2 AŋKɔrenth 11:3 - Ȧŋlemrȧnɛ Ȧfu

³ Kɛrɛ i soli ta thani mɔ mə ȧŋbok ɔ tɔns Ma Hawa ka masɔth mɔŋ-e, yaŋ sɔ ɛmerȧ ɛ nu ɛ tə yɛthȧ kəwur ka ɔfɔy tȧy dɛ yi ɔfethər ɔwe yi ka Kraystȧŋ.

2 AŋKɔrenth 11:3 ပူးပေါင်းရင်းမြစ်များ

Mathiu 24:24

kotȧy-e aKrayst ayem yi anȧbi ayem aŋ tǝ yokanɛ, aŋ tǝ tɔri ɛmisali ɛbana yi mətȧy mǝkabanɛ, kȧmȧ a yɛthǝs aŋthith ŋa Kuru bepi pǝ fɔi tȧy.

Yɔn 8:44

Nia nə yi ka ɔkas ka nu Sethani, ɔwa ɛfela ya ɔkas ka nu yɛ nə yema yɔ. Ɔ yi udif kȧbi ka katəp, ɔ təmȧ hɛ ka tȧteŋ, pəkasifɛ tȧteŋ tə yi hɛ ro ŋɔŋ. Ma ɔ fɔf rəyem-e, ɔ fɔf ta atɔŋ: ȧtesoma-e uyem wɔŋ, yi ɔkas kati.

AŋRomans 12:8

dɛ yi ɔwe mə maŋ afəm-e, ka kȧmȧŋ kɔŋ; ɔwe mə boya-e, ta ɔ yɔ ti rə ȧmerȧ aselɔ; ɔwe mə gbəka-e ta ɔ yɔ ti rə kəbotnɛ ȧmerȧ; ɔwe mə tɔri ȧney-e, ta ɔ yɔ ti rə məbɔnɛ.

2 AŋKɔrenth 1:12

Kakolonɛ kȧsu ki ake, pə yi mɔ-e, aseri ŋa ɛmerȧ ɛ su-e, kəpa rə məsəm yi tȧteŋ rodi ka Kuru, pə yi hɛ rə kȧtemp ka rawuni kəpet kɛrɛ ka ȧŋboŋa ŋa Kuru, sə po kɔth ka ȧdȧru, ɔwa pə tha gbethi ro rɔnu.

2 AŋKɔrenth 11:20

kotȧy-e nə muyu wuni bepi ɔ kera nu rə kɛndɛbira, bepi ɔ yɔ nu aharamu, bepi ɔ nɔy nu ɛyɛt ɛ nu, bepi ɔ ŋatanɛ, bepi ɔ gbantha nu ro der.

2 AŋKɔrenth 11:29

Kanɛ gbɔgbəthȧ-a, i te gbɔgbəthȧ-e? Wuni reke mə a yɔ ɔ pənthbəla-e, minɛ i te ba ti məbaŋ-e?

2 AŋKɔrenth 2:17

kotȧy-e sə yi hɛ mɔ agbȧthi aŋa mə ləsər ȧrim ra Kuru, kɛrɛ sə fɔf ta Krayst rɛ ȧmerȧ ȧferȧ mɔ anthith ŋa Kuru ka kȧbəprȧnɛ kɔŋ.

2 AŋKɔrenth 4:2

ka sə po ter mȧtȧy məmaŋknɛ ma məlap, sə kɔth hɛ rə məsɔth, sə kianɛ hɛ ȧrim ra Kuru rə kəpəŋis, kɛrɛ rə kətɔri tȧteŋ gbafəth-e, sə kolonɛ ka ȧŋmerȧ ŋa wuni o wuni rodi ka Kuru.

AŋKȧletia 1:6

I kabanɛ ma nə yeŋk gbapɛ ɔwe muti nu ka ȧŋboŋa ŋa Krayst tə kəlafthɛ ka kɛra kəlɔm.

AŋKȧletia 2:4

I yɔ ti salata awɔnt ayem aŋa po wɔŋ sɔy, kȧmȧ aŋ de dəkər ta rȧwankom ra su ara sə ba ka Krayst Yisɔs, kȧmȧ a wɔŋȧ su rə kɛndɛbira,

AŋKȧletia 3:1

O naŋ aKaletia aŋa te ba kətemp kəbeki-e, kanɛ serəs nu-e kȧmȧ nə te wop tȧteŋ, kədarəŋ ka a po tɔri nu gbafəth kəpa a po tȧŋ Krayst ka akənt kəpəŋkinɛ-e?

AŋKȧletia 4:11

I ba asoli ta ȧtȧ nu, ta thani i poŋ yɔ məpanth ta ȧtȧ nu kətiŋ.

AŋƐfisɔs 4:14

Kama sə te sɔ yi afɛth aŋa aŋfef ŋa kəthəksa o thəksa mə aŋ falir-e, pə yi mɔ ayaŋfa ŋa afəm ka masɔth maŋ rə kȧyɔ kȧrȧfu kȧrȧfu.

AŋƐfisɔs 4:22

Kama nə bus aruma ra rawuni kur yi matanɛ ma nu thəpaŋ ara mə bȧr gbo ləsərnɛ ka ɛmilɛ ɛyaŋfa.

AŋƐfisɔs 6:24

Ta aboŋa aŋ yi dɛ yi ŋa bɛ aŋa bɔthər ɔMarki kȧsu Yisɔs Kraystȧŋ rə ȧmerȧ ȧferȧ. Amina.

