1 Pitar 4:8 - Ȧŋlemrȧnɛ Ȧfu

⁸ Ɔwa pəthas koko bɛ bɔthərȧnɛ nu kiriŋkiriŋ, kotȧy-e məbɔthər mə tə gbəpsər ɛhakɛ ɛlai.

1 Pitar 4:8 ပူးပေါင်းရင်းမြစ်များ

1 AŋKɔrenth 13:1

Hali i fɔf atənt ta afəm yi amaleka-e, bepi i ba hɛ məbɔthər-e, i səkɛ mɔ akɛm arəmi, thalɔm mɔ adaro.

1 AŋKɔrenth 13:4

Məbɔthər mə ba kəmuyu kəlele, mə ba məthɔth, mə ba hɛ kətut; mə gbək hɛ ɛyonka, ɔwa mɔ bondəsnɛ hɛ.

AŋKɔlɔsi 3:14

Ɔwa rokɔm ka mȧtȧy ame bɛ, wɔŋ məbɔthər ama yi mɔlɔ ma rasekəranɛ ra ȧmerȧ agbenthis.

1 AŋThɛsȧlonika 3:12

Kaŋka ɔMarki ɔ yɔ mabɔthər ma nu mə bȧrnɛ dɛ yi mə thɛrmɛ ɔkin ka ulɔm, kəkɔ ka afəm bɛ, hali mɔ mə saŋ sə bɔthər nu.

2 AŋThɛsȧlonika 1:3

Sə yi tə kəmɔmɔ Kuru lɔkɔ o lɔkɔ ta ȧtȧ nu awɔnt, pəkasifɛ kȧlanɛ ka nu kə bȧrnɛ gbo ɔthasər, ɔwa mabɔthər ama nə ba ɔkin ta ulɔm bɛ mə yi məbana;

1 Timɔthi 1:5

kotȧy-e ɔgbanthir wa aŋgbɛthɛŋ a su ɔ yi məbɔthər kəwur rə ȧmerȧ ȧferȧ, yi rə asɔŋ agbəraŋ, yi rə kəlanɛ rə tȧteŋ.

AŋHibru 13:1

Bȧsər nu bɔthərȧnɛ mɔ awɔnt.

Yeməs 5:12

Kɛrɛ pəthas tȧy o tȧy, aŋwɔnt a mi, te nu gbiŋ, pə yi ka kȧriyana, thalɔm ka ȧdȧru, thalɔm rə agbiŋ o gbiŋ; bepi nə pa, Yao, ta pə yi gbo Yao; bepi Ade, ta pə yi gbo Ade; kȧmȧ nə te ba mətheri.

Yeməs 5:20

ta ɔ tȧrȧ kəpa ɔwe mə lȧfthi uwuni ka ahakɛ kəwur ka makənȧ ma aroŋ dɔŋ, ɔ tə kisis ɔwuni kəwur ka rȧfi, ɔwa ɔ tə gbəpər ɛhakɛ ɛgbȧthi.

1 Pitar 1:22

Ɔwa ma nə poŋ thɔŋ gbəransnɛ rə kəsanɛ ka tȧteŋ kəkɔ rə məbɔthər məgbenthis mȧ rȧwɔnt, kətȧŋ ka ɔYina məsəm, kəli nu kȧmȧ nə bɔthərȧnɛ asɔbɛ rə ȧmerȧ ȧferȧ,

3 Yɔn 1:2

Ɔyathki kȧmi ufinɔ, i fela kȧmȧ mə sabathi ka kəyeŋk mədɛr, mɔ mə aŋesəm a mu aŋ sabathi.