2 AŋKɔrenth 10:5 - Ȧŋlemrȧnɛ Ȧfu

⁵ Sə yɛksi ɛbȧrki ɛləs yi tȧy o tȧy bɛ təŋȧtȧnɛ kəŋamnɛ kȧtȧrȧ ta Kuru, ɔwa sə kȧrȧ rə kɛndɛbira ananɛ o nanɛ tə kəsanɛ ɔKraystȧŋ,

2 AŋKɔrenth 10:5 ပူးပေါင်းရင်းမြစ်များ

Mathiu 15:19

Ȧtesoma-e ɛnanɛ ɛlǝs-o, kǝdifǝth-o, kǝrǝp-o, rǝkeiyo, mǝseri ma rǝyem-o yi kǝfɔf Kuru ɔlǝs-e, ɛ wur ka ȧŋmerȧ.

Luk 1:51

Ɔ po tɔrinɛ afɔsɔ abana yi ȧŋlonk ŋɔŋ. Ɔ po sakthi aŋbonɛ tȧy ka ɛnanɛ ya ɛmerȧ yaŋ.

AŋRomans 1:21

Pəkasifɛ hali maŋ po tȧrȧ Kuru-e, aŋ yikis hɛ kɔ mɔ Kurɔŋ, aŋ mɔmɔ hɛ kɔ, kɛrɛ aŋ səkɛ ayay ka ɛnanɛ yaŋ, ɔwa ɛmerȧ yaŋ ɛpəŋk ɛ po biyȧ.

AŋRomans 1:5

Ka ɔwe sə po sɔthɔ aboŋa yi mapanth ma ɔsom tə kəyɔ afəm ŋa tȧbona bɛ aŋ sanɛ rə kəlanɛ salata ȧŋes ŋɔŋ.

AŋRomans 16:26

(kɛrɛ ka-ake a tɔri ŋa gbafəth asabu ŋa mȧgbal ma Aŋnȧbi kətaŋ ka aŋyamari ŋa ɔKuru uthəbana, kȧmȧ pə re sɔk tȧbona bɛ tə kəwop kȧlanɛ),

AŋRomans 7:23

Kɛrɛ i nənk athɔ alɔm ka malaŋktha ma ȧŋdɛr a mi aŋa mə timanɛ ȧŋthɔ ŋa ȧŋmerȧ a mi tə kəgbasi mi mɔ ukɛndɛbira ratha ka ȧŋthɔ ŋa ahakɛ aŋa yi ka malaŋktha ma ȧŋdɛr a mi.

1 AŋKɔrenth 1:19

Ȧtesoma-e a po gbal ti kəpa, I ti dim kȧtemp ka antempi, Ɔwa i ti ləsər kȧtȧrȧ ka antara tȧy.

1 AŋKɔrenth 3:19

kotȧy-e kȧtemp ka ȧdȧru are kə yi apənk ka Kurɔŋ. Ȧtesoma-e a po gbal kəpa, Ɔ tə wop antempi ka masɔth maŋ gbeŋ.

2 AŋKɔrenth 11:20

kotȧy-e nə muyu wuni bepi ɔ kera nu rə kɛndɛbira, bepi ɔ yɔ nu aharamu, bepi ɔ nɔy nu ɛyɛt ɛ nu, bepi ɔ ŋatanɛ, bepi ɔ gbantha nu ro der.

2 AŋKɔrenth 9:13

Ɔwa ma a gbɛlɛŋ nu asabu ŋa kayerəs ake, aŋ yikis Kuru ta kawop aŋgbithanɛ ka nu ka ȧsim təfinɔ ta Kraystȧŋ, rɛ yi ta kȧfosiri ka nu ta ȧtȧ ŋaŋ, dɛ yi ta afəm bɛ.

AŋFilipai 4:7

Ɔwa kaŋka mathɔfəl ma Kuru ama mə thas kəsɔthnɛ bɛ mə kɔtɛ ɛmerȧ yi ɛnanɛ ɛ nu rokor ka Yisɔs Kraystȧŋ.

2 AŋThɛsȧlonika 2:4

Ɔwe mə tim, kɔ ŋatanɛ kəŋamnɛ kuru o kuru, thalɔm rəka o rəka mə a bȧtho; haŋ thɔŋ kɔnɔ gbeŋ ɔ tə yirȧ ka ȧŋseth ŋa Kuru asəm, kɔ pa kɔn kɔnɔnɛ ɔ yi Kuru Məsabaŋ.

2 AŋThɛsȧlonika 2:8

Ka ȧŋlɔkɔ ŋati ɔwuni thanthonɛ ɔwe ɔ tə wur gbafəth, ɔwe ɔMarki ɔ tə dif yi kaŋesəm ka kȧsəŋ kɔŋ, ɔwa ɔ tə kȧl ləsər kɔ kətȧŋȧnɛ ka kȧbəprȧnɛ kɔŋ kəninis ka kȧder kɔŋ.

AŋHibru 4:12

kotȧy-e ȧrim ra Kuru rə yi rəkəli dɛ yi rəyasyas, rəwɔŋi sɔ pəthasi agbathɔ ŋa ran narəŋ, ɔwa rə gbəli gbai kətɔŋ ka ȧŋmerȧ yi aŋyina, dɛ yi ɔkɔtir yi mȧfith, ɔwa rə gbəli tȧrȧ ɛnanɛ yi mafela ma ȧŋmerȧ.

AŋHibru 5:9

ɔwa ma a po gbenthis kɔ-e, ɔ səkɛ ɔTəpi ka ŋaŋ bɛ aŋa mə sanɛ do rɔŋɔŋ.

1 Pitar 1:2

aŋa pə yi Kuru ɔKas ɔ thith tə kəsəməs kətȧŋȧnɛ ka ɔYina kȧmȧ aŋ sanɛ ka Yisɔs Krayst dɛ yi a wɔnsir ŋa ka mȧtir mɔŋ. Ta aboŋa yi məthɔfəl ɛ bȧrnɛ ro rɔnu.

1 Pitar 1:22

Ɔwa ma nə poŋ thɔŋ gbəransnɛ rə kəsanɛ ka tȧteŋ kəkɔ rə məbɔthər məgbenthis mȧ rȧwɔnt, kətȧŋ ka ɔYina məsəm, kəli nu kȧmȧ nə bɔthərȧnɛ asɔbɛ rə ȧmerȧ ȧferȧ,