AŋKɔlɔsi 2:18

Te selɔ wuni o wuni ɔ keyr nu ȧŋrȧm a nu rə kəyɔ nu nə ba kəthoranɛ kəyɔr, thalɔm rə kəbatho amaleka; pə yi wuni ɔwe mə kori korinɛ ka manəŋk ama ɔ po nənk, kɔ ŋatanɛ rə ȧmerȧ afoth kətȧŋȧnɛ ka mafela ma madɛr.

AŋKɔlɔsi 2:4

Ɔwa i pa ȧte, kȧmȧ wuni o wuni ɔ te tons nu yi təfɔf təbɔthi təl.

AŋKɔlɔsi 2:8

Bumnɛ nu kȧmȧ wuni o wuni ɔ te ləsər nu rə mətamtamnɛ yi ayaŋfa ayay yay, kətaŋ ka ɛnanɛ ya afəm a kəpet dɛ yi ka mayi ma ȧdȧru are-e, pə yi hɛ kətaŋ ka Krayst.

1 AŋThɛsȧlonika 3:5

Te ba ti sɔ-e, ma i te sɔ gbəli muyu-e, i som kȧmȧ i gbəli tȧrȧ ta kȧlanɛ ka nu, ta thani rə roŋ o roŋ ɔgbɔns ɔ gbɔns nu haŋ pə yi mapanth ma su mə tiyȧ fu.

1 Timɔthi 1:3

Ma i yi ka ȧŋbiyas aŋe ro Masidonya-e, i poŋ pər mu kȧmȧ mə tiyȧ ro Ɛfisɔs tə kəmaŋ afəm alɔm kȧmȧ aŋ te thəksa təpa o pa təlɔm təfu.

1 Timɔthi 2:14

A tɔns hɛ Adȧm, kɛrɛ a tɔns ɔrani kɔŋ, kɔ fumpɔ ka ahakɛ.

2 Timɔthi 3:13

Kɛrɛ afəm aləs yi afəm ayaŋfa aŋ tə bȧr gbo yi aləs, aŋ tə tɔns alɔm, ɔwa aŋ tə tɔnsnɛ.

Taytɔs 1:10

kotȧy-e afəm agbȧthi aŋ yi ri aŋa yɔ kȧrȧfu kȧrȧfu, afu fa fu rə kəfɔf ŋaŋ, ɔwa aŋ pəŋis afəm, pə tha gbethi ŋaŋ ka ȧŋbirons.

AŋHibru 13:9

Te nu lafthɛ ka mȧthəksa mətel məgbanthɛ tətəp, kotȧy-e pǝ yi ɔfinɔ bepi a bȧkəs ɛmerȧ ɛ nu rɛ aboŋa-e, beta rɛ masəm ma ɛyɛt ɛdi ama te gbəli mar ŋaŋ aŋa wop ma.

2 Pitar 3:17

Tiyȧŋ abɔthər, ma nə po tȧrȧ mȧtȧy ame, bumnɛ nu kȧmȧ nə te sapəra ka kayɛtha ka aŋfəm aləs, yi kȧmȧ nə te fumpɔ kəwur ka matəma ma nu məfinɔ.

2 Pitar 3:3

Kɛrɛ tȧrȧ nu ȧte, kəpa ye afəm asel tȧy aŋ tə der ka marey mələpsɔ aŋa mə kɔth gbo ka mafela mələs maŋ gbeŋ.

1 Yɔn 2:18

Awuth alɔl, marey mələpsɔ mi ame: ɔwa ma nə po təl kəpa ukraist uyem ɔ tə der, hali ka-ake akraist ayem agbȧthi aŋ yi: tesom sə tȧrȧ kəpa marey mələpsɔ mə po bek.

1 Yɔn 4:1

Abɔthər, te nu lanɛ ɛyina bɛ, kɛrɛ mɛm yi bepi ɛ yi ka Kuru: pəkasifɛ anȧbi ayem agbȧthi aŋ yi ka ȧdȧru.

Yud 1:4

kotȧy-e afəm alɔm aŋ po wɔŋ sɔy, aŋfəm aŋa a po gbəka matheri maŋ ɔwoni thɔŋ, afəm aŋa te tȧrȧ Kuru aŋa lȧfthi ȧŋboŋa ŋa ɔKuru kȧsu ka mafela maŋ maləs, ɔwa aŋ pɛnsanɛ Yisɔs Krayst ɔMarki kȧsu gbo son.

Kȧŋȧibinɛ 12:15

Ka ȧŋbok ɔ thuf mȧnt kəwur ka kȧsəŋ kɔŋ mɔ mȧnt məfɔl kətaŋ ɔwuni bom kȧmȧ ɔ dim kɔ ka mȧgbonthoni mati.

Kȧŋȧibinɛ 12:9

Ka a wurɔ ȧŋninkinanka ubana, pə yi mɔ ȧŋbok ukur ɔwe a tela ɔkərəfi dɛ yi Sethani, ɔwe tɔns ȧdȧru bɛ. Ka a fitha kɔ ka ȧdȧru dɛ yi aŋmȧleka ŋɔŋ sɔ.

Kȧŋȧibinɛ 20:2

Ɔwa ɔ wop ȧŋninkinanka, ȧŋbok ubaki kati, ɔwe yi ɔkərəfi dɛ yi Sethani, kɔ tand kɔ ta təren awul ŋin.