1 Pitar 5:4 - Ȧŋlemrȧnɛ Ȧfu

⁴ Ɔwa ma ɔTɔl ubana mɔ tɔrinɛ-e, nə tə sɔthɔ ȧniyɔ ŋa ayiki aŋa te ba kəferər.

1 Pitar 5:4 ပူးပေါင်းရင်းမြစ်များ

Yɔn 10:11

Minɛ yi ɔtɔl təlɔmɛ ufinɔ: ɔtɔl ufinɔ ɔ tə sɔnd aŋesəm ŋɔŋ ta talɔmɛ.

1 AŋKɔrenth 9:25

Ulaŋgba o langba ɔwe mə gbakanɛ ka ɛwol ya kasɔnka ɔ yi ugbɛt rə koko bɛ. Ɔwa ŋaŋ aŋa yɔ ti tə kəsɔthɔ ȧniyɔ ŋa ɛbɔpər məthey; kɛrɛ saŋ sə yɔ ti tə kəsɔthɔ ȧniyɔ aŋa mə te ləsər thȧnkȧŋ.

2 Timɔthi 4:8

Tiyȧŋ ȧniyɔ ŋa mȧlompi aŋ yi ta ȧtȧ mi, aŋa ɔMarki, ɔThoŋkas ulompi, ɔ tə sɔŋ mi ka ȧŋrey ŋati; ɔwa pə yi hɛ ta ȧtȧ mi gbo son-e, kɛrɛ ta ȧtȧ ŋaŋ bɛ aŋa bɔthər kȧder kɔŋ.

AŋHibru 13:20

Ɔwa ka-ake kaŋka ɔKuru ka mȧthɔfəl ɔwe poŋ yokas ɔMarki kȧsu Yisɔs ka rəfi-e, ɔTɔl talɔmɛ ubana; kətȧŋȧnɛ ka mȧtir ma aŋlemranɛ athəbana-e,

Yeməs 1:12

Wuni ka aruba wɔŋ ɔwe mə muyu ɛgbɔnsanɛ, kotȧy-e bepi a po gbɔns kɔ-e, ɔ tə sɔthɔ ȧniyɔ ŋa aŋesəm, aŋa ɔMarki ɔ po lahiri ŋaŋ aŋa bɔthər kɔ.

1 Pitar 1:4

dɛ yi tə kəsɔthɔ kɛŋ kəthəbana, kəgbəraŋ ȧke mə te gbəŋkɛ, ȧke a bɛnɛ ro riyana ta ȧtȧ nu,

1 Pitar 2:25

Pəkasifɛ nə la yi mɔ təlɔmɛ təthayoŋ, kɛrɛ ka-ake nə kȧlanɛ thɔŋ ka ɔTɔl yi ka ɔGbəka ka rafəm ra nu.

1 Pitar 5:2

Wɔnthər nu akuthi ka Kuru ȧke a po laŋklia nu, pə yi hɛ rə kəte ba məyɔ, kɛrɛ ka mȧselɔ ma nu gbeŋ; pə yi hɛ sɔ ta məkaŋya mənɔkɔ, kɛrɛ rə ȧmerȧ ŋa məbɔnɛ.

1 Yɔn 3:2

Abɔthər, ka-ake sə yi awuth ŋa Kuru, ɔwa a tha tɔri hɛ su to sə ba kə re yi: kɛrɛ sə tȧrȧ kəpa ma Krayst ɔ kȧl der, sə tə yi mɔ kɔnɔ; pəkasifɛ sə tə nənk kɔ mɔ mɔ yi.

Kȧŋȧibinɛ 1:7

Kəla, kɔnɔ mə derȧŋ yi turu təfera, ɔwa rəfɔr o rəfɔr rə tə nənk kɔ, dɛ yi ŋa sɔ aŋa raf kɔ; ɔwa tȧbona bɛ ta ȧdȧru tə tə bok ta atɔŋ. Ta pə yi ti yaŋ, Amina.

Kȧŋȧibinɛ 2:10

Te nesa tȧy o tȧy ȧtȧ mȧ mə ba kənakasi. Sethani ɔ tə fak alɔm kətɔŋ ka mu ka ȧŋseth ȧtərənkȧ kȧmȧ a mɛm mu, ɔwa mə tə sompanɛ mərey tɔfɔt. Ta mə yi ubɔthi lanɛ haŋ ka rȧfi, ɔwa minɛ i ti sɔŋ mu ȧniyɔ ŋa aŋesəm.

Kȧŋȧibinɛ 3:11

Ɔwa i ti der lɛmp; wop ɔbaksər ara mə ba, kȧmȧ wuni o wuni ɔ te nɔy ȧŋniyɔ a mu.