2 AŋKɔrenth 13:7 - Ȧŋlemrȧnɛ Ȧfu

⁷ Ka sə ramnɛ Kuru kȧmȧ nə te yɔ tȧy o tȧy tələs; pə yi hɛ tə kətɔri hɔ sə yi afəm aŋa yi təteŋ, kɛrɛ kȧmȧ naŋ nə yɔ ȧtȧ yi təlompi, hali pə re bȧlȧnɛ mɔ saŋ sə yi hɛ təteŋ.

2 AŋKɔrenth 13:7 ပူးပေါင်းရင်းမြစ်များ

Mathiu 6:13

Te su wɔŋȧ rǝ tȧy tǝgbɔns kɛrɛ wurɔ su ka mətȧy mǝlǝs; ȧtesoma-e munɔ ba rȧbȧy yi aŋfɔsɔ yi aŋyiki thȧnkȧŋ thǝbana, Amina.

Yɔn 17:15

I ramnɛ hɛ kȧmȧ mə wurɔ ŋa ka ȧdȧru, kɛrɛ kȧmȧ mə bumər ŋa ka maləs.

AŋRomans 1:28

Ɔwa maŋ pɛnsa tə kənanɛ Kuru ka ɛmerȧ yaŋ-e, ɔ sɔnd ŋa ka ɛmerȧ ɛthayoŋ kȧmȧ aŋ yɔ ȧtȧy ȧtȧ te thesa.

AŋRomans 12:17

Tenu kala wuni o wuni tələs ta tələs. Yɔ nu gbo təlompi ka kakəli ka afəm bɛ.

AŋRomans 13:13

Maŋ kɔth nu ɔlompi mɔ mȧkɔth ma rəyaŋ, ta pə te yi rə məyi mələs yi kətis, thalɔm rə kərəp yi kətayanɛ, thalɔm rə kəgbal yi kətut.

AŋRomans 16:10

Kori Apeles ɔwe yi ukristiɛn tə tɛntɛnɛ. Kori sɔ kabɔr ka Aristɔbulɔs.

1 AŋKɔrenth 11:19

kotȧy-e təgbanth tə ba tə kəyi kətɔŋ ka nu, kȧmȧ a tȧrȧ ŋa gbəraŋ aŋa a po mɛmər kətɔŋ ka nu.

2 AŋKɔrenth 10:10

Wuni lɔm ɔ tə pa, Ɛreka ya Pɔl ɛ yi ɛlel dɛ yi ɛbȧki mədɛr, kɛrɛ kȧbəpər kɔŋ kə yi kərant, dɛ yi kafɔf kɔŋ kə yi gbo kəyai.

2 AŋKɔrenth 10:18

Ȧtesoma-e ɔwuni kolonɛ tha mə a malanɛ, kɛrɛ ɔwe ɔMarki ɔ kolo.

2 AŋKɔrenth 13:6

Kɛrɛ i gbak ȧmerȧ kəpa nə tȧrȧ hɔ saŋ sə yi hɛ athȧyoŋ.

2 AŋKɔrenth 13:8

kotȧy-e sə gbəli hɛ yɔ koko kəŋamnɛ tȧteŋ, kɛrɛ ta salata tȧteŋ.

2 AŋKɔrenth 13:9

Ȧtesoma-e sə ba məbɔnɛ ma sə yi arȧnt, dɛ yi naŋ nə abȧki mədɛr; ta ȧte tə mə sə ramnɛ sɔ, pə yi mɔ ta kagbenthis ka kȧlanɛ ka nu.

2 AŋKɔrenth 6:4

kɛrɛ ka mɔtai bɛ mɔ ɛbɔy ya Kuru sə mɛm tə kəkolonɛ ka kəmuyu kəbɔli, ka ɛsɔmpanɛ, ka amɔnɛ, ka kəkɛthanɛ,

2 AŋKɔrenth 8:21

kotȧy-e sə thɛns mȧtȧy məmari, pə yi hɛ gbo ka kakəli ka Kuru, kɛrɛ ka kakəli ka afəm a kəpet sɔ.

AŋFilipai 4:8

Ka kaləpsɔ, awɔnt, koko ara yi təteŋ, ara yi rə alambe, ara yi rəlompi, ara yi rəgbəraŋ, ara yi rəbɔthi kəli dɛ yi ara yi rəbɔthi təl; bepi ɔfinɔ ɔ yi, ɔwa sɔ-e, kəthɔkəs tȧy kə yi, botnɛ nu mȧtȧy ame rə ȧmerȧ.

1 AŋThɛsȧlonika 5:23

Kaŋka ɔKuru ka məthɔfəl gbeŋ ɔ səməs nu ɔlolok; aŋko, ɔ bɛnɛ ɛyina, yi ɛŋesəm, dɛ yi madɛr ma nu ɛgbenthis, kəte ba məthɛkɛ haŋ kȧder ka ɔMarki kȧsu Yisɔs Krayst.

1 Timɔthi 2:2

ta abȧy, yi ta ȧtȧ ŋaŋ bɛ aŋa ba afɔsɔ, kȧmȧ sə gbəli yirȧ rȧ məthɔfəl bɛm rə kənesa Kuru Məsaba ka tȧteŋ bɛ.

2 Timɔthi 2:15

Thəkəs tə kəthesis Kuru mɔ ȧbɔy ɔwe te ba kəlap, ɔwe mə gbay ȧsim ta təteŋ ɔlompi.

2 Timɔthi 4:18

ƆMarki kɔnɔŋ ɔ tə kisis mi ka mȧləs bɛ, ɔwa ɔ tə bɛnɛ mi ka rȧbȧy rɔŋ rəsəm. Ta kɔn yi ayiki haŋ thȧnkȧŋ thəbana. Amina.

Yeməs 1:12

Wuni ka aruba wɔŋ ɔwe mə muyu ɛgbɔnsanɛ, kotȧy-e bepi a po gbɔns kɔ-e, ɔ tə sɔthɔ ȧniyɔ ŋa aŋesəm, aŋa ɔMarki ɔ po lahiri ŋaŋ aŋa bɔthər kɔ.

1 Pitar 2:12

Kɔth nu ɔlompi kətɔŋ ka tȧbona təlɔm kȧmȧ pə yi, hali aŋ tɛntɛ bont nu afəm aləs-e, maŋ nənk mȧyɔs ma nu məfinɔ, ka ȧŋrey ŋa asɔmpanɛ aŋ tə yikis Kuru Məsaba.