2 AŋKɔrenth 10:1 - Ȧŋlemrȧnɛ Ȧfu

¹ Ɔwa minɛ Pɔl, i nɛmthɛnɛ nu ka kathoranɛ yi mathɔfəl ma Krayst, minɛ ɔwe yi uthoranɛ ka kȧbəprȧnɛ ka nu, kɛrɛ ma i te bəpər i fɔfȧnɛ nu rə kəmintha.

2 AŋKɔrenth 10:1 ပူးပေါင်းရင်းမြစ်များ

Mathiu 11:29

Gbasi kȧronke kȧmi nǝ rǝnȧ ki, kȧmȧ nǝ thǝkǝs ro rɔmi; kotȧy-e min thɔfǝl bɛm, i kȧl ba ȧmerȧ athoranɛ, ɔwa nǝ tǝ fir kǝfothanɛ ka ɛŋesǝm ɛ nu.

Mathiu 21:5

Kanɛ nu ɔwan ubɛra ka ro Sayɔn, Kǝli ɔbȧy ka mu ɔ der ro rɔmu, Uthɔfǝl bɛm, ɔ rensa asofali, Asofali ufɛth.

Mȧyɔs ma aŋsom 8:32

Ɔwa ɔdɛr ka mȧgbal məsəm ro ɔ karaŋ ri are, A kera kɔ mɔ kəlɔmɛ tə kəfai; Ɔwa mɔ kəlɔmɛ kəfɛth rodi ka ɔwe ma fon kɔ Yaŋ ɔ te wurɔ dim.

AŋRomans 10:20

Kɛrɛ Aysaya ɔ minthasnɛ tə kəpa ye, Ŋaŋ aŋa te thɛns mi, ŋa fir mi, Ɔwa i po tɔrinɛ do rɔŋaŋ aŋa te yif ta ȧtȧ mi.

AŋRomans 12:1

Tiyȧŋ i nɛmthɛnɛ nu, aŋwɔnt mi, ka ȧŋney ŋa Kuru kȧmȧ nə sɔnd madɛr ma nu mɔ sathka təkəli, təsəm dɛ yi təbeki ta Kurɔŋ; tə yi kabȧtho ka nu kəlompi.

AŋRomans 15:15

Kɛrɛ aŋwɔnt mi i po gbalər nu rə kəmintha kȧmȧ i yɔ nu nə kala ɛmerȧ ɛ nu salata ȧŋboŋa aŋa Kuru ɔ sɔŋ mi,

1 AŋKɔrenth 2:3

Ka i yi kətɔŋ ka nu rə mərant, yi rənes, yi rə kəyɛr kəlay.

1 AŋKɔrenth 4:10

Sə yi apənk salata Krayst, kɛrɛ naŋ nə yi a tempi rokor ka Krayst; sə yi arȧnt, kɛrɛ naŋ nə yi abȧki mədɛr; naŋ nə ba ayiki, kɛrɛ saŋ sə yi afarkɛ.

1 AŋKɔrenth 4:21

Ko naŋ nə yema gbeŋ-e? Nə yema i der rə kəsɛthɛ-i? Thalɔm rə məbɔthər yi ȧmerȧ athɔfəl-i?

2 AŋKɔrenth 10:10

Wuni lɔm ɔ tə pa, Ɛreka ya Pɔl ɛ yi ɛlel dɛ yi ɛbȧki mədɛr, kɛrɛ kȧbəpər kɔŋ kə yi kərant, dɛ yi kafɔf kɔŋ kə yi gbo kəyai.

2 AŋKɔrenth 10:2

Kɛrɛ i nɛmthɛnɛ kȧmȧ nə te yɔ i tɔri ka kȧbəprȧnɛ ka nu kamintha kəbaki kati ȧke i nanɛ tə kətɔri afəm alɔm, aŋa nanɛ sə kɔth kətaŋ ka mayi ma rawuni kəpet.

2 AŋKɔrenth 10:7

Pə yi nə kəli gbo mȧtȧy mə nə nəŋka rəfɔr-i? Bepi wuni o wuni ɔ pələnɛ kəpa ɔ yi wuni ka Kraist-e, ta ɔ kȧl nanɛ ȧte kəpa mɔ mə kɔn ɔ yi wuni ka Kraystȧŋ-e, yaŋ sɔ saŋ sə yi.

2 AŋKɔrenth 11:21

I fɔf rə məlap kəpa, ka rayay ra mi i la hɛ yɔ mȧtȧy məwunɔŋ. Halisa ta tȧy o tȧy ȧtȧ wuni mɔ minthasnɛ, (i fɔf gbo mɔ upəŋk) minɛ sɔ i ti minthasnɛ.

