2 AŋKɔrenth 11:6 - Ȧŋlemrȧnɛ Ȧfu

⁶ Hali ma i yi uyay ka kəfɔf-e, i yi hɛ uyay ka kətara tȧy; sə poŋ ti tɔri gbafəth kətɔŋ ka nu bɛ rə roŋ o roŋ.

2 AŋKɔrenth 11:6 ပူးပေါင်းရင်းမြစ်များ

1 AŋKɔrenth 1:17

kotȧy-e Krayst ɔ som hɛ mi tə kəbaptais, kɛrɛ ɔ som mi tə kəkawandi mapa məfinɔ ma Kuru; pə yi hɛ rə kətemp dɛ yi sim təfinɔ, ta thani a yɔ akənt kəpəŋkinɛ ka Krayst kə səkɛ yay.

1 AŋKɔrenth 1:21

Ma pə yi kətȧŋȧnɛ ka kȧtemp ka ȧdȧru-e adaru rə tɛ hɛ Kuru-e, rodarəŋ kati Kurɔŋ ka kȧtemp kɔŋ, ɔ thith tə kəkisis aŋa lanɛ ka ȧŋpənk ŋa kakawandi.

1 AŋKɔrenth 12:8

Ka ukin ɔYina məsəm mɔ sɔŋ ȧrim ra kȧtemp; ka ulɔm ȧrim ra kȧtara tȧy kəwur ka ɔYina ɔkin kati;

1 AŋKɔrenth 2:13

Ta mȧtȧy ame gbeŋ tə mə sə fɔf, pə yi hɛ rə ȧsim ȧte kȧtemp ka rəwuni kəpet mə tə thəksa-e, kɛrɛ rə ȧsim ȧte ɔYina məsəm ɔ thəksa, kȧmȧ sə yɛksi mȧtȧy ma ɔYina ka aŋa mə ba ɔYina məsəm.

2 AŋKɔrenth 10:10

Wuni lɔm ɔ tə pa, Ɛreka ya Pɔl ɛ yi ɛlel dɛ yi ɛbȧki mədɛr, kɛrɛ kȧbəpər kɔŋ kə yi kərant, dɛ yi kafɔf kɔŋ kə yi gbo kəyai.

2 AŋKɔrenth 12:12

Tə tɛntɛnɛ i po yɔ ɛmisali ya usəm utəteŋ kətɔŋ ka nu rə kəmuyu bɛ, ka ɛmisali-e, ka mȧtȧy məkabanɛ-e, yi ka məyɔs ma kȧgbəli tȧy.

2 AŋKɔrenth 4:2

ka sə po ter mȧtȧy məmaŋknɛ ma məlap, sə kɔth hɛ rə məsɔth, sə kianɛ hɛ ȧrim ra Kuru rə kəpəŋis, kɛrɛ rə kətɔri tȧteŋ gbafəth-e, sə kolonɛ ka ȧŋmerȧ ŋa wuni o wuni rodi ka Kuru.

2 AŋKɔrenth 5:11

Tiyȧŋ ma sə tȧrȧ ɔninis wa ɔMariki-e, sə thɔnthɔ afəm. Ɔwa Kuru ɔ tȧrȧ ɛnanɛ ɛ su, ka i lanɛ kəpa naŋ nə tȧrȧ yi sɔ.

2 AŋKɔrenth 6:6

ka kəgbəransnɛ, ka kətara tȧy, ka kəmuyu kəlele, ka məthɔth, ka ɔYina məsəm, ka mabɔthər ma təteŋ,

2 AŋKɔrenth 7:2

Malanɛ su ka ɛmerȧ ɛ nu; sə tha yɔ hɛ wuni o wuni ɔləs, sə tha ləsər hɛ wuni o wuni, sə tha yɔ hɛ wuni o wuni kansoŋ.

AŋƐfisɔs 3:4

kȧmȧ pə yi ma nə karaŋ nə tə tȧrȧ kȧsɔthnɛ kȧmi ka aŋgbundu ŋa Kraystȧŋ.