1 Pitar 5:9 - Ȧŋlemrȧnɛ Ȧfu

⁹ Kasi kɔ nu ka aŋlanɛ; ɔwa tȧrȧ kəpa aŋwɔnt a nu alɔm ka ȧdȧru bɛ ŋa yi sɔ ka ȧŋpam ŋin ŋati.

1 Pitar 5:9 ပူးပေါင်းရင်းမြစ်များ

Luk 22:32

kɛrɛ i po ramnɛ ta ȧtȧ mu kȧmȧ kȧlanɛ ka mu kə te ranta. Ɔwa ma mə po lafthɛ-e, bȧksər aŋwɔnt a mu.

Yɔn 16:33

I po fɔfȧnɛ nu mȧtȧy ame bɛ, kȧmȧ nə ba məthɔfəl ro mi. Ka ȧdȧru nə tə ba asɔmpanɛ: kɛrɛ bȧk nu təbuth, i po tham ȧdȧru.

Mȧyɔs ma aŋsom 14:22

kaŋ bȧksər ɛmerȧ ya aŋkarande, aŋ maŋ ŋa tə kəbasər ka kȧlanɛ, ɔwa aŋ kanɛ ŋa sɔ kəpa, ka ɛsɔmpanɛ ɛgbathi sə tə wɔŋ ka rȧbȧy ra Kuru.

1 AŋKɔrenth 10:13

Agbɔns o gbɔns aŋ gbəli hɛ derər nu thambe ara mə der ka wuni o wuni kəpet; kɛrɛ Kuru ɔ yi ubɔthi lanɛ, ɔwa ɔ ba hɛ kəselɔ a gbɔns nu pəthas ȧtȧ nə gbəli, kɛrɛ ma aŋgbɔns aŋ bek-e, ɔ tə kanthi roŋ dəgbukɛ kȧmȧ nə gbəli muyu.

AŋƐfisɔs 4:27

Ɔwa te nu sɔŋ Sethani dɛr.

AŋƐfisɔs 6:16

Pə thas ri sɔ-e, gbasi nu ȧŋbintha ŋa kȧlanɛ, ɔwa di kati nə tə gbəli dimsi mȧsenɔ məmara bɛ ma ɔkərəfi uləs.

AŋKɔlɔsi 2:5

kotȧy-e hali ma i te bəpər ka madɛr-e, i yi dɛ yi naŋ ka ȧŋmerȧ a mi, ka pə bɔnɛ mi ma i nənk mabotəs dɛ yi kabotərnɛ ka nu ȧmerȧ ka kȧlanɛ ka Krayst.

1 AŋThɛsȧlonika 3:3

Kama wuni o wuni ɔ te bora borȧnɛ asabu ŋa ɛmɛm ɛye; pəkasifɛ naŋ gbeŋ nə tȧrȧ kəpa a thith su ta mȧtȧy mati.

1 Timɔthi 6:12

Tim katim kəfinɔ ka kalanɛ, wopnɛ aŋesəm thəbana ta ȧtȧ a po tela mu, yi ta ȧtȧ mə po sɔŋ məseri məfinɔ rodi ka məseri məgbathi.

2 Timɔthi 3:12

Ya pə yi, wuni o wuni ɔwe mə tȧŋ Krayst Yisɔs ka ɔlompi, ɔ tə ba asɔmpanɛ.

2 Timɔthi 4:7

I po tim katim kəfinɔ, i po gbanthi ȧŋbara a mi, i po bɛnɛ kȧlanɛ.

AŋHibru 11:33

rə kəlanɛ aŋfəm aŋe aŋ tham təbȧy, aŋ yɔ məlompi, aŋ sɔthɔ ɛlahiri, aŋ kantha tasəŋ ta təsoyila,

AŋHibru 12:8

Kɛrɛ bepi a sirans hɛ nu mɔ mə a yɔ wath o wath-e, ȧŋlɔkɔ ŋati nə yi gbo awuth ŋa apure, ɔwa nə yi hɛ awuth atəteŋ.

Yeməs 4:7

Tiyȧŋ, sanɛ nu ka Kuru, pɛnsa Sethani, ɔwa ɔ tə gbapɛ nu.

1 Pitar 1:6

Te ba ti nə ba məbɔnɛ məbana, hali pə yi ka-ake ta alɔkɔ agbut ɛmerȧ ɛ nu ɛ lela salata ɛgbɔns tətəp tətəp.

1 Pitar 2:21

Ȧtesoma-e ta ȧte tə a po nu tela, kotȧy-e Kraystȧŋ ɔ sɔmpanɛ ta ȧtȧ su, kətia su amɔl kȧmȧ nə tȧŋ ka mani mɔŋ.

1 Pitar 3:14

Kɛrɛ halisa bepi nə nakasi ta salata məlompi-e, ta pə bɔnɛ nu; te nu nesa maninisanɛ maŋ, ɔwa ta pə te kɛtha nu.

1 Pitar 4:13

Kɛrɛ ba ti məbɔnɛ ma nə ba ȧgbȧp ka ȧŋnȧkȧsi ŋa Krayst, kȧmȧ ma aŋyiki ŋɔŋ aŋ ŋaibinɛ-e, nə tə yasanɛ yi məbɔnɛ məbana.

Kȧŋȧibinɛ 1:9

Minɛŋ, Yɔn, ɔwɔnt yi ɔkas ka nu ka asɔmpanɛ, yi ka rȧbȧy dɛ yi kamuyu ka Yisɔs Kraystȧŋ, i yi ka aŋyel aŋa mə a bont Patmɔs salata ȧrim ra Kuru, yi ta maseri ma Yisɔs Kraystȧŋ.

Kȧŋȧibinɛ 6:11

Ɔwa a sɔŋ kin o kin ka ŋaŋ ruma rəfera, ka a kanɛ ŋa kȧmȧ aŋ muyu ras ta alɔkɔ agbut, haŋ a dif aŋkas rɛ yi aŋwɔnt ŋaŋ mɔ mə a po dif ŋa gbeŋ-e, kȧmȧ a lasər amɔlɔ maŋ.

Kȧŋȧibinɛ 7:14

Ka i pa do rɔŋɔŋ, “Pa, munɔ tȧrȧ.” Kɔ kȧl kanɛ mi hɔ, “Aŋe-e, aŋ wur ka ansɔmpanɛ abana, kaŋ po yak ȧsuma taŋ, ɔwa aŋ po fethər ti ka mȧtir ma kaLɔmɛ kəfɛth.