1 Pitar 4:2 - Ȧŋlemrȧnɛ Ȧfu

² kȧmȧ ɔ te sɔ yirȧ ka marey ma aŋesəm ŋɔŋ bɛ tə kəthənsər mafela ma madɛr, kɛrɛ tə kəyɔ mȧselɔ ma Kuru.

1 Pitar 4:2 ပူးပေါင်းရင်းမြစ်များ

Mathiu 12:50

Ȧtesoma-e wuni o wuni ɔwe mǝ yɔ mȧselɔ ma ɔKas kȧmi ɔwe yi ro riana-e, kɔnɔ yi ɔwɔnt mi uruni yi ɔwɔnt mi ubɛra dɛ yi ɔkara kȧmi.

Mathiu 20:4

kɔ pa ro rɔŋaŋ, Naŋ sɔ-e, kɔ nu ka mapanth ro kɔr, ɔwa i ti sɔŋ nu ara yi rǝlompi. Kaŋ kɔnɛ.

Mathiu 21:31

Ka ŋa ŋarǝŋ aŋe-e, kanɛ yɔ mȧselɔ ma ɔkas kɔŋ-e? kaŋ pa ro ŋɔŋ, Ɔtɔtɔkɔ. Ka Yisɔsȧŋ ɔ pa ro ŋaŋ, Tɛntɛnɛ i kanɛ nu kǝpa aŋthoŋkla ɛfȧk yi aŋbɛra arǝpi aŋ tǝ mɔtha nu wɔŋ ka rȧbȧy ra Kuru.

Mathiu 7:21

Pǝ yi hɛ wuni o wuni ɔwe mǝ pa ro mi, Pa, Pa, kɔnɔ mǝ wɔŋ ka rȧbȧy ra ro riyana, kɛrɛ ŋaŋ gbo son aŋa mǝ yɔ mȧselɔ ma ɔKas kȧmi ɔwe yi ro riyana.

Mark 3:35

Ȧtesoma-e wuni o wuni ɔwe mə yɔ mȧselɔ ma Kuru-e kɔnɔ yi ɔwɔnt mi runi, yi ɔwɔnt mi bɛra, yi ɔkara kȧmi.

Mark 7:21

kotȧy-e, kəwur rokor-e, kəwur ka ɛmerȧ ya aŋfəm-e, ɛnanɛ ɛləs-o, kəba ɛpure-o, kȧrəp-o,

Yɔn 1:13

aŋa a kom, pə yi hɛ ka mətir, thalɔm ka mȧselɔ ma madɛr, thalɔm ka mȧselɔ ma wuni, kɛrɛ ka mȧselɔ ma Kuru.

Yɔn 7:17

Bepi wuni o wuni ɔ selɔ tə kəyɔ mȧselɔ mɔŋ-e, ɔ tə tȧrȧ ta kathəksa, bepi kə wur ka Kuru, thalɔm bepi i fɔf kəwur ka ȧŋmerȧ a mi son.

AŋRomans 12:2

Te taŋanɛ mȧtȧy ma ȧdȧru ȧre, kɛrɛ lafthɛ kȧmȧ ɛmerȧ ɛ nu ɛ səkɛ ɛfu, kȧmȧ nə gbɛlɛŋ mȧselɔ ma Kuru ama yi məfinɔ, məthesa yi məgbenthis.

AŋRomans 14:7

Ȧtesoma-e ukin kȧsu ɔ yi hɛ ɔwe mə yi gbo salata anyɛthɛ ŋɔŋ, ɔwa ukin kȧsu ɔ fi hɛ salata aŋyɛthɛ ŋɔŋ gbo gbɛt.

AŋRomans 6:11

Yaŋ sɔ naŋ nə yi tə kəlɔmnɛ kəpa ye nə yi nia afi ta ahakɛ, kɛrɛ nə yi akəli ta Kuru salata Yisɔs Krayst ɔMarki kȧsu.

AŋRomans 6:2

Saki ti; saŋ aŋa po fi ta ahakɛ-e, to mə sə gbəli tiyȧ ri sɔ-e?

AŋRomans 7:4

Ɔwa aŋwɔnt a mi, naŋ sɔ nə po fi salata ȧŋthɔ asabu ŋa ȧŋdɛr ŋa Krayst, kȧmȧ nə gbəli balȧ ka ulɔm, pə yi mɔ ka kɔn ɔwe po yokanɛ ka rəfi, kȧmȧ sə wur məkomi ta Kuru Məsaba-əŋ.

