ, Minɛ yi kȧyokanɛ, yi aŋesəm: kɔn ɔwe mə lanɛ mi, hali ɔ po fi, ɔ tə kȧl kəli:

Yɔn 5:25

I kanɛ nu tɛntɛnɛ, Ȧŋlɔkɔ aŋ tə der, ɔwa aŋ yi thɔŋ ka-ake, ma aŋfi aŋ tə təl ȧrim ra ɔWan ka Kuru; ɔwa ŋaŋ aŋa mə təl aŋ tə kəli.

Mȧyɔs ma aŋsom 18:5

Ma Sailas-əŋ yi Timɔthi-əŋ aŋ bek kəwur ro Masidonia-e, ȧrim rə gbukthi Pɔlȧŋ tə kəsɔŋ məseri ka aŋYuda kəpa Yisɔsȧŋ kɔnɔ yi ɔKrayst.

AŋRomans 2:2

Ɔwa sə tȧrȧ kathoŋkas ka Kuru kə thor ɔlompi rokɔm ka ŋaŋ aŋa mə yɔ mȧtȧy məwunɔŋ.

AŋRomans 5:15

Kɛrɛ ɔgbaskɛ ɔ yi kətɔŋ ka aŋhakɛ ŋa Adȧm yi ȧŋboya ŋa Kuru, kotȧy-e bepi, asabu ŋa aŋhakɛ ŋa wuni kin-e, afəm bɛ aŋ ba tə kəfi-e, pə tha gbethi ȧŋboŋa ŋa Kuru yi ȧŋboya ŋa ȧŋboŋa aŋa mə der salata ɔwuni kin, Yisɔs Kraystȧŋ, aŋ tə thɛrmɛ ka afəm bɛ.

AŋRomans 6:13

Te sɔnd malaŋktha ma madɛr ma nu ka ahakɛ mɔ ɛyɛt ɛtima ya mȧkənȧ, kɛrɛ sɔndnɛ ka Kuru mɔ afəm akəli aŋa po wur ka rəfi kəkɔ ka aŋesəm, yi malaŋktha ma madɛr ma nu mɔ ɛyɛt ɛtima ya məlompi salata Kuru.

AŋRomans 6:6

Sə tȧrȧ kəpa ɔwuni kur kȧsu a po tȧŋ kɔ ka akənt kəpəŋkinɛ yi kɔn kȧmȧ mayi ma su ma ahakɛ mə gbəli dinɛ, ɔwa kȧmȧ sə te sɔ yi atar ŋa ahakɛ.

1 AŋKɔrenth 16:22

Bepi wuni o wuni ɔ bɔthər hɛ ɔMarki Yisɔs Kraystȧŋ, ta ɔ yi uraŋka. Kaŋka ɔMarki kȧsu ɔ der.

1 AŋKɔrenth 2:14

Kɛrɛ ɔwuni ɔwe te ba ɔYina ɔ gbəli hɛ sɔthɔ mȧtȧy ma ɔYina məsəm ka Kuru, ȧtesoma-e mə yi məpəŋk do rɔŋɔŋ; ɔwa ɔ gbəli hɛ tȧrȧ ma pəkasifɛ ɔYina məsəm kɔnɔ wɛski ma.

2 AŋKɔrenth 3:7

Kɛrɛ bepi kabȧtho ka ȧŋsiraŋ ŋa rəfi ȧke a gbal ka məsar kə ba ayiki haŋ aŋwuth ŋa Isrɛl aŋ gbəli hɛ kəli ader ra Mosis tǝŋ, salata kagbɛntha ka ader rɔŋ, kəgbɛntha gbo ȧke mə thas;

2 AŋKɔrenth 3:9

kotȧy-e, bepi kabȧtho ȧke sɔŋ mətheri kə ba ayiki-e, pə tha gbethi kabȧtho ka mȧlompi kȧa tha ba ayiki.

AŋKȧletia 2:20

A po taŋtaŋ mi ka akənt kəpəŋkinɛ yi Kraystȧŋ, halisa i ba ŋesəm; kɛrɛ min tha sɔ, pə yi Kraystȧŋ kɔnɔ ɔ yi ukəli rokor kȧmi. Ɔwa aŋesəm aŋa i ŋesəm ka madɛr ka-ake, i ŋesəm kətaŋ ka kȧlanɛ ka ɔWan ka Kuru ɔwe bɔthər mi, kɔ sɔndnɛ ta ȧtȧ mi.

AŋƐfisɔs 6:24

Ta aboŋa aŋ yi dɛ yi ŋa bɛ aŋa bɔthər ɔMarki kȧsu Yisɔs Kraystȧŋ rə ȧmerȧ ȧferȧ. Amina.

AŋKɔlɔsi 2:13

Ɔwa naŋ, ma nə yi ras afi asabu ŋa ɛhakɛ ɛ nu dɛ yi kate birons ka madɛr ma nu-e, a po kəlis nu, (i kȧl pa ti), yi Kraystȧŋ, kɔ tera su makənȧ ma su bɛ.

AŋKɔlɔsi 3:3

kotȧy-e naŋ nə po thɔŋ fi, ka ɛŋesəm ɛ nu ɛ po maŋknɛ rokor ka Krayst ka Kurɔŋ.

1 Timɔthi 2:6

ɔwe sɔndnɛ tə kəbani afəm bɛ, ka a seri ti ma ȧŋlɔkɔ ŋati aŋ bek.

1 Timɔthi 5:6

kɛrɛ ubora ɔwe bɔthər mabɔnɛ ma raru-e ɔ yi ufi hali ma ɔ yi ras ukəli.

Taytɔs 3:3

kotȧy-e alɔkɔ alɔm saŋ sɔ sə sa yi apənk, ȧthȧnthonɛ, atɔns, atar ŋa məfela o məfela mələs-e; sə sa yirȧ gbo ka mȧbaŋ dɛ yi kȧtut. Sə gbɛŋa afəm, ɔwa sə kȧl gbɛŋanɛ.

AŋHibru 2:9

Kɛrɛ sə nənk kɔn ɔwe a bɛmpa roratha ka aŋmȧleka ta alɔkɔ agbut, hali Yisɔs, ɔwa a pɔlɔ kɔ ka-ake rə ayiki abana asabu ŋa anakasi ŋa rəfi, kȧmȧ pə re yi ka ȧŋboŋa ŋa Kuru-e, ɔ gbəli tham rəfi ta wuni o wuni.

AŋHibru 6:10

kotȧy-e, Kuru ɔ ba hɛ məkənə tə kəpənɛ mapanth ma nu ma mȧbɔthər ama nə poŋ tɔri salata ȧŋes ŋɔŋ, ma nə po mar aŋfəm ŋɔŋ, ɔwa nə kȧl mar ŋa sɔ haŋ ka-ake.

1 Pitar 1:8

Hali ma nə te tha nənk kɔ-e, nə bɔthər kɔ, ɔwa hali ma nə te tha gbɛnthas kɔ-e, nə lanɛ yi məbɔnɛ ama nə gbəli hɛ lɔm, yi ayiki alasər,

1 Yɔn 5:19

Saŋ sə tȧrȧ kəpa sə yi ka Kuru, yi ȧdȧru bɛ rə yi ka aŋfɔsɔ ŋa Sethani.