2 AŋKɔrenth 4:17 - Ȧŋlemrȧnɛ Ȧfu

¹⁷ kotȧy-e kasɔmpanɛ kȧsu kəfəŋf, ȧke yi gbo ta alɔkɔ agbut, kə mə bȧr yɔna su ayiki alel ɔthasər ta thəbana;

2 AŋKɔrenth 4:17 ပူးပေါင်းရင်းမြစ်များ

Mathiu 5:12

Sel nu mǝbɔnɛ, ta pǝ bɔnɛ nu ɔthasǝr, kotȧy-e ȧŋram a nu aŋ yi ȧbana ro riyana; ȧtesoma-e ya a sɔmpa aŋnabi aŋa yi thǝpaŋ.

Luk 6:23

Tə pə bɔnɛ nu ka ȧŋrey ŋati, ɔwa pais nu yi məbɔnɛ; ȧtesoma-e ȧŋrȧm a nu aŋ yi abana ro riyana. Kotȧy-e ya aŋkas a ŋaŋ aŋ yɔ aŋnabi.

Mȧyɔs ma aŋsom 20:23

pəthas gbo rə kəpet o pet ɔYina məsəm ɔ seri mi gbafəth kəpa tərəŋka yi ɛsɔmpanɛ ɛ kar mi.

AŋRomans 2:7

Ka ŋaŋ aŋa bȧsər tə kəyɔ təfinɔ rə kəmuyu kȧmȧ aŋ thɛns ayiki yi alambe, yi mȧtȧy ama te ba kəpoŋ thȧnkȧŋ, ɔ tə sɔŋ aŋesəm thəbana,

AŋRomans 8:18

kotȧy-e, i botər ti rə ȧmerȧ kəpa kanakasi ka ȧŋlɔkɔ aŋe kə bek hɛ tə kəthunthanɛ dɛ yi aŋyiki aŋa yi tə kətɔrinɛ do rɔsu.

AŋRomans 8:34

Kanɛ yi tə kəsɔŋ ŋa mətheri-e? Pə yi Krayst Yisɔs ɔwe fi, aŋko, ɔwe kȧl yokanɛ ka rəfi, ɔwe yi thɔŋ ka kȧdiyɔ ka Kuru, ro mɔ nɛmthɛnɛ ta ȧtȧ su.

AŋRomans 8:37

Ɔwa ka mȧtȧy ame bɛ sə ba kətham kəthasər asabu ŋa kɔn ɔwe bɔthər su.

1 AŋKɔrenth 2:9

Kɛrɛ mɔ mȧgbal mə pa hɔ, Rafɔr rə te tha nənk, aŋləns aŋ te tha təl, Thalɔm ȧŋmerȧ ŋa wuni aŋ te tha nanɛ Mȧtȧy ama Kuru ɔ po bɛnɛnɛ ta ȧtȧ ŋaŋ aŋa bɔthər kɔ.

2 AŋKɔrenth 3:18

Kɛrɛ saŋ bɛ, rə aser ta su təgbəpəri-e, sə tɔri aŋyiki ŋa ɔMarki mɔ ɛmɛmnɛ, ɔwa a səki su ka mȧbȧlȧnɛ mɔŋ gbeŋ, rɛ ayiki rokɔm ka ayiki, hali mɔ mə kəwur ka ɔMarki ɔYina.

AŋFilipai 1:19

kotȧy-e i tȧrȧ kəpa ȧtȧy ȧte tə tə yɔnɛ salata kakisi kȧmi asabu ŋa taramnɛ ta nu, dɛ yi asabu ŋa aŋfɔsɔ aŋa ɔYina məsəm ka Yisɔs Kraystȧŋ ɔ sɔŋ,

2 AŋThɛsȧlonika 1:4

haŋ saŋ gbeŋ sə kori kori nu kətɔŋ ka ɛchɔch bɛ asabu ŋa kamuyu yi kȧlanɛ ka nu ka ɛsɔmpanɛ yi ɛthɔrɔnɛ bɛ ɛyɛ nə muyusnɛ.

2 AŋThɛsȧlonika 1:6

Kȧbi Kuru ɔ nənk ti ɔlompi tə kəsɔŋ asɔmpanɛ ka ŋaŋ aŋa sɔmpar nu-e.

2 Timɔthi 2:10

Tiyȧŋ i muyu tȧy o tȧy salata aŋfəm ŋa Kuru kȧmȧ ŋa sɔ aŋ gbəli sɔthɔ kakisi ȧke yi ka Krayst yi ayiki thəbana.

Yeməs 1:12

Wuni ka aruba wɔŋ ɔwe mə muyu ɛgbɔnsanɛ, kotȧy-e bepi a po gbɔns kɔ-e, ɔ tə sɔthɔ ȧniyɔ ŋa aŋesəm, aŋa ɔMarki ɔ po lahiri ŋaŋ aŋa bɔthər kɔ.

1 Pitar 4:7

Kɛrɛ ɔthalnɛ wa mȧtȧy bɛ ɔ po fat; tiyȧŋ yi nu atempi, ɔwa bumnɛ nu rə kəramnɛ.

1 Pitar 5:10

Kɛrɛ ɔKuru ka aboŋa bɛ, ɔwe po tela su tə kəwɔŋ ka aŋyiki ŋɔŋ athəbana-e, kətaŋ ka Krayst Yisɔsȧŋ, ma nə po nakasi ɔthan-e, kɔn kɔnɔnɛ ɔ tə gbenthis nu, ɔ tə bȧksər nu, ɔ tə lompəs nu.

1 Yɔn 3:2

Abɔthər, ka-ake sə yi awuth ŋa Kuru, ɔwa a tha tɔri hɛ su to sə ba kə re yi: kɛrɛ sə tȧrȧ kəpa ma Krayst ɔ kȧl der, sə tə yi mɔ kɔnɔ; pəkasifɛ sə tə nənk kɔ mɔ mɔ yi.

Yud 1:24

Ɔwa ɔwe gbəli bɛnɛ nu kəte yɛthȧ, ɔwa ɔ təmər nu kəte ba apora rodi ka ayiki ŋɔŋ yi məbɔnɛ məbana;