2 AŋKɔrenth 5:15

Ɔwa ɔ po thɔŋ fi salata ŋa bɛ kȧmȧ aŋkəli aŋ te sɔ yi ta ɛyɛthɛ yaŋ, kɛrɛ ta kɔn ɔwe po fi ta ȧtȧ ŋaŋ, ɔwe yokanɛ sɔ.

AŋƐfisɔs 2:3

Saŋ sɔ sə la yirȧ kətɔŋ ka ŋaŋ ka maləs ma madɛr ma su, rə kətaŋ gbo mafela ma madɛr dɛ yi ɛnanɛ yati; pəkasifɛ kətȧŋȧnɛ ka kakom kȧsu sə yi saŋ aŋwuth ŋa rəbaŋ, mɔ afəm alɔm bɛ.

AŋƐfisɔs 4:17

Ȧtesoma-e i maŋ nu, ɔwa i nɛmthɛnɛ nu ka ȧŋes ŋa ɔMarki kȧmȧ nə te sɔ kɔth mɔ tȧbona təlɔm mə aŋ kɔth, ka ɛmerȧ yaŋ ɛfoth.

AŋƐfisɔs 5:17

Ɔwa te nu yi mɔ afəm aŋa te tȧrȧ, kɛrɛ sɔthnɛ ko mȧselɔ ma ɔMarki mə yi.

AŋƐfisɔs 6:6

Ta pə te yi rə kəyɔna gbo ro der ka ŋaŋ kəri, mɔ ŋaŋ aŋa mə yɔr tə kəbɔnɛs afəm. Kɛrɛ ta pə yi mɔ ɛbɔy ya Krayst aŋa mə yɔ mȧselɔ ma Kuru ka ɛmerȧ yaŋ.

AŋKɔlɔsi 1:9

Ȧtesoma-e saŋ sɔ, kȧbi ka ȧŋrey aŋa sə po təl ti-e, sə tey hɛ bɛ tə kəramnɛ dɛ yi kənɛmthɛnɛ ta ȧtȧ nu, kaŋka nə la yi kȧtȧrȧ ka mȧselɔ mɔŋ, rə kətemp dɛ yi kətara tȧy bɛ rə ɔYina.

AŋKɔlɔsi 3:3

kotȧy-e naŋ nə po thɔŋ fi, ka ɛŋesəm ɛ nu ɛ po maŋknɛ rokor ka Krayst ka Kurɔŋ.

AŋKɔlɔsi 4:12

Ɛpafras ɔwe yi ukin ka nu-e, ȧbɔy ŋa Yisɔs Krayst, ɔ kori nu; lɔkɔ o lɔkɔ ɔ sulnɛ ka taramnɛ tɔŋ ta ȧtȧ nu, kȧmȧ nə təmȧ agbenthis dɛ yi apələnɛ ka mȧselɔ ma Kuru.

1 AŋThɛsȧlonika 5:18

Sɔŋ mɔmɔ rə tȧy o tȧy, kotȧy-e mȧselɔ ma Kuru kətȧŋȧnɛ ka Krayst Yisɔs ta ȧtȧ nu miəŋ.

AŋHibru 13:21

ɔ yɔ nu nə yi agbenthis rə tȧy o tȧy təfinɔ, tə kəyɔ mȧselɔ mɔŋ, kȧmȧ ɔ yɔ mapanth rokor ka nu ama mə mar nu tə kəbɔnɛs kɔ, kətȧŋȧnɛ ka Yisɔs Krayst; ɔwe ba ayiki thȧnkȧŋ o thȧnkȧŋ. Amina.

Yeməs 1:18

Ka mȧselɔ mɔŋ gbeŋ ɔ kom su ka ȧrim ra tȧteŋ, kȧmȧ sə yi mȧkomi mətɔtɔkɔ ma mabɛmpa mɔŋ.

1 Pitar 1:14

Mɔ awuth arusəma, te nu taŋanɛ mafela ma nu məbaŋ ama nə la taŋanɛ ka ȧŋlɔkɔ ŋa kate tȧrȧ ka nu thəpaŋ.

1 Pitar 2:1

Tiyȧŋ gbapɛ nu məgbɛŋanɛ, yi akansoŋ, yi ɛpa ɛkȧrȧfu kȧrȧfu, yi kətut, dɛ yi kəforthȧnɛ bɛ;

1 Yɔn 2:17

Raru rə tə thas yi mafela mati, kɛrɛ kɔn ɔwe mə yɔ mȧselɔ ma Kuru ɔ tə yi haŋ thȧnkȧŋ thəbana.