2 AŋKɔrenth 3:18 - Ȧŋlemrȧnɛ Ȧfu

¹⁸ Kɛrɛ saŋ bɛ, rə aser ta su təgbəpəri-e, sə tɔri aŋyiki ŋa ɔMarki mɔ ɛmɛmnɛ, ɔwa a səki su ka mȧbȧlȧnɛ mɔŋ gbeŋ, rɛ ayiki rokɔm ka ayiki, hali mɔ mə kəwur ka ɔMarki ɔYina.

2 AŋKɔrenth 3:18 ပူးပေါင်းရင်းမြစ်များ

Yɔn 1:14

Ka Ȧrim rə səkɛ wuni, kɔ yirȧ kətɔŋ kȧsu, ɔwa sə kəli aŋyiki ŋɔŋ, aŋ yi mɔ aŋyiki ŋa ɔWan son ka ɔKas, ɔ la aboŋa yi tȧteŋ.

Yɔn 12:41

Aysaya ɔ fɔf mȧtȧy ame ma ɔ nənk aŋyiki ŋɔŋ, ɔwa ɔ fɔf ta atɔŋ.

Yɔn 17:22

Aŋyiki aŋa mə po sɔŋ mi, i po sɔŋ ŋa ŋi, kȧmȧ aŋ ba ȧmerȧ ŋin, mɔ mə saŋ sə ba ȧmerȧ ŋin;

Yɔn 17:24

Pa, aŋfəm aŋa mə po sɔŋ mi, i yema kȧmȧ ŋaŋ sɔ aŋ yi ro minɛŋ i yi; kȧmȧ aŋ nənk aŋyiki a mi aŋa mə po sɔŋ mi: ȧtesoma-e mə bɔthər mi yeŋka a bot ɔtəmər wa ȧdȧru.

AŋRomans 12:2

Te taŋanɛ mȧtȧy ma ȧdȧru ȧre, kɛrɛ lafthɛ kȧmȧ ɛmerȧ ɛ nu ɛ səkɛ ɛfu, kȧmȧ nə gbɛlɛŋ mȧselɔ ma Kuru ama yi məfinɔ, məthesa yi məgbenthis.

AŋRomans 13:14

Kɛrɛ wɔnsənɛ nu ɔMarki Yisɔs Krayst, ɔwa te botərnɛ ti rə ȧmerȧ tə kəlasər mafela ma madɛr.

AŋRomans 8:29

kotȧy-e ŋaŋ aŋa Kuru ɔ po thith thəpaŋ, ɔ ba mabotəs mati kȧmȧ aŋ taŋanɛ ka mȧbȧlȧnɛ ma ɔWan kɔŋ, kȧmȧ ɔWan kɔŋ ɔ yi ɔbaki kətɔŋ ka awɔnt agbȧthi.

AŋRomans 8:4

kȧmȧ mȧlompi ma ȧŋthɔ mə gbəli gbenthis ro rɔsu, aŋa te kɔth ka mafela ma madɛr, kɛrɛ ka ɔYina məsəm.

AŋRomans 8:7

Pəkasifɛ mayi ma madɛr mə yi məgbɛŋa kəŋamnɛ Kurɔŋ, ȧtesoma-e mə sanɛ hɛ ka ȧŋthɔ ŋa Kuru, ɔwa mə gbəli hɛ yɔ yi hali.

1 AŋKɔrenth 13:12

Ka-ake sə nənk rə amɛmnɛ pəfəri; kɛrɛ ka ȧŋlɔkɔ ŋati si nəŋkanɛ der yi derȧŋ. Ka-ake i tȧrȧ gbo ɔthan, kɛrɛ ka ȧŋlɔkɔ ŋati i ti tȧrȧ ɔlasər mɔ mȧ a la tȧrȧ mi ɔlolok-e.

1 AŋKɔrenth 15:49

Mɔ mə saŋ sə po ba mȧbȧlȧnɛ ma ɔwuni ka kȧbof-e, mɔlɔ min sɔ sə tə ba mȧbȧlȧnɛ ma ɔwuni ka riyana.

2 AŋKɔrenth 3:17

Ɔwa ɔMarki kɔnɔ yi ɔYina; ɔwa ro ɔYina ka ɔMarki ɔ yi, di rəwaŋkom rə yi.

2 AŋKɔrenth 4:4

Ka ȧŋgbȧp a ŋaŋ ɔkuru ka ȧdȧru are ɔ po fithəs ɛmerȧ ya ante lanɛ kȧmȧ ɔwaŋ wa mapa məfinɔ ma aŋyiki ŋa Krayst ɔwe yi mȧbȧlȧnɛ ma Kurɔŋ ɔ te gbɛnthar ŋa.

2 AŋKɔrenth 4:6

kotȧy-e Kuru ɔwe yamari kȧmȧ ɔwaŋ ɔ gbɛntha kəwur ka ȧŋsum-e, kɔnɔ po gbɛntha ka ɛmerȧ ɛ su tə kəsɔŋ ɔwaŋ wa kȧtȧrȧ ka anyiki ŋa Kuru ka ader ra Yisɔs Kraystȧŋ.

2 AŋKɔrenth 5:17

Ȧtesoma-e bepi wuni o wuni ɔ yi rokor ka Kraist-e, ɔ yi wuni fu. Mȧtȧy məkur mə po thas; kəla mȧtȧy bɛ mə po səkɛ məfu.

AŋKȧletia 6:15

kotȧy-e kȧbirons thalɔm kəte birons kə yi hɛ koko rokor ka Krayst Yisɔs, thambe məbɛmpa məfu gbo.

AŋKɔlɔsi 3:10

ɔwa nə po wɔŋ ɔwuni fu, ɔwe a səki ufu rə kətara tȧy kətȧŋȧnɛ ka mȧbȧlȧnɛ ma ɔTəpi;

1 Timɔthi 1:11

ȧtȧ yi mɔlɔ min yi ȧkɛra kəfinɔ ka ɔKuru ka aruba, ȧke a po maŋkər ro rɔmi.

Taytɔs 3:5

ɔ kisis su, pə yi hɛ salata mȧyɔs məlompi ama sə poŋ yɔ, kɛrɛ ɔ kisis su asabu ŋa ȧŋney ŋɔŋ, ka kafethər ȧke kȧl kom ɔfu, dɛ yi ka kafusəs ka ɔYina məsəm,

Yeməs 1:23

kotȧy-e bepi wuni ɔ təl gbo, kɛrɛ ɔ yɔ hɛ, ɔ yi mɔ wuni ɔwe mə kəli ader rɔŋ ka amɛmnɛ.

1 Yɔn 3:2

Abɔthər, ka-ake sə yi awuth ŋa Kuru, ɔwa a tha tɔri hɛ su to sə ba kə re yi: kɛrɛ sə tȧrȧ kəpa ma Krayst ɔ kȧl der, sə tə yi mɔ kɔnɔ; pəkasifɛ sə tə nənk kɔ mɔ mɔ yi.