2 AŋKɔrenth 13:11 - Ȧŋlemrȧnɛ Ȧfu

¹¹ Ka kaləpsɔ, awɔnt, maŋ dirȧ nu yɔ. Yi nu apons, yi nu abɛfəth, ba nu ȧmerȧ ŋin, yirȧ ka məthɔfəl; ɔwa ɔKuru ka məbɔthər dɛ yi məthɔfəl ɔ tə yi yi naŋ.

2 AŋKɔrenth 13:11 ပူးပေါင်းရင်းမြစ်များ

Mathiu 1:23

Kǝla, ufanɛ ɔ tǝ gbasi kor, Ɔ tǝ kom wath uruni, Ɔwa a tǝ bont kɔ ŋes, Imanuɛl, (aŋa a tepa kǝpa Kuruȧŋ ɔ yi dɛ yi saŋ).

Mathiu 5:48

Tiyȧŋ yi nu agbenthis mɔ mǝ ɔKas ka nu ɔwe yi ro riyana ɔ yi ugbenthis.

Mark 10:49

Ka Yisɔsȧŋ ɔ təmȧ, ɔ yamari kȧmȧ aŋ tela kɔ. Kaŋ tela ɔwuni ufith, aŋ pa ro ŋɔŋ, Bȧk kəbuth, yokanɛ, ɔ tela mu.

Mark 9:50

Amɛr mə finɔ, kɛrɛ bepi mə rant-e, ko rəka rə mə bɔthəs ma-e? Nia gbeŋ nə ba kəyi mɛr ka ɛyɛthɛ nu, ɔwa yirȧ yi məthɔfəl ukin yi ulɔm.

Luk 9:61

Ulɔm sɔ ɔ pa, Pa, minɛ i ti tȧŋ mu, kɛrɛ ter mi ras kȧmȧ i kɔ lemnɛ ŋaŋ aŋa yi ro seth kȧmi.

Yɔn 17:23

minɛŋ rokor ka ŋaŋ, yi munɔŋ rokor kȧmi, kȧmȧ aŋ ba ȧmerȧ ŋin agbenthis; kȧmȧ ȧdȧru rə tȧrȧ kəpa munɔ som mi, ɔwa mə bɔthər ŋa mɔ mȧ mə bɔthər mi.

Mȧyɔs ma aŋsom 15:29

kəpa nə gbapɛ ɛyɛt ɛyɛ a po wurɔ ta sathka, ɛyɛt ɛbumərnɛ, yi mətir, dɛ yi ɛsɛm aŋe a dif kəte loŋ mətir, yi kərəp. Bepi nə sobinɛ ka mȧtȧy ame-e, pə tə yi nu ɔfinɔ. Maŋ piar nu.

Mȧyɔs ma aŋsom 18:21

kɛrɛ ma ɔ lemnɛ ŋa ɔ pa, I ti kȧl der sɔ ro rɔnu bepi Kurɔŋ ɔ selɔ. Kɔ bȧkȧ rə abil kəwur ro Ɛfisɔs.

Mȧyɔs ma aŋsom 23:30

Ɔwa ma a tɔri mi kəpa a po sek yaŋfa ta ɔlaŋgba-e, i somra kɔ ro rɔmu, ɔwa i yamari aŋa gbanthir kɔ kȧmȧ aŋ kanɛ mu ȧtȧy ȧtȧ aŋ gbanthir kɔ-e. Ta məthɔfəl mə yi ro rɔmu.

AŋRomans 12:16

Ba nu dim din ukin yi ulɔm, ɔwa te nu nanɛ mȧtȧy məbana gbo gbɛt, kɛrɛ nanɛ sɔ mȧtȧy məlɔl. Te nu yi abonɛ tȧy rə ȧmerȧ.

AŋRomans 12:18

Bepi pə gbəli yi-e, mɔlɔ ma nə gbəli bɛ-e, yirȧ nu ka məthɔfəl yi afəm bɛ.

AŋRomans 14:19

Tiyȧŋ maŋ taŋanɛ nu mȧtȧy ama mə sɔŋ məthɔfəl, yi mȧtȧy ama mə tempəs ukin yi ulɔmȧŋ.

AŋRomans 15:13

Kaŋka ɔKuru ka kəgbak ȧmerȧ ɔ lasər nu rə məbɔnɛ yi məthɔfəl salata kȧlanɛ, kȧmȧ mə gbəli la yi kəgbak ȧmerȧ ka aŋfɔsɔ ŋa ɔYina məsəm.