2 AŋKɔrenth 11:30

Kɛrɛ bepi i ba tə kəgbək ɛyonka-e, i ti kolonɛ ta mȧtȧy ama mə tɔri mȧyay mȧ mi.

2 AŋKɔrenth 12:5

I ti kolonɛ salata ɔwuni wunɔŋ, kɛrɛ ta minɛ gbeŋ i ba hɛ tə kəkolonɛ, thambe ka rayay ra mi.

2 AŋKɔrenth 3:12

Tiyȧŋ ma sə ba kagbak ȧmerȧ awunɔŋ-e, sə gbəli fɔf rə kəmintha.

2 AŋKɔrenth 5:20

Tiyȧŋ sə yi aŋsom ŋa Kraystȧŋ, pə yi mɔ Kuru ɔ nɛmthɛnɛ nu kətaŋ do rɔsu. Saŋ sə nɛmthɛnɛ nu salata Kraystȧŋ tə kəkal manɛ yi Kuru.

2 AŋKɔrenth 6:1

Ɔwa ma sə pantnɛ yi kɔn ka mȧpanth-e, sə nɛmthɛnɛ nu kȧmȧ nə te sɔthɔ ȧŋboŋa ŋa Kuru kətiŋ.

2 AŋKɔrenth 7:4

I fɔfȧnɛ nu rə kəmintha kəbana, i kolonɛ ɔgbȧthi salata nu; i la rə kəbɛfəth kətɔŋ ka ɛsɔmpanɛ ɛ su bɛ, ɔwa i yasanɛ rɛ yi məbɔnɛ.

AŋKȧletia 4:13

Kɛrɛ nə tȧrȧ ka ɔtɔtɔkɔ i kawandi nu mapa məfinɔ ma Kuru rə asɔmpanɛ ka ȧŋdɛr a mi.

AŋKȧletia 5:2

Ɔwa minɛ Pɔl, i pa do rɔnu, bepi nə wop kəbirons-e, Krayst ɔ ba hɛ kəmunaŋfas nu koko.

AŋƐfisɔs 3:1

Te ba ti-e, minɛ Pɔl, ɔkɛndɛbira ka Yisɔs Krayst salata naŋ təbona təlɔm-e,

AŋƐfisɔs 4:1

Tiyȧŋ minɛŋ, ɔkɛndɛbira ka ɔMarki, i nɛmthɛnɛ nu kȧmȧ nə kɔth mɔ mə nə yi tə kəkɔth ka katela ȧke a poŋ tela nu,

AŋFilipai 4:5

Yɔ kȧmȧ wuni o wuni ɔ tȧrȧ mathɔfəl ma kamuyu ka nu. ƆMariki ɔ yi ufati.

AŋKɔlɔsi 1:23

Bepi pə yi gbo-e nə bȧkər asɔbɛ ka kȧlanɛ, ɔwa nə təmȧ kəŋkəŋ abȧki gbaŋ, nə gbapɛ hɛ kagbak ȧmerȧ ka nu ka ȧkɛra kəfinɔ ȧke nə po təl, dɛ yi ȧke a po kawandi ka wuni o wuni nɔru. Ɔwa minɛŋ, Pɔl, a səki mi ukɔtha ka ȧkɛra kati.

2 AŋThɛsȧlonika 3:17

Aŋkori ŋa kȧta kȧmi Pɔl, aŋa yi aŋlomar a mi rə areka o areka ŋi aŋe.

Faylimɔn 1:19

Minɛ Pɔl i gbal ti yi kȧta kȧmi gbeŋ, ɔwa minɛ i ti ram ti. (I pa hɛ ta munɔ mɔ mə ba rəbei do rɔmi dɛ yi hali aŋesəm a mu gbeŋ).

Faylimɔn 1:9

kɛrɛ salata mȧbɔthər-e, i tha yema nɛmthɛnɛ mu, hali minɛ Pɔlȧŋ, ɔthem ubaki, yi ukɛndɛbira ta Yisɔs Krayst sɔ;

1 Pitar 2:11

Na abɔthər, i nɛmthɛnɛ nu-e, mɔ atik dɛ yi mɔ afəm ŋa ȧbiyas, gbapɛ nu ɛmilɛ ya madɛr ɛyɛ mə tim kəŋamnɛ rafəm.

Kȧŋȧibinɛ 1:9

Minɛŋ, Yɔn, ɔwɔnt yi ɔkas ka nu ka asɔmpanɛ, yi ka rȧbȧy dɛ yi kamuyu ka Yisɔs Kraystȧŋ, i yi ka aŋyel aŋa mə a bont Patmɔs salata ȧrim ra Kuru, yi ta maseri ma Yisɔs Kraystȧŋ.