2 AŋKɔrenth 11:22 - Ȧŋlemrȧnɛ Ȧfu

²² Ŋa yi aHibru-i? Minɛ sɔ. Ŋa yi aIsrɛl-i? Minɛ sɔ. Ŋa yi awuth ŋa Ebraham-i? Ɔwa minɛ sɔ gbo.

2 AŋKɔrenth 11:22 ပူးပေါင်းရင်းမြစ်များ

Mathiu 3:9

Ɔwa te nu nanɛ ka ɛmerȧ ɛ nu kǝpa, Sǝ ba Ebraham ta ɔkas kȧsu; kotȧy-e i kanɛ nu Kuruȧŋ ɔ gbǝli yokas awuth ta Ebraham ka masar ame.

Mȧyɔs ma aŋsom 22:3

Minɛ i yi uYuda, a kom mi ro Tarsɔs ȧke yi ro Silisia, kɛrɛ a rusəm mi ka kȧpet ake ka ȧtȧtək ta Kamaliyɛl, a thəksa mi finɔ mɔ matanɛ məgbenthis ma ȧŋthɔ ŋa aŋkas a su mə yi, ka afela abaŋ aŋ wop mi ta Kuru, hali mɔ mə naŋ nə yi thonɔŋ.

Mȧyɔs ma aŋsom 6:1

Ɔwa ka marey mati, ma aŋyirka ŋa aŋkarande aŋ bȧrnɛ-e, aŋYuda aŋa a kom ro Kris aŋ fɔfəthanɛ salata aŋHibru, pəkasifɛ a pəl ȧŋbora ŋaŋ ka mapanth ma kəyerəs ȧrey o rei.

AŋRomans 11:1

Tiyȧŋ i yif thɔŋ, Kuru-e ɔ poŋ fitha aŋfəm ŋɔŋ-i? Saki ti. Kotȧy-e minɛ sɔ i yi uIsreɛl ka rȧkomra ra Ebraham, ka ȧŋbɔnshɔ ŋa Bɛnyamin.

AŋRomans 9:4

aŋa yi aŋIsrɛl; aŋa ba ȧŋes ŋa aŋwuth ŋa Kuru, yi aŋyiki, yi ɛlemranɛ, yi kasɔŋ ȧŋthɔ, yi kabȧtho ka ȧŋseth ŋa Kuru dɛ yi ɛlahiri.

AŋKȧletia 3:16

Ɔwa a sɔŋ ɛlahiri ka Ebraham yi ȧŋter ŋɔŋ. Ɔ pa hɛ, Ka mater, mɔ mə yi məgbathi; kɛrɛ, Ka ȧŋter a mu, ɔwe yi Kraystȧŋ.

AŋFilipai 3:5

Ka ȧŋrey aŋa bekȧ tamthərɛsas a birons mi, ka ȧŋbona ŋa Isrɛl, ka ȧŋbɔnshɔ ŋa Bɛnyamin, uHibru ka aŋHibru; kətȧŋȧnɛ ka ȧŋthɔ, uFarisi;