AŋRomans 15:33

Ta ɔKuru ka məthɔfəl ɔ yi yi naŋ bɛ. Amina.

AŋRomans 16:20

Kaŋka ɔKuru ka məthɔfəl ɔ tə gbəmər Sethani ka tatək ta nu ratha thani. Ta ȧŋboŋa ŋa ɔMarki kȧsu Yisɔs Krayst aŋ yi yi naŋ.

1 AŋKɔrenth 1:10

Ɔmari nu, awɔnt, ka ȧŋes ŋa ɔMarki kȧsu Yisɔs Kraystȧŋ, i nɛmthɛnɛ nu kȧmȧ nə ba rim din, dɛ yi kȧmȧ ɔgbaskɛ gbaskɛ ɔ te yi kətɔŋ ka nu, kɛrɛ ba nu ȧmerȧ ŋin yi məgbək min.

2 AŋKɔrenth 1:4

ɔwe mə bɛfəth su ka ɛsɔmpanɛ ɛ su bɛ, kȧmȧ saŋ sɔ sə gbəli bɛfəth ŋaŋ aŋa yi rə asɔmpanɛ o sɔmpanɛ, kətȧŋȧnɛ ka kȧbɛfəth gbeŋ ȧke Kuru mɔ bɛfəth su.

2 AŋKɔrenth 13:14

Ta ȧŋboŋa ŋa ɔMarki Yisɔs Krayst, yi mabɔthər ma Kuru yi mamanɛ ma ɔYina məsəm mə yi yi naŋ bɛ. Amina.

2 AŋKɔrenth 13:9

Ȧtesoma-e sə ba məbɔnɛ ma sə yi arȧnt, dɛ yi naŋ nə abȧki mədɛr; ta ȧte tə mə sə ramnɛ sɔ, pə yi mɔ ta kagbenthis ka kȧlanɛ ka nu.

AŋƐfisɔs 4:12

salata kagbenthis ka aŋsəm, ta mapanth ma kəbatho dɛ yi tə kəbaksər ȧŋdɛr ŋa Krayst.

AŋƐfisɔs 4:3

Bȧsər nu kəba ȧmerȧ ŋin ka ɔYina rə məsekəranɛ ma məthɔfəl.

AŋƐfisɔs 6:23

Ta məthɔfəl mə yi ka aŋwɔnt dɛ yi məbɔthər rə kəlanɛ, kəwur ka Kuru ɔKas dɛ yi ɔMarki Yisɔs Kraystȧŋ.

AŋFilipai 1:27

Kɛrɛ yɔ nu kȧmȧ mȧyɔs ma nu mə yi məgbɛt ta ȧkɛra kəfinɔ ka Kraystȧŋ; kȧmȧ pə yi-e, bepi i der kori nu, thalɔm i bəpər hɛ, i gbəli təl ta mȧyɔs ma nu, kəpa nə təmȧ kəŋkəŋ ka mȧyi min dɛ yi ȧmerȧ ŋin tə kətim ta kȧlanɛ ka ȧkɛra kəfinɔ ka Kuru.

AŋFilipai 3:16

Kɛrɛ ta mȧtȧy ama sə po thɔŋ sɔthɔ-e, maŋ bȧsər nu kəyi abɔthi lanɛ.

AŋFilipai 4:2

I nɛmthɛnɛ Iyodiya yi Sintiki kȧmȧ aŋ ba ȧmerȧ ŋin ka ɔMarki.

AŋFilipai 4:4

Ba nu məbɔnɛ ka ɔMarki lɔkɔ o lɔkɔ; ɔwa i kȧl pa yi sɔ, ba nu məbɔnɛ.

AŋFilipai 4:9

Ɔwa mȧtȧy ama minɛ i poŋ thəksa nu, dɛ yi ama nə poŋ təl dɛ yi nə po nənk do rɔmi, wop ma nu ɔbaksər. Ɔwa ɔKuru ka məthɔfəl ɔ tə yi yi naŋ.

1 AŋThɛsȧlonika 3:10

Ma pə yi-e i ramnɛ sɔbɛ gbɛs pali-əŋ kȧmȧ sə gbəli nənk aser ta nu, kȧmȧ sə gbəli gbenthis ara nə te ba ka kȧlanɛ ka nu.

1 AŋThɛsȧlonika 4:1

Ka kaləpsɔ sə nɛmthɛnɛ nu awɔnt, ɔwa sə maŋ nu ka ɔMarki Yisɔs, kəpa mɔ mə sə po tɔri nu to nə yi tə kəkɔth dɛ yi tə kəbɔnɛs Kuru-e, mɔlɔ min mɔ mə nə kɔth thɔŋ ka-ake, ɔwa bȧsər nu kɔ kədi.

