2 AŋKɔrenth 11:2 - Ȧŋlemrȧnɛ Ȧfu

² Kəbi i ba kətut ta ȧtȧ nu, pə yi mɔ-e katut ka Kuru, kotȧy-e i po fath nu ka Krayst mɔ a fathȧ ufanɛ ulompi ka uwos ukin.

2 AŋKɔrenth 11:2 ပူးပေါင်းရင်းမြစ်များ

Yɔn 3:29

Kɔnɔ ɔwe ba ɔbɛra ufath-e kɔnɔ yi ɔruni ufath: kɛrɛ ɔyathki ka ɔruni ufath, ɔwe təmȧ kɔ rayɛr ɔwa ɔ təlȧ kɔ-e, ɔ ba məbɔnɛ məbana ta kətəl ȧrim ra ɔruni ufath: tiyȧŋ mabɔnɛ ma mi ame mə gbenthis.

AŋRomans 7:4

Ɔwa aŋwɔnt a mi, naŋ sɔ nə po fi salata ȧŋthɔ asabu ŋa ȧŋdɛr ŋa Krayst, kȧmȧ nə gbəli balȧ ka ulɔm, pə yi mɔ ka kɔn ɔwe po yokanɛ ka rəfi, kȧmȧ sə wur məkomi ta Kuru Məsaba-əŋ.

1 AŋKɔrenth 4:15

kotȧy-e, hali nə ba naŋ akarmɔkɔ ɛwul tɔfɔt ka Kraist-e, nə gbəli hɛ ba akas agbȧthi. Kotȧy-e minɛ i yi ɔkas ka nu ka Krayst Yisɔsȧŋ asabu ŋa mapa məfinɔ ma Kuru.

2 AŋKɔrenth 4:14

kȧbi sə tȧrȧ kəpa kɔn ɔwe yokas ɔMarki Yisɔs ka rəfi-e, ɔ tə yokas su sɔ kətȧŋȧnɛ ka Yisɔs, ɔwa ɔ tə kȧrȧ su yi naŋ ka kȧbəprȧnɛ kɔŋ.

AŋKȧletia 4:11

I ba asoli ta ȧtȧ nu, ta thani i poŋ yɔ məpanth ta ȧtȧ nu kətiŋ.

AŋFilipai 1:8

Kuru ɔ yi maseri ma mi ko kiro i ba ta ȧtȧ nu bɛ ka mabɔthər ma Yisɔs Kraystȧŋ.

AŋKɔlɔsi 1:28

Ɔwa sə taməs rə kəmaŋ wuni o wuni dɛ yi kəthəksa wuni o wuni rə kətemp bɛ; kȧmȧ sə gbəli lȧnki wuni o wuni ugbenthis rokor ka Krayst Yisɔs.

1 AŋThɛsȧlonika 2:11

Ma pə yi nə tȧrȧ to sə la yɔ nu, mɔ ukas ɔwe thɔnthɔ aŋwuth ŋɔŋ tə kəmaŋ nu, yi kəbaksər nu, dɛ yi kəsɔŋ məseri.

Kȧŋȧibinɛ 14:4

Aŋe, ŋa yi aŋfəm aŋa te pulkinɛ rə afəm abom; ȧtesoma-e aŋ yi agbəraŋ mɔ afanɛ. Aŋe-e, ŋa tȧŋ kaLɔmɛ kəfɛth dɛr o dɛr rə ɔ kɔnɛ. Aŋe-e aŋ yi abani kətɔŋ ka afəm a kəpet mɔ mȧkomi mətɔtɔkɔ ta Kuru dɛ yi ta kaLɔmɛ kəfɛth.