2 AŋKɔrenth 2:17 - Ȧŋlemrȧnɛ Ȧfu

¹⁷ kotȧy-e sə yi hɛ mɔ agbȧthi aŋa mə ləsər ȧrim ra Kuru, kɛrɛ sə fɔf ta Krayst rɛ ȧmerȧ ȧferȧ mɔ anthith ŋa Kuru ka kȧbəprȧnɛ kɔŋ.

2 AŋKɔrenth 2:17 ပူးပေါင်းရင်းမြစ်များ

Mathiu 24:24

kotȧy-e aKrayst ayem yi anȧbi ayem aŋ tǝ yokanɛ, aŋ tǝ tɔri ɛmisali ɛbana yi mətȧy mǝkabanɛ, kȧmȧ a yɛthǝs aŋthith ŋa Kuru bepi pǝ fɔi tȧy.

Mȧyɔs ma aŋsom 20:20

to i te tey tə kətɔri nu tȧy o tȧy ȧtȧ gbəli mar nu, kɛrɛ i thəksa nu gbafəth, ɔwa rə aseth o seth

Mȧyɔs ma aŋsom 20:27

kotȧy-e i la hɛ tey kətɔri nu tȧteŋ ta Kuru Məsaba bɛ.

1 AŋKɔrenth 5:8

Tiyȧŋ ta sə bɛnɛ amet, pə yi hɛ rə ɛgbith ɛkur, thalɔm yi ɛgbith ya məgbɛŋanɛ, yi mələs, kɛrɛ rə kabo kəte ba ɛgbith ka ȧmerȧ ȧferȧ yi tȧteŋ.

2 AŋKɔrenth 1:12

Kakolonɛ kȧsu ki ake, pə yi mɔ-e, aseri ŋa ɛmerȧ ɛ su-e, kəpa rə məsəm yi tȧteŋ rodi ka Kuru, pə yi hɛ rə kȧtemp ka rawuni kəpet kɛrɛ ka ȧŋboŋa ŋa Kuru, sə po kɔth ka ȧdȧru, ɔwa pə tha gbethi ro rɔnu.

2 AŋKɔrenth 1:18

Kɛrɛ mɔ mə Kuru ɔ yi təteŋ-e, ȧrim ra su ro rɔnu rə yi hɛ Yao dɛ yi Sako.

2 AŋKɔrenth 11:11

Kɔyɛŋ-a? Pəkasifɛ i bɔthər hɛ nu-i? Kuru ɔ tȧrȧ ti hɔ, i yɔ yi.

2 AŋKɔrenth 12:19

Nə nənɛ hɔ sə katanɛ kɛrɛ gbo ta ȧtȧ nu ȧŋlɔkɔ aŋe bɛ. Rodi ka Kuru sə fɔf Krayst; kɛrɛ sə yɔ mȧtȧy bɛ, abɔthər, kȧmȧ sə mar nu.

2 AŋKɔrenth 4:2

ka sə po ter mȧtȧy məmaŋknɛ ma məlap, sə kɔth hɛ rə məsɔth, sə kianɛ hɛ ȧrim ra Kuru rə kəpəŋis, kɛrɛ rə kətɔri tȧteŋ gbafəth-e, sə kolonɛ ka ȧŋmerȧ ŋa wuni o wuni rodi ka Kuru.

2 AŋKɔrenth 6:7

ka ȧrim ra təteŋ, ka aŋfɔsɔ ŋa Kuru, ka ɛyɛt ɛtima ya məlompi ka kȧdiyɔ yi ka kȧmɛrɔ,

AŋKȧletia 1:6

I kabanɛ ma nə yeŋk gbapɛ ɔwe muti nu ka ȧŋboŋa ŋa Krayst tə kəlafthɛ ka kɛra kəlɔm.

1 AŋThɛsȧlonika 2:4

kɛrɛ mɔ mə Kuru ɔ nənk su abɔthi lanɛ tə kətɔri ȧkɛra kəfinɔ kɔŋ, yaŋ mə sə fɔf; pə yi hɛ tə kəbɔnɛs wuni kəpet, kɛrɛ tə kəbɔnɛs Kuru ɔwe mɛm ɛmerȧ ɛ su.

Taytɔs 1:11

Mə yi tə kəyɔ ŋa aŋ tȧŋk, pəkasifɛ aŋ ləsər kȧlanɛ ka təkomra təlay, kaŋ thəksa ȧtȧ aŋ yi hɛ naŋ tə kəthəksa, salata akala.

AŋHibru 11:27

Rə kəlanɛ ɔ wur ro Iyipt, ɔ nesa hɛ rabaŋ ra ɔbȧy, kotȧy-e ɔ muyu mɔ nənk ro ȧmerȧ ɔwe sə te nəŋka rəfɔr.

1 Pitar 4:11

Bepi wuni o wuni ɔ kawandi-e, ta pə yi mɔ ɔ fɔf tȧteŋ ta Kuru; bepi wuni o wuni ɔ yɔna ulɔm-e, ta ɔ yɔ ti ka kagbəli ka Kuru, kȧmȧ Kuru ɔ sɔthɔ ayiki salata tȧy o tȧy kətaŋ ka Yisɔs Krayst ɔwe ba kəthɔkəs yi afɔsɔ haŋ thȧnkȧŋ thəbana, Amina.

1 Yɔn 4:1

Abɔthər, te nu lanɛ ɛyina bɛ, kɛrɛ mɛm yi bepi ɛ yi ka Kuru: pəkasifɛ anȧbi ayem agbȧthi aŋ yi ka ȧdȧru.

Yud 1:4

kotȧy-e afəm alɔm aŋ po wɔŋ sɔy, aŋfəm aŋa a po gbəka matheri maŋ ɔwoni thɔŋ, afəm aŋa te tȧrȧ Kuru aŋa lȧfthi ȧŋboŋa ŋa ɔKuru kȧsu ka mafela maŋ maləs, ɔwa aŋ pɛnsanɛ Yisɔs Krayst ɔMarki kȧsu gbo son.

Kȧŋȧibinɛ 12:9

Ka a wurɔ ȧŋninkinanka ubana, pə yi mɔ ȧŋbok ukur ɔwe a tela ɔkərəfi dɛ yi Sethani, ɔwe tɔns ȧdȧru bɛ. Ka a fitha kɔ ka ȧdȧru dɛ yi aŋmȧleka ŋɔŋ sɔ.

Kȧŋȧibinɛ 19:20

Ɔwa a gbip ɔsɛm ubaŋ, dɛ yi ɔnȧbi uyem ɔwe la yɔ mȧyɔs məkabanɛ rodi kɔŋ, pə yi mɔ-e mȧyɔs ama la tɔns ŋaŋ aŋa la sɔthɔ aŋlomar ŋa ɔsɛm ubaŋ, dɛ yi ŋaŋ aŋa la bȧtho mȧbȧlȧnɛ mɔŋ. Kaŋ fitha ŋa ŋarəŋ akəli ka ȧŋbonka ŋa nȧnt ana mara rɛ ȧsɔlfɔ.

Kȧŋȧibinɛ 2:20

Kɛrɛ i ba kəthɛkɛ mu ta tȧy təlɔm, pəkasifɛ mə malanɛ ɔwuni bom kati Yɛsibɛl, ɔwe telanɛ unȧbi ubɛra. Ɔwa ɔ thəksa, kɔ kȧl yɛthas ɛbɔy ɛ mi tə kəyɔ kərəp, dɛ yi tə kədi ɛyɛt ɛyɛ a po wurɔ sathka ka ɛrɔŋ.