1 AŋThɛsȧlonika 4:18

Te ba ti bɛfəthanɛ ɛmerȧ ɛ nu rə ȧsim ȧte.

1 AŋThɛsȧlonika 5:13

Ɔwa nə yi tə kəlambe ŋa finɔ ka məbɔthər salata mapanth maŋ. Kal ba nu məthɔfəl kətɔŋ ka nu.

1 AŋThɛsȧlonika 5:16

Ba nu məbɔnɛ lɔkɔ o lɔkɔ.

1 AŋThɛsȧlonika 5:23

Kaŋka ɔKuru ka məthɔfəl gbeŋ ɔ səməs nu ɔlolok; aŋko, ɔ bɛnɛ ɛyina, yi ɛŋesəm, dɛ yi madɛr ma nu ɛgbenthis, kəte ba məthɛkɛ haŋ kȧder ka ɔMarki kȧsu Yisɔs Krayst.

2 AŋThɛsȧlonika 2:16

Ɔwa ka-ake, ɔMarki kȧsu Yisɔs Krayst kɔn kɔnɔnɛ, yi Kuru ɔKas kȧsu ɔwe po bɔthər su, dɛ yi ɔwe sɔŋ su kəbɛfəth dɛ yi kəgbak ȧmerȧ kəthəbana kətȧŋȧnɛ ȧŋboŋa ŋɔŋ,

2 AŋThɛsȧlonika 3:1

Ka kaləpsɔ awɔnt, ramnɛ nu ta ȧtȧ su kȧmȧ ȧrim ra ɔMarki rə gbəli gbukɛ rodi, rə kəsɔthɔ yiki mɔ mə rə poŋ thɔŋ sɔthɔ do rɔnu,

2 AŋThɛsȧlonika 3:16

Kaŋka ɔMarki gbeŋ ka məthɔfəl ɔ sɔŋ nu məthɔfəl lɔkɔ o lɔkɔ rə tȧy o tȧy. Ta ɔMarki ɔ yi dɛ yi naŋ bɛ.

2 Timɔthi 2:22

Gbukɛ sɔ ɛfela ɛləs ya rȧfɛth, kɛrɛ tȧŋ məlompi, yi kəlanɛ, yi məbɔthər, yi məthɔfəl rɛ ŋaŋ aŋa tela ka ɔMarki rə ɛmerȧ ɛfera.

AŋHibru 12:14

Tȧŋ nu məthɔfəl rə afəm bɛ, yi masəm ama pə yi-e, thambe wuni ɔ ba ma-e, ɔ gbəli hɛ nənk ɔMarki.

AŋHibru 13:20

Ɔwa ka-ake kaŋka ɔKuru ka mȧthɔfəl ɔwe poŋ yokas ɔMarki kȧsu Yisɔs ka rəfi-e, ɔTɔl talɔmɛ ubana; kətȧŋȧnɛ ka mȧtir ma aŋlemranɛ athəbana-e,

Yeməs 1:4

Kɛrɛ yɔ nu kȧmȧ kȧmuyu kə yɔ mapanth məpons mati kȧmȧ naŋ sɔ nə yi agbenthis, alolok, dɛ yi kȧmȧ nə te paŋ rəka o rəka.

1 Pitar 3:11

Ta ɔ pɛnsa tələs, ta ɔ yɔ təfinɔ; Ta ɔ thɛns məthɔfəl kȧmȧ ɔ bȧkərȧ ma.

1 Pitar 3:8

Tiyȧŋ ba nu ȧmerȧ ŋin, ba nu ȧney, bɔthərȧnɛ nu mɔ awɔnt, tɔri ȧmerȧ athoranɛ.

1 Pitar 5:10

Kɛrɛ ɔKuru ka aboŋa bɛ, ɔwe po tela su tə kəwɔŋ ka aŋyiki ŋɔŋ athəbana-e, kətaŋ ka Krayst Yisɔsȧŋ, ma nə po nakasi ɔthan-e, kɔn kɔnɔnɛ ɔ tə gbenthis nu, ɔ tə bȧksər nu, ɔ tə lompəs nu.

Kȧŋȧibinɛ 22:21

Aŋboŋa ŋa ɔMarki kȧsu Yisɔs Krayst aŋ yi yi aŋsəm bɛ. Amina.