2 AŋKɔrenth 13:4 - Ȧŋlemrȧnɛ Ȧfu

⁴ Hali ma a tȧŋ kɔ ka akənt kəpəŋkinɛ ka rəyai-e, ka-ake ɔ yi ukəli ka aŋfɔsɔ ŋa Kuru. Kotȧy-e saŋ sɔ sə yi ayay yi kɔn, kɛrɛ sə tə la rɛ yi aŋesəm yi kɔn do rɔnu ka aŋfɔsɔ ŋa Kuru.

2 AŋKɔrenth 13:4 ပူးပေါင်းရင်းမြစ်များ

Yɔn 10:18

Wuni o wuni ɔ nɔy hɛ mi ŋi, kɛrɛ min minɛnɛ i sɔndnɛ. I ba afɔsɔ tə kəsɔnd ŋi, ka i ba afɔsɔ tə kəkal gbasi ŋi. Aŋyamari aŋe i sɔthɔ kəwur ka ɔKas kȧmi.

Mȧyɔs ma aŋsom 2:36

Tiyȧŋ ta ȧŋseth ŋa Isrɛl bɛ aŋ tȧrȧ tɛntɛnɛ kəpa, Yisɔs ɔwe gbeŋ, ɔwe nə po tȧŋ ka akənt kəpəŋkinɛ-e, Kuru ɔ po səki kɔ ɔMarki yi ɔKrayst.

Mȧyɔs ma aŋsom 3:16

Ɔwa pə yi salata kəlanɛ ka ȧŋes ŋɔŋ ɔlanŋgba ɔwe ɔ sɔthɔ afɔsɔ, ɔwe naŋ bɛ nə nənk dɛ yi nə tȧrȧ. Yao, kȧlanɛ ȧke yi ro ŋɔŋ kə po sɔŋ kɔ kayenk mədɛr kəgbenthis ka kȧbəprȧnɛ ka nu bɛ.

AŋRomans 1:4

kɛrɛ ka ɔYina ka məsəm-e, kȧyokanɛ kɔŋ ka rȧfi kə tɔri kəpa ɔ yi ɔWan ka Kuru tɛntɛnɛ rə afɔsɔ.

AŋRomans 14:9

Tesoma Krayst ɔ fi, kɔ kȧl kəli, kȧmȧ ɔ gbəli yi ɔMarki ka aŋfi dɛ yi ka aŋkəli.

AŋRomans 6:4

Tiyȧŋ ka ȧŋbaftisəm ȧsu a maŋk su yi kɔn ka rəfi, soma mɔ mə a yɔ Krayst ɔ kȧl yokanɛ kətɔŋ ka aŋfi-e, ka aŋfɔsɔ ŋa ɔKas-e, yaŋ sɔ saŋ sə yi tə kəkɔth ka aroŋ da aŋesəm afu.

1 AŋKɔrenth 1:25

Pəkasifɛ rapənk ra Kuru rə thasi kȧtemp ka afəm, ɔwa mȧrȧnt ma Kuru mə ba afɔsɔ athasi aŋfɔsɔ ŋa afəm.

1 AŋKɔrenth 15:43

A sak ŋa rə kəte ba ayiki, a kȧl yokas ŋa rə afɔsɔ.

1 AŋKɔrenth 2:3

Ka i yi kətɔŋ ka nu rə mərant, yi rənes, yi rə kəyɛr kəlay.

1 AŋKɔrenth 6:14

Mɔ mə Kuru ɔ po yokas ɔMarki ka rəfi-e, yaŋ pə yi sɔ ka aŋfɔsɔ ŋɔŋ-e, ɔ tə yɔ su sə kȧl yokanɛ ka rəfi.

2 AŋKɔrenth 10:10

Wuni lɔm ɔ tə pa, Ɛreka ya Pɔl ɛ yi ɛlel dɛ yi ɛbȧki mədɛr, kɛrɛ kȧbəpər kɔŋ kə yi kərant, dɛ yi kafɔf kɔŋ kə yi gbo kəyai.

2 AŋKɔrenth 12:10

Tiyȧŋ i ba məbɔnɛ də rəyai-o, rə tənal-o, rə mɔnɛ-o, rə təsɔmpanɛ-o, dɛ yi rə məkɛthanɛ salata Kraystȧŋ, kotȧy-e ma i yi urant-e, ȧŋlɔkɔ ŋati i yi ubaki mədɛr.

2 AŋKɔrenth 13:9

Ȧtesoma-e sə ba məbɔnɛ ma sə yi arȧnt, dɛ yi naŋ nə abȧki mədɛr; ta ȧte tə mə sə ramnɛ sɔ, pə yi mɔ ta kagbenthis ka kȧlanɛ ka nu.

AŋFilipai 3:10

Kaŋka gbo i gbəli tȧrȧ kɔ yi aŋfɔsɔ ŋa kakal yokanɛ kɔŋ ka rafi, tə kəyeranɛ ȧŋsɔmpanɛŋ ŋɔŋ, ɔwa sɔ-e, kȧmȧ i fi hali mɔ kɔnɔ ɔ fi.

AŋHibru 5:7

Ɔwa Yisɔsȧŋ, ȧke ɔ yi nɔru-e, ɔ sel ɛrɔŋ dɛ yi ɔ wur mantər ma mɔ ramnɛ kəramnɛ yi kənɛmthɛnɛ kəsɔbɛ, ka kɔn ɔwe ba afɔsɔ tə kəkisis kɔ ka rəfi. Ɔwa a təl taramnɛ tɔŋ asabu ŋa ranes ara ɔ ba ka Kuru Məsaba.

1 Pitar 3:18

kotȧy-e Kraystȧŋ ɔ po thɔŋ nakasi win haŋ thəbana ta ɛhakɛ, ɔlompi ɔ sɔmpanɛ ta aŋkənȧ, kȧmȧ ɔ gbəli kȧrȧ su ka Kuru. A dif kɔ ka madɛr, kɛrɛ a kəlis kɔ ka ɔYina.

1 Pitar 3:22

ɔwe po kɔnɛ ro riyana, kɔ yi ka kȧdiyɔ ka Kuru; ɔwa amaleka-o, ɛfɔsɔ-o, yi təbomp bɛ aŋ sanɛ thɔŋ ro rɔŋɔŋ.