2 AŋKɔrenth 10:13 - Ȧŋlemrȧnɛ Ȧfu

¹³ Kɛrɛ saŋ sə yema hɛ gbək ɛyonka pəthas anthuntha, pə yi mɔ-e, anthuntha ŋa magbas ama Kuru ɔ gbasa su tə kəbek do rɔnu.

2 AŋKɔrenth 10:13 ပူးပေါင်းရင်းမြစ်များ

Mathiu 25:15

kɔ sɔŋ ukin ɛtalent tamath, ka ulɔm ɛtalent yɛrǝŋ, ka ulɔm sɔ atalent ŋin; rǝ ukin o kin mɔ mǝ kagbǝli kɔŋ kǝ yi-e. Kɔ kɔnɛ ka ȧŋbiyas ŋɔŋ.

AŋRomans 10:18

Ɔwa i yif, aŋ tha la hɛ təl ras-i? Yao, tɛntɛnɛ kotȧy-e, Tafɔf ta aŋsom tə po gbanthɛnɛ ka ȧdȧru bɛ, Yi ȧsim taŋ haŋ ka ɔgbanthir wa ȧdȧru.

AŋRomans 12:3

kotȧy-e, salata ȧŋboŋa aŋa a sɔŋ mi-e, i pa ka wuni o wuni ɔwe yi kətɔŋ ka nu, ta ɔ te nanɛnɛ pəthas ȧtȧ ɔ yi tə kənanɛ; ta ɔ nanɛ gbo rə ȧmerȧ akəthɛgbɛ, ukin o kin mɔ mȧ Kuru ɔ poŋ thuntha kɔ kȧlanɛ.

AŋRomans 12:6

Ma pə yi ti-e, sə ba ɛboya ɛgbanthɛ kətaŋ ka ȧŋboŋa ma sɔŋ su, pə yi kətaməs mɔ unabi, ta sə yɔ ki mɔlɔ ma kȧlanɛ kȧsu kə yi.

AŋRomans 15:20

Yao i ba afela abaŋ tə kətaməs mapa məfinɔ, pə yi hɛ ro a poŋ thɔŋ bont ȧŋes ŋa Kraystȧŋ, kȧmȧ pə te yi rokɔm ka ɔtəmər wa wuni lɔm;

1 AŋKɔrenth 12:11

Kɛrɛ ɔYina ɔkin kati ɔ yɔ mȧtȧy mati ame bɛ, kɔ yerəs wuni o wuni mɔ mɔ selɔ.

AŋƐfisɔs 4:7

Kɛrɛ a sɔŋ su kin o kin aboŋa kətȧŋȧnɛ ka anthuntha ŋa ȧŋboya ŋa Krayst.

1 Pitar 4:10

mɔ mə wuni o wuni ɔ po sɔthɔ ȧŋboya, ya nə yi tə kəkiyanɛ ŋi rə kəmar ukin dɛ yi ulɔm mɔ ȧbɔy ufinɔ ŋa ȧŋboŋa ŋa Kuru.